දරුවන් සඳහා අමතර ආහාර ලබාදීමේදී අත්‍යාවශ්‍ය පෝෂක අඩංගු ආහාරයක් සකස් කිරීම සෑම විටම සිදු කල යුත්තක්. ශීඝ‍්‍ර වර්ධනයක් සහිත කාල පරිච්ඡේදයක් හෙයින් එම වර්ධනය පසුබෑමකින් තොරව සිදු වීමට නම් අත්‍යවශ්‍යය පෝෂකාංග සපිරි ගුණවත් ආහාර ලබාදුන්න ද එම ආහාරය දරුවාට ප‍්‍රියජනක විය යුතු හෙයින්, ආහාරය රසවත් වීම වැදගත්. ආහාරය රසවත් කිව්වම එකේ රසය ලබාදීමට රසකාරක එකතු කිරීමක් මුලදී සිදු වන්නේ නැහැ. රසය ලැබෙන්නේ එම ආහාරයටම ආවේණික රසයන් එක්ක. එහෙත් අපි පෝෂක වැඩි කරන්නට දරුවාට ආහාරයට මුලදීම කරන්නේ තෙල් එකතු කිරීම. තෙල් වලින් ශක්තිය සැපයීම සිදුවෙන නිසාත් එය දරුවාගේ නිරන්තර ක‍්‍රියාශීලිත්වයත් එක්ක වැයවන ශක්ති ප‍්‍රමාණයක් සපයන්නත් හේතු වන නිසාත් ඉතා වැදගත් වේ. ඒ වගේම කුඩා ආමාශයට රැඳිය හැකි ප්‍රමාණය කුඩා හෙයින් එම කුඩා ආහාර ප‍්‍රමාණයෙන් වැඩි පෝෂණයක් ලබා ගැනීම වෙනුවෙන් තෙල් එකතු කිරීම හරිම වැදගත්.
ඒවගේම පොල් කිරි එකතු කිරීමත්, බටර් වැනි දෙයක් එකතු කිරීමත් තුලින් ලැබෙන්නෙත් මේ ගුණයමයි. එහෙත් සැර අධික මිරිස්, කුළු බඩු, කුඩා ආහාර මාර්ගයට දැඩි අපහසුතා ගෙන දෙන නිසා මුල් දිනවල සුදුසු නොවේ. එහෙත් මාස 9 ක් පමණ වන විට දරුවාට තනිව ආහාර ගන්නට හැකියාව ඇතිවෙන නිසා මේ වන විට ආහාරයේ වෙනසක් කළ හැකියි. ඒ නිසා මේ වයස වන විට කුළු බඩු සුළු ප‍්‍රමාණ වලින් ආරම්භ කල හැකියි. එයත් මාපටඟිල්ල හා දබරඟිල්ලේ තුඩට හසුවන තරම් සුළු ප‍්‍රමාණයක තුනපහ/කහ භාවිත කල හැකියි. ඒ මේ වන විට පොල් කිරි යෙදූ ව්‍යාංජනයක් සකස් කර බත් සමග ලබාදීමට හැකි නිසයි. එසේම මස්, මාළු වැනි දෑද පොල් කිරි යොදා හොද්දක් ලෙස සකස් කල විට කෑම ප‍්‍රියතාවයක් ඇති කරනවා. එසේ මෙයින් මාස 9 දී පමණ තුනපහ/කහ සුළු ප‍්‍රමාණයක් ආහාරයට එක් කල හැකියි.
මෙය දරුවාට බත් සමග පමණක් නොවෙයි ඉදි ආප්ප, පිට්ටු වැනි ආහාරයක් සමග ගන්නට කිරට හැදු මාළුවක් සකස් කල හැකියි. එවිට කරපිංචා, රම්පේ මෙන්ම අවශ්‍ය නම් ගම්මිරිස් ඇට 2 ක් 3 ක් ඇට පිටින් යොදා තුනපහ හා කහ සුළු ප‍්‍රමාණයක්ද යොදා සකස් කර සෑදු ව්‍යාංජනයක් ආහාරය රසවත් කරනවා. එසේම තෙම්පරාදුවකදී සුදු ළුෑණු පෙත්තක්, කරපිංචා ආදිය යෙදීම ම`ගින් ආහාරය සුව`දින් හා රසවත් බවින් වැඩි වෙනවා.
