දරුවන්ගේ නොහැකියාවන් ගැන කථා කළත් හැකියාවන් හඳුනා ගන්නේ ඉතාම අඩුවෙන්.

දරුවෙක් කියන්නේ සහජ හැකියාවන් සමූහයක එකතුවක්.  “ලොවින් එකෙකු එක දෙයකට වෙයි සමත ’.  කිව්වත් විවිධ පර්යේෂණයන් මගින් පෙන්වා දෙන අන්දමට දරුවන් තුළ බොහෝ හැකියාවන් තිබෙනවා. ඒ වගේම ඔබේ දරුවාටත් විවිධ හැකියාවන් තිබෙන්න පුළුවනි. මව්පියන් නිතරම දරුවන්ගේ නොහැකියාවන් ගැන කථා කළත් හැකියාවන් හඳුනා ගන්නේ ඉතාම අඩුවෙන්. එහෙමනම් ඔබගේ දරුවා තුළ ඇති හැකියාවන් ගැන මව්පියන් විදිහට දැන ගත යුතු කරුණු කීපයක් තිබෙනවා.

දරුවෙකුගේ භාෂාමය බුද්ධිය   ( Linguistic Intelligence)

 භාෂාවකින් දරුවෙක් චතුර්විධ කුසලතාවයක් ලබනවා. කියවීම, ලිවිම, ඇහුම්කන් දීම සහ කථනය යනු ඒ සතර විධ හැකියාවන් වේ.

 සමහර දරුවන් පොත් පත් කියවීම වගේම ලිවීම වැනි කටයුතු ගැන දක්වන්නේ ඉමහත් අප්‍රසාදයක්. නමුත් තවත් දරුවන් කොටසක් වැඩි වේලාවක් පොත් පත් කියවීම ලිවීම වැනි කටයුතුවල තමන්ගේම උනන්දුවෙන් යොමු වෙන අවස්ථා තිබෙනවා. එවැනි දරුවන් තුළ පවතින මේ හැකියාව අපි භාෂාමය බුද්ධිය වශයෙන් හඳුන්වනවා.සමහර විට ඔබේ දරුවාත් මේ කණ්ඩායමේ සිටින්නට පුළුවනි.

ඒ වගේම දරුවෙකු මව් භාෂාවෙන් ඉගෙනීමට හැකියාවන් පෙන්නම් කරන අතර තවත් භාෂාවන් ඉගෙනීමේ හැකියාව වඩාත් හොඳින්  බාල කාලයේදී පෙන්නුම් කරනු ලැබේ. එමෙන්ම තවත් සමහර විටෙකදී දරුවා තමාට ආවේනික සුවිශේෂී වචන භාවිතා කිරීමට යොමු වෙන අවස්ථාවන් ඇත. පාරක ගමන් ගනන්ා විටකදී විවිධ ප්‍රශ්න නගන දරුවා මාර්ගයේ ගමන් ගන්නා බස් රථ නාම පුවරු, දැන්වීම් පුවරුවල ඇති දැන්වීම් අකුරු එකතු කරමින් කියවන අවස්ථාවන් ඇත. එවැනි විටෙකදී ඒ වෙනුවෙන් දරුවාට කාලය ලබා දෙන්න. මව්පියන් ලෙසින් ඔබද දරුවාට වචන කියවීමට හවුල් වන්න.

රූපවාහිනිය දරුවන්ට තහනම් මාධ්‍යක් ලෙසින් අප සැලකුවත් ඔවුන්ගේ භාෂාමය හැකියාවන් වර්ධනයට වැදගත් මෙවලමක් වන අවස්ථාවන් ඇත. තිරයේ යන වචන උචච්චාරණයට… සාවධානව  ඇහුම්කන් දීමට වගේම කවි, ගීත ගායනීය ස්වරූපයෙන් ගායනයට දරුවා හුරුවක් ලබනු ඇත.

භාෂාමය හැකියාවක් ඇති ඔබේ දරුවා සමහර විට ගණිතය විද්‍යාව වැනි සංකල්පයන් ගැන එතරම් කැමැත්තක් දක්වන්නේ නැති විය හැක. ඒ වගේම ස්වභාව ධර්මයට දක්වන නැඹුරුතාවයත් ප්‍රශස්ත මට්ටමින් දක්නට නොමැති වීමටත් පුලුවන

ඔබේ දරුවාගේ  තාර්තික සහ ගණිතමය බුද්ධිය  (Logical Mathamatical Intelligence)

 සමහර විට ඔබේ දරුවා වෙතින් ඉහතින් දක්වන ලද භාෂාමය හැකියාවන් දක්නට නොලැබුනත් ඔහු සතුව ඊට වෙනස් වූ හැකියාවන් දක්නට ලැබෙනු ඇති. ගණිතමය වශයෙන් වගේම තාර්තික ඥානයෙන් මේ දරුවා පොහොසත් විය හැකියි. තාර්තික සහ ගණිතමය ඥානයෙන් පොහොසත් වුන දරුවා වෙතින් දක්නට ලැබෙන ගති ලක්ෂන කීපයක් මෙසේ පෙන්නුම් කරනු ඇත.

