ඔබ කොවිඩ් ආසාදිතයෙක් වුන අවස්ථාවක නිවසේ සිට ප්‍රතිකාර ලබන රෝගියෙක් වුනොත්…එහෙම නැත්නම් කොවිඩ් පළමු ආශ්‍රිතයෙක් සමග සම්බන්ධ වීම නිසා හෝ රෝග ලක්ෂණ නිසා දින දාහතරක කාලයක් නිවසේ නිරෝධායනය වෙන්න සිදු වුනොත් අනිවාර්යෙන්ම නොකළ යුතු දේවල් කීපයක් තිබෙනවා.
PCR වාර්තාව ලැබෙන්නේ හෙට නම් අදත් පරිස්සම් වෙන්න
ඔබ තවමත් කොවිඩ් ආසාදියෙක් යැයි තහවුරු වී නැහැ. නමුත් ඡක්‍ඍ වෙනුවෙන් ඔබේ නියැඳියක් ලබා දී තිබෙනවා නම් තහවුරු වාර්තාව නැතැත් ඔබ අනිත් අයට රෝග වෛරසය සම්ප්‍රේෂණය නොකොට සිටීම ඉතා වැදගත්. ඒ නිසා හැකි තරම් අනිත් අයගෙන් වෙන් වී සිටින්න.ඔබේ වාර්තාව එන තෙක් නිවසෙන් පිටට නොගොස් නිවසේ රැඳී සිටීම ඉතාම වැදගත්. ඔබ පිටතට යෑම නිසා වෛරසය බොහෝ දෙනෙකුට සම්ප්‍රේෂනය වෙන්න පුලුවනි.
කාමරේ අස් කරන්න එපා…
දැන් ඉතින් දවස් කීපයක්ම කාමරේට වෙලා ඉන්න එපායැ. ඒ නිසා කාමරේ අස් කරන්න, දූවිලි පිහින්න නම් සූදානම් වෙන්න එපා. ඒ වගේම විවේකව ඉන්න නිසා පහුගිය කාලයේ කියවන්න බැරි වුන පරණ පොත් පත්තර ටික ළඟට ගන්නත් එපා. දූවිලි නැති පොත් පත් , සඟරා නම් ගැටලුවක් නැහැ.
ඔබ හොඳින්ම දන්නවා කොවිඩ් වෛරසය ශ්වසන පද්ධතිය ආශ්‍රිතව ඇතුලු වී, එතැනින් ගුණ වී අපේ පෙනහළු ආසාදනය කරනවා. ඒ නිසා මෙවැනි අවස්ථාවකදී අපි පෙනහළුවල නිරෝගිතාවය ආරක්ෂා කර ගැනීම ඉතාම වැදගත්.
දූවිලිවලින් නිව්මෝනියාව ඇති වෙන්නේ නැහැ. දූවිලිවල ඇති බැක්ටීරියාව නිසා නිව්මෝනියාව වැළඳෙන්න වැඩි අවස්ථාවක් තිබෙනවා. මේ වෙන විට කොවිඩ් ආසාදනයෙන් අපේ පෙනහළු දුර්වලයි.එවැනි තත්වයකදී දූවිලිවලින් ශ්වසන මාර්ගයට ඇතුලු වෙන බැක්ටීරියා සමග සටන් කිරීමට පෙනහළුවලට ශක්තිය නැති නිසා කොවිඩ් නිව්මෝනියා තත්වය ඇති වෙන්න ඉඩ තිබෙනවා.
දැන් ඔබ හිතාවි වෙනදාටත් අපි ගෙවල් දොරවල් අතුගානවා… ඇඳන් හදනවා. එතකොටත් දූවිලි යනවානේ.. .සාමාන්‍යයෙන් දූවිලි අංශුවක් පෙනහළුගත වුනාට එහි ප්‍රතික්‍රියාවන් නැති වුනත් කොවිඩ් වෛරසය සමග සම්බන්ධ වුනොත් ඔබේ රෝගි තත්වය කොවිඩ් නිව්මෝනියාව දක්වාම දරුණු තත්වයකට පත් කරන්න පුලුවනි. ඒ වගේම දුම, සිගරට් දුම සහ මදුරු කොයිල් දුමත් ඉතාම අහිතකරයි.
සාමාන්‍යයෙන් උගුර ආසාදන තත්වයක් තිබුනත්..
