දරුවන් භාෂා ඉගෙනීම ආරම්භ කරනුයේ මවු කුස පිළිසිඳ ගත් දා පටන් ය. තවද දරුවා මෙලොව එලිය දුටු දා සිට දරුවාගේ කුසලතා දියුණුව සඳහා අවශ්‍ය වන ලෙස පසුබිම සකසා දෙනු ලබන ඔබ දරුවාගේ කතාව, භාෂාවට උදවු දෙන ක්‍රියාකාරකම් සකසා ගැනීමට උනන්දු වනවා නොඅනුමානයි. එමනිසා දරුවාට වයසට සුදුසු ලෙස ක්‍රියාකාරකම් හා සෙල්ලම් බඩු තොර ගන්නා ආකාරය හා සකසා ගන්නා ආකාරයත් එහි වැදගත්කමත් අපි අද සාකච්චා කරමු.
අලුත උපන් බිළිඳාට
ඔබ ඔබේ අලුත උපන් බිළිඳා ට ශබ්ධ නගන සෙල්ලම් බඩු තොරා ගනු ලබන්නේ එහි වටිනාකම නොදැන විය යුතුය. එමගින් බිළිඳාගේ ඇහුම්කන් දීම, ශබ්ධ වලට සවන් දීම වැනි කුසලතා දියුණු වීමට මේවා රුකුල් වනු ඇත. එමනිසා දරුවා හට මෙම සෙල්ලම් බඩු ලබා දීමට උනන්දු වන්න.
තවද දරුවා සිටින ඇඳ ආසන්නයේ පින්තුර එල්ලීම, බිත්තියේ පින්තුර රැදවිම ද ඔබට සිදු කල හැකි දේ අතර වේ. ඒ සදහා ඔබට අවශ්‍ය පින්තුර සකස් කර ගත හැකිය. එමගින් දරුවාගේ පෙනීම, පින්තුර හදුනා ගැනීම උපකාරී වේ.
මාස 06 පමණ වන දරුවාට
මාස 06 පමණ වන විට දරුවා ශබ්ධ නැගීම ආරම්භ කරන අතර දරුවා හට ශබ්ධ නගන සෙල්ලම් බඩු ලබා දීම තුලින් දරුවා ඒ සඳහා උනන්දු කල හැකිය. තවද දරුවාගේ පෙර භාෂා කුසලතා දියුණු වීමට අවශ්‍ය වන ලෙස Pop up toys, සංවේදී අවයව උත්තේජනය වන ලෙස සකසා සෙල්ලම් බඩු මෙම කාලයේදී ලබා දිය හැකිය. ඒවා දරුවාගේ සංවේදී අවයව උත්තේජනය ට උපකාරී වනු ඇත.
මාස 08 පමණ වන දරුවාට
දරුවා මස 08 පමණ වන විට වචන පිලිබඳ අවබෝධය ආරම්භ වන අතර සරල තනි වචන ප්‍රකාශ කිරීම ද ආරම්භ කල හැකිය. මෙම කාලයේදී ඔබට පින්තුර පොත්, පින්තුර කාඩි පත් සකසා ගත හැකිය. මෙම පින්තුර සැබෑ පින්තුර වීම වැදගත් වන අතර ඒවා චිත්‍ර, කාටුන් පින්තුර නොවීම ඉතා වැදගත් වේ. තවද මෙම පින්තුර කාඩි පත් ව්ශාල වීමද, පාට සහිත වීමද ඔබ සිහි තබා ගත යුතු දෙයකි. මේ ආකාරයට ඔබට විවිධ කාණ්ඩ වලට අයත් පින්තුර දරුවාට හදුන්වා දිය හැකිය. උදාහරණ ලෙස සත්තු, පලතුරු, පවුලේ අය, කෑම ආදී දේ ඊට ඇතුලත් කර ගත හැකි අතර ඒවා දරුවාට සමීප වචන වීම සුදුසු වේ.
අවුරුදු 1-2 අතර දරුවාට
දරුවා අවුරුද්ද පමණ වන විට තනි වචන කතා කරන අතර අවුරුදු දෙක පමණ වන විට සරල වචන 2-3 ක් එකතු කර වාක්‍ය තැනීම ට දරුවා උත්සහ කරනු ඇත. ඒ සඳහා දරුවාට උදවු වන ලෙස ඔබට ක්‍රියාකාරකම් සකසා ගත හැකිය. ඒ සඳහා ඔබ හා දරුවා අතර සන්නිවේදනය ගොඩ නගා ගැනීමට හැකියාව ඇති වන සෙල්ලම් බඩු තෝරා ගත යුතුය. ඒඅතර බෝනික්කන්, වාහන, tea cup set, cooking set ආදී දේ තිබිය හැකිය. මෙහි ඇති වැදගත්කම නම් ඔබ හා දරුවා අතර වාචික සන්නිවේදනය මෙම සෙල්ලම තුලින් සිදු කල හැකිද යන්න සිතීමයි.
අවුරුදු 3-4 අතර දරුවාට
දරුවා අවුරුදු 03 පමණ වන විට වචන 3-4 ඇතුලත් වාක්‍ය ප්‍රකාශ කල යුතු අතර භාෂා අවබෝධය ද දියුණු විය යුතුමය. එමනිසා දරුවා හට එම කුසලතා කරා ලගා වීමට උදවු වන ලෙස ඔබට සෙල්ලම් බඩු තොරා ගත හැකි අතර සරල කතන්දර පොත්, දරුවා හට විවිධ සෙල්ලම් සිදු කල හැකි දේ එනම් shopping cart, doctor set, ring tower toys මෙන්ම කැපිය හැකි එළවලු පලතුරු ආදී දේ ඔබට තොර ගත හැකිය. එමගින් දරුවා හට සෙල්ලම් කරන අතරතුර අවස්තානුකුල ව භාෂාවක් භාවිතා කිරීම දියුණු කර ගත හැකිය.
මිට අමතර දරුවාගේ උසස් භාෂා කුසලතා (Higher language skills) දියුණු කිරීමට අවශ්‍ය වන ක්‍රියාකාරකම් දෙමවුපියන් වන ඔබට සකස් කර ගත හැකිය. ඒ සඳහා සමාන පින්තුර තේරීම ට පින්තුර කාඩ්පත් සැකසීම, පාට හැඩතල, හා වචන වලට අදාළ පින්තුර තොර ගැනීමට දරුවා පුහුණු කිරීමට ඔබට පින්තුර පත් සකස් කර ගත හැකිය. ඒවගේම Puzzles ද දරුවාගේ වයස අනුව ඔබට තොර ගත හැකිය. එමගින් දරුවාගේ ගැටළු විසදීම (problem solving), logical thinking, සිතීම හා දරුවාගේ ඉගෙනුම් කුසලතා ද දියුණු කර ගත හැකිය. එමනිසා දරුවාගේ භාෂා කුසලතා දියුණු කිරීමට අවශ්‍ය වන ලෙස සරල ක්‍රියාකාරකම් සකසා ගැනීමටත් නිවැරදිව තෝරා ගැනීමටත් ඔබට හැකියාව පැවතීම ඉතා වැදගත් වේ.
කථන හා භාෂා චිකිත්සක සජිනි පෙරේරා මහත්මිය විසිනි.
