මිනිස් ජෛව පද්ධතිය සොබාදහමේ රිද්මයට අනුකූලව වැඩසටහන්ගතව ඇත. නින්ද සහ අවධි වීම අපගේ දෛනික රිද්මයයි. ජෛව ඔරලෝසුව ක්‍රියාකරනු ලබන්නේ සොභාදමේ ආලෝකයට අනුගතවය. මොළයේ pineal gland තුල නිෂ්පාදනය වන මෙලටොනින් හෝමෝනය අඳුරත් සමඟ උත්තේජනය වන අතර නින්ද හා අවදි වීමේ චක්‍රය මේ අනුව ක්‍රියත්මක වේ. මෙම මෙලටොනින් නිෂ්පාදනය අක්‍රමවත් වීම නින්ද පිළිබඳව ගැටලු අතිවීමට හේතු වේ.
යොවුන් විය ගත් කළ හෝමෝන වෙනස් වීම් සිදුවන අවධියකි. මෙසේ යොවුන් විය තුළ වෙනස් වන හෝමෝන අතර මෙලටොනින් නිපදවීමේද වෙනසක් පවතින බව 1990 වන විට පර්යේෂකයින් විසින් සොයා ගන්නා ලදි. යොවුන් මොළය මෙලටොනින් නිපදවන්නේ වැඩිහිටියෙකුට සාපේක්ෂව පැය තුනක පමණ ප්‍රමාද විමකින් බවත් මෙලොටනින් නිපදවීම බෝහෝවිට රාත්‍රී 11න් පසුව සිදුවන බවත් නින්ද පිළිබඳ පර්යේෂිකා දෙබොරා යෝගා (Deborah Yoga) විසින් පෙන්වා දී ඇත. එමෙන්ම වැඩිහිටියන්ට සාපේක්ෂව යෞවන මොළයේ මෙලොටනින් ස්‍රාවයේ වර්ධනයක් ඇති බවත් නින්ද අක්‍රමවත් විම සඳහා එයද බලපෑ හැකි බවත් පෙන්වා දී ඇති අතරම යොවුන් වියේ දරුවන් ප්‍රමාද වී නින්දට යාමත් ප්‍රමාද වී අවධි වීමත් මෙම හෝමෝනවල බලපෑම මත සිදුවන්නක් බව කිව හැකිය.
යොවුන් වියේ නින්දේ ගැටලු පිළිබඳව සිදුකර ඇති පර්යේෂණාත්මක අනාවරණ රැසක් ඇසුරෙන් ලියන ලද ඇමරිකාවේ ඉහළම අලෙවියක් පෙන්නුම් කළ ඩේවිඩ් රැන්ඩොල්ගේ Dreamland කෘතිය තුලින් පෙන්වා දෙන්නේ පාසල් යාම සඳහා උදෑසනින් යොවුන් දරුවන් අවධි කිරීම ඔවුන්ගේ ස්වභාවික ජෛව රසායනික පද්ධතියට කරන බලවත් අසාධාරණයක් බවයි. පාසල් යාමේ වර්තමාන කාලසටහන මේ ආකාරයට සකස් වුයේ දැනට දශක කීපයකට පෙර යොවුන් දරුවා වැඩිහිටියෙකු ලෙස සළකා ඔවුන් නිශ්පාදන කටයුතු හා වෘත්තිය කටයුතු සඳහා දායක කරගත් යුගයේ බව පෙන්වා දෙන රැනඩෝල් යෞවනයා යන පදය ව්‍යාවහාරයට පැමිනෙන්නේ 1930 න් පසුව බවද පෙන්වා දෙයි. පාසල් අවසන් වී