වෙනදාට නම් අපි උගුරේ කැසීමක්, කැස්ස හෝ ප්‍රතිශ්‍යාව තත්වය අපි එතරම් ගණනකට ගත්තේ නැහැ. ඒත් මේ වෙන විට නම් එය නොසලකා ඉන්න බැහැ. ඒ හින්දා ඔබට ශ්වසන මාර්ගය ආශ්‍රිත යම් අපහසුතාවයක් තිබෙනවා නම් දූවිලි ඇවිස්සෙන කටයුතුවලින් සම්පූර්ණයෙන්ම දුරස්ව සිටීම වැදගත්.
ගෙදර සේරම කොවිඩ් ආසාදිත වුනත් එකට ඉන්න එපා..
කොවිඩ් ආසාදිත වීමේදී එක් එක් පුද්ගලයාගේ වෛරස ධාරිතාවය වෙනස් මට්ටම්වල පවතිනවා. ඒ නිසා අපි එකට සිටියොත් වෛරස ධාරිතාවය වැඩි රෝගියාගෙන් වෛරස ධාරිතාවය අඩු රෝගියාටත් සම්ප්‍රේෂනය වීමේ අවදානමක් තිබෙන නිසා එක වහල යට වුනත් වෙන් වෙන්ව සිටීම වඩාත් සුදුසුයි.
පවුලේ අය වුනත් හුමාලය අල්ලන විට…
පවුලේ අය වුනත් හුමාලය අල්ලන විට එකම භාජනය සහ වසන තුවාය පාවිච්චි කරන්න එපා.තමන්ට වෙන් වෙන්ව හුමාලය අල්ලන භාජනයක් තබා ගැනීම අපහසු නම් ඒ බාජනය හොඳින් සෝදා පිරිසිදු නර ගන්න. තුවායක් නම් වෙනම තබා ගැනීමත් වඩාත් සුදුසුයි.
ඔබේ දරුවා නිරෝධායනයේ හෝ ආසාදිතව සිටිනවා නම්…
සමහර විට ඔබ ආසාදිත නොවුනත් දරුවා කොවිඩ් ආසාදිතයෙක් නම් මව්පියන් විදිහට ඔබත් ප්‍රවේසම් වෙන්න. සමහර විට මේ දරුවන් තනියම යමක් කර කියාගන්න පුලුවන් වයසක සිටින්න පුළුවනි. ඒ නිසා ආහරපාන ඔවුන්ට සපයා දී දුරස්ථව සිටිම වැදගත්. අනවශ්‍ය විදිහට දරුවන්ට කවන්න පොවන්න යෑම නිසා මව්පියන්ටත් රෝගය ආසාදිත වෙන්න පුළුවනි. එහෙම වුනොත් දරුවාගේ පහසුකම් සලසා දීමටත් අවස්ථාවක් නැහැ.ඒ නිසා දරුවාට කොතරම් ආදරය තිබුනත් රෝග තත්වයේදී අදාල ප්‍රවේසම වැදගත්.
සනීප වෙලා ගෙදර ආවාමත්…
ඔබ 14 සිට 16 ක් අතර කාලයක් රෝහල්ගතව හෝ ස්වයං නිරෝධායනයේ යෙදී සිට නැවත නිවසට පැමිනියා කියමු. හැබැයි ඔබේ ශරීරයම මේ වෙන විට වෛරසය සමග ලොකු සටනක් කරලා හෙම්බත්ව සිටිනවා. තවමත් වෙහෙසකර ගතිය අවසාන නැහැ. ඒ නිසා ගෙවුන දිනවල මග හැරී තිබුන පිරිසිදු කිරීම්, දූවිලි මතුලුදැල් බවත් කිරීමට නම් සූදානම් වෙන්න එපා.එහෙම වුනොත් ශ්වසන මාර්ගය ඔස්සේ ඇතුලු වෙන දූවිලි නිසා නිව්මෝනියාවට හේතුකාරක බැක්ටීරියාව නැවතත් අවදි වෙන්න පුලුවනි.