වසරක් වන දරුවා අපගේ සාමාන්‍ය ආහාරයට හුරු කල යුතු හෙයින් මෙසේ මාස 9 දී පමණ තුන පහ, කහ වැනි රසකාරක ආහාරයට හඳුන්වා දිය හැකියි. කෙසේ වෙතත් වසරක් වූ විටදීත් වැඩිහිටියන්ට අවශ්‍ය ප‍්‍රමාණයට මිරිස්, ගම්මිරිස්, අමු මිරිස් වැනි දෑ ද එක්කල ආහාර දරුවාට නුසුදුසුයි. හැකි තරම් මිරිස් හෝ සැරට යොදන රසකාරක අඩුවටම යෙදීමට සෑම විටම මතක තබාගත යුත්තේ වර්ධනය වන ආහාර මාර්ගයට දරා ගැනීමට අපහසු නිසයි. අනවශ්‍ය ලෙස දුරු මිරිස් යෙදූ ආහාර මගින් දරුවාගේ ආහාර මාර්ගය තුවාල වීමට ඉඩ තිබෙන හෙයින් එය දරුවාගේ වර්ධනයටද බලපෑමක් විය හැකියි.
කෙසේ වෙතත් ස්වභාවිකව ඇති අපේ දේශීය කුළු බඩු ආහාරයට ක‍්‍රම ක‍්‍රමයෙන් මාස 9 සිට වසරකට පසු එකතු කිරීම කල හැකි වුවත් කෘතිම රසකාරක යෙදූ ආහාර කිසිවිටකත් දරුවන් සඳහා කිසිසේත්ම භාවිත නොකල යුතුයි. මේවා දිගින් දිගට ලබාදීම නිසා ආහාර මාර්ගය තුවාල වීමටත් කාලයත් සමග පිලිකා තත්ත්වය දක්වා පවා යාමට ඇති ඉඩ කඩ බොහෝමයි.
මෙසේ හෙයින් දරුවන් සඳහා මාස 6 න් අමතර ආහාර පටන් ගෙන සතියකට පසු ආහාරයේ රසවත් හා ගුණවත්භාවය වැඩි දියුණු කිරීමට රසකාරක ලෙස තෙල් එකතු කිරීම, සත්ව ආහාර එකතු කිරීම හෝ උම්බලකඩ එක් කිරීම, පොල් කිරි එකතු කිරීම, කරපිංචා කොලයක්, දෙකක්, රතු ළුෑණු ආදිය එක් කිරීමත් ක‍්‍රමයෙන් කරන්නා සේම කැබලි ආහාර ගන්නා කාලය වන විට ආහාරයේ විවිධත්වය වැඩි හෙයින් හා වැඩි කිරීමට තුනපහ හා කහ සුළු ප‍්‍රමාණ වලින් පටන් ගෙන ක‍්‍රමයෙන් අනෙකුත් අපේ ස්වභාවික කුළු බඩු එක් කිරීම තුලින් ආහාරයේ රසවත්බාවය වැඩි වීම මෙන්ම සුවඳ, පැහැය හා රුචිය වැඩි වීම තුලින් දරුවාගේ ආහාර අවශ්‍යතාවය පෝෂණයෙන් එහා ගොස් ඖෂධීය ගුණයෙන්ද සපිරෙනවා.
විශේෂඥ මතය, අදහස සහ මූලික සටහන:
අයිරාංගනී ගගලගමුව
පවුල් සෞඛ්‍ය සේවා නිළධාරීනි
සෞඛ්‍ය වෛද්‍ය නිලධාරී කාර්යාලය
බුලත්සිංහල
