- Advertisement -

ඔබේ දරුවා ලිංගික අපයෝජකයන්ගේ ආරක්ෂා කර ගන්න.

හැම දරුවෙක්ම තමන්ගේ ලෙයින් මසින් උපන්නා හා සමාන ආදරයක්, දයාවක් දක්වන සංස්කෘතියක් අපේ අතීත සමාජයේ තිබුනා. ඒ වගේම අම්මා, තාත්තා ගෙදර නැතැත් මාමා, බාප්පා හෝ සීයාගෙන් ගැහැණු දරුවාගේ පවා ආරක්ෂාව ලැබුණා. කලුවර වැටෙන වේලාවක පාලු පාරක ගමන් කරන විට වුනත් ඉදිරියෙන් පිරිමියෙක් ගමන් ගන්නවා නම් එතැනදීත් තමන්ට විශාල ආරක්ෂාවක් ඇතැයි යන සිතුවිල්ල අපේ තරුණ දියණිවරුන්ගේ හිතේ එදා තිබුනත් අද…?

මේ ගැන කථා කරන විට අපේ සිතට ඇති වෙන්නේ සැබැවින්ම පසුතැවිල්ලක්. අද අපි ජීවත් වෙන්නේ  මීටර් තුන්සියයක් පමණ දුරින් පිහිටි හැමදාම යන එන කඩයටවත් පුංචි දියණියකට යන්න බැරි තරම් අනාරක්ෂිත සමාජයක බව ප්‍රසිද්ධ රහසක්.

- Advertisement -

ළමා ලිංගික අපයෝජනය සිදු වෙන්නේ ඇයි…?

ළමා ලිංගික අපයෝජනය අද ගෝලීය ගැටලුවක් කිව්වොත් නිවරැදියි. ඇමරිකා එක්සත් ජනපදයේ වසරකට ළමා ලිංගික අපයෝජන ලක්ස අටක් පමණ වාර්තා වෙනවා. දරුවන්ගේ අනාරක්ෂිත බව ලිංගික අපයෝජනයට ප්‍රබල හේතුව බව ඇත්ත. ඒ අතර දරුවන් මේ අන්දමින් අනාරක්ෂිත වෙන්නේ ඇයි…?

  • මව විදේශගත වීම
  • පියා හෝ පවුලේ එකට ජීවත්වෙන සාමාජිකයන් මත්වතුර හෝ මත්ද්‍රව්‍ය වෙනුවෙන්  ඇබ්බැහිවීම
  • තමා ලිංගිකව අපයෝජනය වීමට ඇති අවස්ථාවන් ගැන ඇති නොදැනුවත් බව
  • සංචාරක ව්‍යාපාර
  • හදිසි ආපදා නිසා සරනාගත කඳවුරුවල ජීවත් වීම

ලිංගික අපයෝජනය ගැන සුලුවෙන් සිතන්න එපා..

