COVID එන්නත සහ ගැබිනි මව

වර්තමානය වන විට ලොවම මුහුණ දී ප‍්‍රබලතම සෞඛ්‍ය අභියෝගය කොරෝනා හෙවත් COVID වසංගතයයි. මෙය පුද්ගලයෙකුගෙන් තවත් පුද්ගලයෙකුට සම්පේ‍්‍රෂණය සිදුවන ක‍්‍රමය වන්නේ කෙළ බිඳිති ආශ‍්‍රයෙනි. ඒ නිසා ශ්වසනය ආශ‍්‍රිතව පැතිර යා හැකියි. එසේම කැස්ස, කිවිසුම මගින්ද පිටවන බිඳිති පරිසරයට නිරාවරණය වීම නිසා රෝගය බෝවිය හැකියි. 

මෙම රෝගය නිසා ආසාධ්‍ය තත්ත්වයට පත්වීමේ හැකියාව බහුලවම ඇති කණ්ඩායම් වන්නේ බෝ නොවන රෝග ඇති හෝ ඒ සඳහා අවදානමක් ඇති කණ්ඩායම් වන අතරම අපේ ගර්භනී මව්වරුන්ද මේ අවදානම් කණ්ඩායම තුලට ගැනේ. මන්ද යත් ගර්භනී කාලය තුල මවට ඇති ප‍්‍රතිශක්තිය අඩු වීම නිසා රෝග බීජනයට නිරාවරණය වුවහොත් ගර්භනී මව්වරුන්ටද මෙය සෑදිය හැකියි. ගර්භනී සමයේ මුල් තුන් මස යනු දරුවාගේ අවයව විකසනය වන අවස්ථාවයි. 

ගැබිනි සමයේ පළමු ත්‍රෛමාසිකය තුළ කොරෝනා වෛරසය ආසාදනය වුවහොත්

  • දරුවාගේ වර්ධනය බාල විය හැක
  • ගබ්සා වීම් මගින් කලලයට හානි විය හැක

ඉන් පසු කාලය තුලදී මවට COVID වැලදුණහොත්

  • කුස තුල දරුවාගේ වර්ධනය බාල වීම
  • අඩු මාසයෙන් දරුවා බිහිවීම
  • මළ දරු උපත් ඇති වීම වැනි භයානක සංකූලතා ඇති විය හැක 
  • මවට උග‍්‍ර ලෙස ඇති වන හුස්ම ගැනීමේ අපහුසතාවය සමග ඇතිවන සෙම තත්ත්වය නිසා නියුමෝනියා තත්ත්වයට පත් වී උග‍්‍ර සංකූලතා ඇති වීම මෙන්ම මාතෘ මරණ අවදානම ඉහළය 

 

මෙවන් තත්ත්ව වළක්වා ගැනීමට,

  • ගැබිනි මව්වරු සෑම විටම සෞඛ්‍ය පුරුදු හොඳින්ම පවත්වා ගැනීම
  • සෙනඟ එක් රැස්වන ස්ථාන වෙත ගමන් කිරීමෙන් වැලකීම
  • වෛද්‍ය උපදෙස් මත සෑම විටම කටයුතු කිරීම
  • පළමු තුන් මාසයට පසුව COVID එන්නත් ලබාගැනීම

 

COVID එන්නත් ලබාගැනීම තුලින් මවගේ ශරීරය තුල ඇති වන ප‍්‍රතිශක්තිය හේතුවෙන් මවටත් දරුවාටත් ආරක්‍ෂාව ලැබේ. සමහරවිට මවට එන්නත ලබා තිබියදීම COVID වැළදුණහොත් COVID නිසා ඇති වන උඝ‍්‍ර සංකූලතාවයන් ගෙන් ආරක්‍ෂා වීමට මවට එන්නත නිසා ලැබුණු ප‍්‍රතිශක්තිය පිහිට වේ. මේ නිසා ප‍්‍රසව හා නාරිවේද වෛද්‍ය වරුන්ගේ මතය වන්නේ ලැබුණු පළමු අවස්ථාවේදීම ගර්භනී මව්වරු COVID එන්නත ලබාගැනීම සුදුසු බවයි. 

දීර්ඝකාලීන ලෙස පර්යේෂණ සිදු නොකර එන්නත් නිපදවා තිබුණද මේ වන විට බොහෝ ගර්භනී මව්වරු මෙම එන්නත ලබා COVID අවධානමට හොඳින් මුහුණදී ඇත.

මෙසේ හෙයින් වඩාත් ආරක්‍ෂාකාරී නුවණැති පියවරක් ලෙස ගර්භනී මව්වරු COVID එන්නත ලබාගැනීම සුදුසු වේ. මේ පිළිබඳව තොරතුරු සඳහා තම ප‍්‍රදේශයේ පවුල් සෞඛ්‍ය සේවා නිළධාරිනිය, මහජන සෞඛ්‍ය හෙද සොයුරිය හෝ සෞඛ්‍ය වෛද්‍ය නිළධාරීතුමන් ඔබට ඇමතිය හැකියි. තවදුරටත් තොරතුරු අවශ්‍ය යැයි හැ‍ගේ නම් ඔබව පරීක්‍ෂා කරන ප‍්‍රසව හා නාරිවේද වෛද්‍ය තුමා ඇමතීමටද ඔබට හැකියි.

 

විශේෂඥ මතය, අදහස සහ මූලික සටහන:

අයිරාංගනී ගගලගමුව

පවුල් සෞඛ්‍ය සේවා නිළධාරීනි

සෞඛ්‍ය වෛද්‍ය නිලධාරී කාර්යාලය

බුලත්සිංහල

 

 

 


අධ්‍යාපනික අතින් කොයිතරම් උසස් මට්ටමක හිටියත් අම්මෙක් වුණාම ඇති වන ගැටලූවලට අපි ළඟ පිළිතුරු නෑ. මව්පදවියත් එක්ක දහසකුත් එකක් ප්‍රශ්න මටත් ඇති වුණා. ඔය අතරෙදියි මව්වරුන් වෙනුවෙන්ම වෙන්වුණු පුවත්පතක සංස්කාරකවරිය විදියට සේවය කරන්න මට අවස්ථාව ලැබුණේ. අම්මා කෙනෙක් විදියට මට ඇති වෙන ගැටලූ අධ්‍යාපනය අතින්, මිල මුදල් අතින් ඉහළ, පහළ ඕනෑම තරාතිරමක හැම අම්මා කෙනෙක්ටම පොදුයි කියලා ඔය අතරෙදි මම තේරුම් ගත්තා. මගේ අත්දැකීම්, දරුවන් ගැන මට තියෙන ගැටලූ ගැන වෘත්තීමය සුදුසුකම් සහිත පුද්ගලයන් එක්ක සාකච්ඡ කරලා, සටහන් කරන්න මම හිතුවේ දහස් ගණනක් මව්වරුන්ට නිවැරදිම මගපෙන්වීම අවශ්‍ය බව දැණුනු නිසා.

LEAVE A REPLY

Please enter your comment!
Please enter your name here