මේ ගැන අපට නිතරම අසන්න ලැබෙනවා නේද..? සනීප වෙලා ගෙදර ඇවිත් සේරම ගෙදර වැඩත් කර ගෙන හිටියා. ආයෙත් අමාරු වෙලා රෝහල්ගත කරන්න වුණා. මෙවැනි තත්වයන් ඇති වෙන්නේ අක්‍රියව තිබුන බැක්ටීරියාවට සක්‍රිය වීමට ඔබ විසින්ම දායකත්වය ලබා දීම නිසයි. ඒ නිසා සුවය ලබා නිවසට පැමිණියත් සම්පූර්ණයෙන්ම සුවය ලැබෙන තෙක් දූවිලි ඇවිස්සෙන කටයුතුවල නිරත වෙන්න එපා. ඒ වගේම කොවිඩ් ආසාදිත වුන පුංචි දරුවන් පවා දූවිලිවලට නිරාවරනය වීමට නොදී ආරක්ෂා කර ගැනීම ඉතාම වැදගත්.
ඒ වගේම අපි දින 14 කින් නිවසට ආවත් සමහර විට තවමත් අපේ වෛරසයෙන් තවත් අයට බෝවීම හෙවත් බීජෞෂන සමය අවසාන නොවි ඇති. ඒ නිසා තව දින කීපයක් යන තෙක් පවුලේ අය සමග සමීප සම්බන්ධතාවයන් පවත්වන්න එපා.
දැන් මට සනීපයි…නාන්න ඕන.
කොවිඩ් ආසාදිතව රෝහල්ගතව හෝ නිවසේ ප්‍රතිකාර ලද ඔබට ස්නානය කිරීමේ අවශ්‍යතාවය ඉතා හොඳින් දැනෙනවා ඇති.ඒ නිසා සුවය ලැබී දින විස්සක් ගත වුනාම ස්නානය කිරීමට අවසර තිබෙනවා කියල හිතන්නත් එපා.
අප්පේ…දවස් කීයකින් නැවේ නැද්ද…ඔබ සාධාරණ වුනත් සුවය ලද සැනින් ස්නානය නම් එතරම් සුදුසු නැහැ.සාමාන්‍යයෙන් කොවිඩ් ආසාදනයෙන් සම්පූර්නයෙන් සුවය ලැබීමට මාස හතරක් හෝ හයක් වැනි කාලයක් ගත වෙනවා. ඒ නිසා එක්වරම නෑම සුදුසු නැහැ. එය නැවතත් කොවිඩ් නිව්මෝනියාව තත්වය ඉල්ලා වැලඳ ගැනීමක්.
එතකොට නාන්නේ කොහොමද..?
දින විස්සක් ගත වුනාම ඔබට හතියක් හෝ හුස්ම ගැනීමේ අපහසුතාවයක් නැත්නම් හොඳින් අව්ව පායන දිනක උදේ වරුවේ උණුවතුරෙන් ඇඟ සෙම තත්වයේ යම් වැඩිවීමක් නැත්නම් පසු දිනත් උණුවතුරෙන් ඇඟ සෝදන්න. දින දෙක තුනක් උණුවතුරෙන් ඇඟ සෝදක විට ඔබට අපහසුවක් හෝ රෝග තත්වයක් නොමැති නම් හොඳින් පායන දිනක උදය වරුවේ උණුවතුරෙන් ස්නානය කරන්න .හොඳින් සිරුර පිස ගන්න. ඔබේ සිරුර උණුසුම් කර ගැනීමට ඉතා හොඳ පානයක් තිබෙනවා. කහට තේ එකකට ගම්මිරිස් කුඩු තේ හැඳි කාලක් හෝ තිප්පිලි දමා විනාඩි 10 ක් තබා පානය කරන්න. පෙනහළුවලට ඉතාම ගුණයි.
ඔබ කොවිඩ් ආසාදිතව සුවය ලැබුවත් මාස දෙකක් පමණ ගෙවෙන තෙක් ඇල් වතුරෙන් ස්නානය වෙනුවට උනු වතුරෙන් ස්නානය කරන්න. පමණට වඩා වෙහෙසෙන්නත් එපා. මේ විදිහට ඔබ විසින් ඔබ පාලනය කර ගත් විට නැවතත් කොවිඩ් ආසාදිත නොවී පුරුදු පරිදි නිරෝගී ජීවිතයක් ගත කිරීමට අවස්ථාව ලැබෙනවා.
විශේෂඥ මතය, අදහස සහ මූලික සටහන:
තරිදු ප්‍රනාන්දු CCII (IIPA) – USA
Iridologist
Integrated health practitioner
Iridologist of the year-2019