දරුවෙකු දැණුම් තේරුම් ඇති වයසේදී හෝ එවැනි දැනුමක් නොමැති වයසකදී වුව ලිංගිකව අපයෝජනයට පත් වීම සුලුවෙන් සැලකිය යුතු තත්වයක් නොවේ.වයස අවුරුදු දෙකක් වැනි ලාබාල අවධියේ දරුවෙකු පවා ලිංගික ලෙසින් අපයෝජනයට පත් වූ විට එය දරාගත නොහැකි ගැටලුකාරී මානසික තත්වයක් දක්වා වර්ධනය විය හැකියි.ඒ වගේම යම් දැණුම් තේරුම් ඇති වයසේ දරුවන් බොහෝ විට අපයෝජනයට පත් වන්නේ ඔවුන් ඇසුරු කරන සමීපතමයන්ගෙන් බවත් අමතක කරන්න එපා.දරුවෙකු දිගින් දිගටම අපයෝජනයට පත් වූ විට තමාගේ අනාගතය ගැන වගේම වටිනාකම් නොමැති චරිතයක්ය යන හීනමානයෙන් දරුවා පීඩාවට පත් වෙනවා. ඒ අතර ඇතැම් දරුවන් තුළ විකෘති වූ කාමාශාවන් වර්ධනය වීමේ අවදානමත් බාල කාලයේදී අපයෝජනයට පත් වීමේ ආදිනව ලෙසින් සලකන්න පුළුවනි.සමහර අවස්ථාවලදී ලිංගික අඩන්තේට්ටම් නිසා දරුවා තුළ දැඩි පීඩාකාරී මානසික තත්වයක් ගොඩ නැගෙන්නට පවා ඉඩ තිබෙනවා.දරුවාට ඇති වෙන අඩන්තේට්ටම් නිසා තමා අපයෝජනයට පත් වෙන බැව් වැඩිහිටියන්ට දැණුම් දීමට පවා නොහැකි නිසා ඇති වෙන කම්පනය දරා ගත නොහැකි තැන ඔවුන් සිය දිවි නසා ගැනීම වැනි දරුණු තීන්දු තීරණයන් පවා ගැනීමට යොමු වෙනවා.

ලිංගික අපයෝජනයට පත් දරුවන්ගේ ලක්ෂණ

ලිංගික අපයෝජනයට පත් දරුවන්ගේ චිත්තවේග තත්වයන්ද සාමාන්‍ය දරුවන්ට සාපේක්ෂව බලන විට බෙහෙවින්ම වෙනස් විය හැකියි. ඒ නිසා සමහර විට දෙමව්පියන්ට නොකියා සඟවාගෙන සිටින මෙම මානසික ගැටුම දරුවා වෙතින් ප්‍රදර්ශනය වෙන ලක්ෂණ කීපයක් තිබෙනවා.

  • කනස්සලුගතිය
  • සමහර විට දරුවා පාසල් යෑමට පෙරතිබුන උනන්දුව නැති වෙන්න පුලුවනි.
  • ගුප්ත හැසිරීම
  • හුදෙකලාව ප්‍රිය කිරීම
  • නින්ද පිලිබඳ ගැටළු
  • කලහකාරී බව
  • සියදිවි නසා ගැනීමට දරණ උත්සාහයන් සහ ඒ ගැන උනන්දුවක් දැක්වීම

ලිංගික අපයෝන තත්වයන්ගෙන් දරුවන් ආරක්ෂා කර ගැනීම

සමාජය විෂමයි. විසකුරුයි. මේ සමාජය තුළ ඔබත් , මමත් අපේ දරුවනුත් ජීවත් විය යුතුයි. ඒ නිසා තමන්ගේ ආරක්ෂාව තමන් විසින් සලසා ගෙන ජීවත් වීමේ ක්‍රමවේදයන් ගැනත් දරුවන් දැණුවත් කිරීම ඉතාම වැදගත්.

දරුවාගේ සිරුරට යමෙක් අනවශ්‍ය ලෙසින් සමීප වීම හෝ සිරුර ප්‍රදර්ශනය කරන ලෙසින් ඉල්ලා සිටින්නේ නම් එවැන අවස්තාවන්හිදී ඔවුන්ගේ ඉල්ලීම තරයේ ප්‍රතික්ෂෙප කළ යුතු බැව් දරුවාට පහදා දෙන්න. වරක් හෝ එවැනි ඉල්ලීමක් නොඑසේනම් ඉගියක් ලැබුන විට ඒ ගැන මව, පියා හෝ තමා සමීපයේ සිටින වැඩිහිටියෙකුට දැන්වීමට උපදෙස් ලබා දෙන්න.