රැකියා හෝ නිශ්පාදන ක්‍රියාවලියට ඔවුන් සම්බන්ද විය යුතුව ඇති බැවින් උදෑසනින් පාසල් ඇරඹීම සිදු විය. දශක ගණනාවකට පසුවත් මෙම කාලසටහන මේ අයුරින්ම ක්‍රියාත්මක වන අතර වෙනසකට ඇත්තේ වර්තමානයේ පාසලින් පසුව වෘත්තීය කටයුතු වෙනුවට අතිරේක පංති හා වෙනත් ක්‍රීඩා පුහුණුවීම් සඳහා යෞවනයා යොමුවීමයි. නිදන්ගත නින්දේ අක්‍රමතා සහිතව සිටින යෞවනයින් මේ ආකාරයේ දෛනික කාල සටහනකට හුරුවීමේ අනිසි ප්‍රතිවිපාක පහත පරිදි පෙන්වා දී ඇත
ප්‍රමාණවත් නින්දක් නොලබන යොවුන් දරුවා තුල ඇතිවන සෞඛ්‍යමය ගැටලු
- මානසික අවපීඩනය ඇතිවීම
- විශාදය ඇති වීමේ නැමියාව
- චිත්තවේගික අසමබරතාවය
- මතකය පිළබඳ ගැටලු ඇතිවිම
- උගත් කරුණු නිසි ලෙස කළමනාකරණය හා ගබඩා වීම පිළිබඳව ගැටලු ඇතිවීම
- නොරිස්සුම් ගති හා ක්ෂණික කෝපයට පත්වීම
කොළොම්බියා විශ්ව විද්‍යාලයේ පර්යේෂකයන් පිරිසක් විසින් සිදු කරන ලද අධ්‍යයනයකට අනුව රාත්‍රී 10 ට හෝ ඊට පෙර නින්දට ගිය යොවුන් දරුවන් මධ්‍යයම රාත්‍රියෙන් පසුවත් හොඳින් අවධිව සිටි අයට වඩා මානසික අවපීඩනයෙන් හා සියදිවි නසා ගැනිමේ මානසිකත්වයෙන් පීඩා විඳි බව පැවසේ. මධ්‍යම රාත්‍රියෙන් පසුව නින්දට ගිය යොවුන් දරුවන් ජෛව රිද්මයට අනුකූලව නින්දට ගොස් ප්‍රමාද වී එනම් ප්‍රමාණවත් නින්දක් ලැබීමට හුරු වීම තුල මානසික සෞඛ්‍යයමය ගැටලු අවම වී ඇත.
1990 මැද භාගයේදී යෞවනයාගේ මෙම නින්ද හා සම්බන්ධ ගැටලු පිළිබඳව විද්‍යාත්මක පර්යේෂණ සඳහා සංවේදී වූ ප්‍රථම පාසල බවට පත්වන්නේ එක්සත් ජනපදයේ මිනියැපොලිස් (Minneapolis) ජනපදයේ එඩිනා නගරයේ එඩිනා මහජන පාසල (Edina public school) යි. යෞවනයින්ගේ නිදි චක්‍රයේ වෙනස්කම් හා එයින් සිදුවන සෞඛ්‍යමය ගැටලු හා අධ්‍යාපනික පසුබෑම් පිළිබඳ වූ විද්‍යාත්මක පර්යේෂණ අනාවරණ පරිශීලනයෙන් පසු තම උසස් පාසල ආරම්භ කිරිමේ වේලාව උදෑසන 8.30 දක්වා ප්‍රමාද කිරීමට පාසල් පාලක මණ්ඩලය තීරණය කර ඇත.