වැඩිහිටියන්ට කීකරු වීම දරුවෙකුගේ ගති ලක්ෂණයක් විය යුතු වුනත් මෙවැනි ඉල්ලීමක් හමුවේ එවැනි දෙයක් ප්‍රතික්ෂෙප කිරීමට දරුවාට අයිතියක් ඇත. දරුවාගේ ජීවිතයට කොතරම් සමීප ( පියා, මාමා, බාප්පා, සීයා ගුරුවරයා විය හැක) වුනත්  අනවශ්‍ය ඉල්ලීම් ඉදිරියේ සෘජු ලෙසින් ප්‍රතික්ෂෙප කිරීමේ අයිතිය දරුවා සතුව ඇති බැව් කියා දෙන්න.

පාසල් මට්ටමින් පවා මෙවැනි අපයෝජන තත්වයන් ගැන දරුවන් දැනුවත් කිරීම ඉතා සාර්ථක ලෙසින් සිදු කිරීමට හැකියාව තිබෙනවා. මව හෝ පියා විසින් ලිංගිකත්වය සහ අපයෝජනය වැනි විෂයක් දරුවන් සමග කථා කිරීමට තවමත් දක්වන මැලිකම නිසා සමුහ උපදේශන මගින් මෙවැනි දැණුවත් කිරීම් ඉතා සාර්ථක ලෙසින් සිදු කළ හැක. සමූහ ලෙසින් දරුවන් මේ ගැන කථා නිසාත් ඔවුන් අපයෝජනය ගැන ලබන දැනීම නිසාම තමන්ගේ ජීවිතයට එය පාඩමක් ලෙසින් ආදේශ කර ගැනීම ඉතා පහසුවෙන් සිදු කරනු ඇත.

ඒ වගේම පාලු හුදෙකලා ස්ථානයන්හි ගැවසිම, එවැනි ස්ථානයක් වෙත කැඳවා ගෙන යන්නට යමෙකු උත්සාහ කරන බැව් දැනුන විගස එතැනින් දුරස් වීම හෝ සෙනග සිටින තැනකට යොමු වීමට උපදෙස් ලබා දෙන්න. ඒ වගේම යම් පුද්ගලයෙකු පමණට වඩා ඇය ගැන අනන්දුවක් දක්වනවා නම් ඔවුන්ගෙන් ප්‍රෙව්සම් වීමට උපදෙස් දෙන්න.

තරුණ වියට පත් ගැහැනු දරුවන් විලාසිතාවන් ප්‍රිය කරන පිරිසක් බැව් ඇත්ත. නමුත් අපි ඇඳුම් අඳින්නේ විලි බිය වසා ගැනීමට නම් අනවශ්‍ය ලෙසින් සිරුර ප්‍රදර්ශනය කිරීම අවදානම් සහිත බැව් කියා දෙන්න. බොහෝ විට සිරුර ප්‍රදර්ශනය විම් ඇතැම් පිරිසකගේ කාමුක සිතුවිලි අවදි වීමට හේතුවක් විය හැකියි. සෑම දෙනාම එක හා සමාන ලෙසින් සදාචාරාත්මක නැත.කමන්ගේ දියණියන් හා සමාන වුනත් ඔවුන් කාන්තාවන්ගේ ප්‍රදර්ශනය වන සිරුර ඉදිරියේ කාමුක සිතුවිලිවලට යොමු වීමේ අවදානමක් තිබෙන බැව් ගැහැනු දරුවන්ට කියා දෙන්න.

අපයෝජනයක් සිදු වූ පසුව ගහ මරා ගැනීමට වඩා එවැනි අපචාරයක් නොවන ලෙසින් දරුවා හදා වඩා ගැනීමට උත්සාහ කරන්න. වෙනවාට නොවුනත් නොවනවාමත් නොවන නිසා හදිසියේ හෝ ඔබේ දරුවාට මෙවැනි අවාසනාවන්ත අපචාරයක් සිදු වුනොත් දරුවාගේ චිත්තවේග සුරැකියාව ආරක්ෂා කර ගැනීම ඉතාම වැදගත් බව අමතක කරන්න එපා.

 

LEAVE A REPLY

SUBSCRIBE කරන්න ⇢

165,796FansLike
12,900SubscribersSubscribe
- Advertisement -
- Advertisement -

More article