යෞවනයින් ද තම මව්පිය විරෝධතා නොසළකා අමතර පැය නින්දේ ගත කර විවේකී මනසින් යුතුව පාසල් පැමිණ ඇත. විවිධ සාධක පෙන්වා දෙමින් මේ සඳහා දෙමාපිය විරෝධතා රැසක් මතු කල ද පාසල් පාලක මණ්ඩලය පුරා වසරක් මෙම තීරණය තුල නොසැලි සිටින ලද්දේ මේ පිළිබඳව සැබෑ පර්යේෂණාත්මක අනාවරනයක් තුලින් කරුණු සනාත කොට ගැනිම සඳහාය. වසරක් අවසානයේ අපක්ෂපාතී ලෙස පත් කරන ලද පර්යේෂිකාවක් විසින් මේ පිළිබඳව තම පර්යේෂණ අනාවරනය ඉදිරිපත් කරන ලදි. යෞවනයින් දිනපතා පාසල් පැමිණිමේ ප්‍රවණතාවය වැඩි වීම, චිත්තවේගික ගැටලු සහිත ළමුන් සංඛ්‍යාත්මකව අවම විම, විශාදි ලක්ෂණ අවම වීම යන සාධනීය ලක්ෂණ රැසක් මෙන්ම සියයට අනූදෙකක් 92% මව්පියන් යොවුන් වියේ පසුවන තම දරුවා සමඟ වෙනදාට වඩා ජීවත් වීමට පහසු බවට ප්‍රකාශ කර තිබීමත් ඉතා වැදගත්.
රජයේ ආධාර යටතේ පසුවන සාමාන්‍ය පාසලක් වන මෙම පාසැල ආරම්භ කිරීමේ වේලාව පැයකින් ප්‍රමාද කිරීම හේතුවෙන් ලද ප්‍රතිලාභ ගැන සලකා බලා මිනියැපොලිස් මහජන පාසල (Minneapolis public school) ද වහාම ක්‍රියාත්මක වන පරිදි 1997 වසරේම තම පාසල් ආරම්භක වේලාව ද පැයකින් ප්‍රමාද කිරිමේ ප්‍රතිපත්තිය ක්‍රියාවට නැංවීය. මේ අනුව යෞවනයින්ට අමතර නින්දක් ලබා ගැනිම වෙනුවෙන්ම පාසල් ඇරඹීමේ වේලාව කල් දැමූ ලොව දෙවන පාසල වීමේ ගෞරවය මිනියැපොලිස් පාසලට හිමි වූ අතර 1997 – 1998 පුරා වසරක් මෙය ක්‍රියාත්මක විය. මෙම පර්යේෂණයේ ද සාධනීය ප්‍රතිඵල රැසක් අධීක්ෂණයට ලක් කළ උසස් පාසල් අටක් පැයක් ප්‍රමාද වී පාසල් ඇරඹිමේ ප්‍රතිපත්ති ක්‍රියාවට නැංවූ අතර ක්‍රමයෙන් වෙනත් අධ්‍යාපනිත ඇකඩමි ද මෙම ප්‍රත්පත්තිය ක්‍රියාවට නගන ලදි. සියලු ප්‍රතිඵල ධනාත්මක වීම විශේෂ වේ. මෙම සමස්ත පර්යේෂණ ක්‍රියාවලිය හා ඒවායෙහි ප්‍රතිඵල පිළිබඳව සවිස්තර වාර්තාව ඇමරිකා මිනෙසොටා විශ්වවිද්‍යාලයේ (Mennesota university) කේලා වාල්ස්ට්‍රෝම් (Kyla L.wahlstrom,2014) විසින් ඉදිරිපත් කර ඇත. මේ වන විට ලොව බොහෝ දියුණු රටවල් පාසල් උදෑසන 8 .30 පසුවට ආරම්භ කිරීමට තීරණය කර ඇත්තේ නව යොවුන් දරුවන්ගේ ස්වභාවික ජෛව රසායනික පද්ධතියට අසාධාරණයක් නොවන ලෙසටයි.
විශේෂඥ මතය, අදහස සහ මූලික සටහන:
මනෝවිද්‍යා උපදේශිකා, නිර්මාණාත්මක මනේචිකිත්සක ආචාර්යය කුමුදු ඒකනායක
Dr. Kumudu Ekanayaka
Creative Psychotherapist and Psychological Counselor