සමහර විට ගණිත චක්‍රය කට පාඩමින් ඉගෙන ගැනීමට අකමැති දරුවා සිතින් ඉලක්කම් නිවරැදිව එකතු කිරීම හැකියාවක් දක්වනු ඇත. විද්‍යාත්මක කරුණු ගැන වැඩි උනන්දුවක් දක්වන අතරම තමාට ඇසෙන සහ දකින දෙයින් නිගමන ලබා ගැනීමට දක්ෂ වේ. නිවසේ මවට පියාට අමතක දුරකථන අංක දරුවාට හොඳින්  මතකයේ ධාරණය වී තිබෙන්න පුළුවන් අතර සුදොකු වැනි ක්‍රිඩාවන්හිද දක්ෂතාවයන් දක්වනු ඇත.

අද බොහෝ මව්පියන් පසුගාමී බවක් දක්වන පරිගණක සහ සන්නිවේදන තාක්ෂනයේදී දරුවා ඔබට වඩා ඉදිරියෙන් සිටින්නේ ඔහු සතු තාර්තික සහ ගණිතමය බුද්ධිය නිසාය.

දරුවෙකුගේ සංගීතමය බුද්ධිය  (Musical Intelligence)

සමහර විට බාල කාලයේ පටන්ම  ඔබේ දරුවා යම් රිද්මයානුකුල චලනයන්ට යහපත් ලෙසින් ප්‍රතිචාර දක්වන, ලයාන්විතව කවියක් , ගීතයක් ගායනා කිරීමේ හැකියාවෙන් යුක්ත බව මව්පියන් වශයෙන් ඔබටත් දැන ගැනීමට හැකියාවක් ලැබෙනු ඇත. ඒ වගේම වාදනයේදී ඇති හැකියාව නිසාම සමහර විට ගීත වාදනය ඇසෙන විටම එහි සෘතිය තේරුම් ගැනීමට තරම් හැකියාවක් ඇත.දරුවා දවස පුරා වුවද ගීත ශ්‍රවණයට කැමැත්තක් දක්වන අතර විවිධ තාලයේ ගීත ගායනට ඇලුම් කරයි. ඒ වගේම වැඩිහිටියන්ට වඩා ඉක්මනින් ගීතයක පද සහ තාලය ග්‍රහණය කර ගැනීමේ හැකියාවන් දරුවන් සතුව පවතී.

 එවැනි සංගීතමය බුද්ධිය ඇති දරුවෙකු වෙතින් දකින ගති ලක්ෂණ ඔබේ දරුවා වෙතින්ද දැක ගන්නට ලැබෙනු ඇති.

දරුවෙකුගේ  කක්ෂීය බුද්ධිය   (Intrapersonal Intelligence )

තමන් ගැන තමන්ට වඩා හොඳින් දන්නා තවත් අයෙකු නොමැත. ඒ වගේම සමහර දරුවන්ට තමාගේ හැකියාවන් වගේම නොහැකියාවන් ඉතා හොඳින් හඳුනා ගැනීමේ ශක්තියක් තිබේ. විටෙක නිදහස් චින්තකයෙකි. අනවශ්‍ය අන්දමින් කලබලයට පත් නොවන චිත්ත ඒකාග්‍රතාවයකින් කටයුතු කරන භාවනාවට සිත යොමු කරන සතිමත් දරුවෙකි.මෙවැනි හුදෙකලා ජීවිතයට වැඩි නැඹුරුතාවයක් පෙන්නුම් කරන අතර ඔවුන් වැඩි කැමැත්තක් දක්වන්නේ මනස දියුණු කරන, මානසික සුවතාවය ඇති කරන දාර්ශනික පොත් පත් කියවීමටය. මේ අන්දමින් ලබා ඇති කක්ෂීය බුද්ධිය නිසාම දිගු කාලීන වාසි වෙනුවෙන් කෙටි කාලීන වාසි අත් හැරීමට සූදානමින් සිටිති.

දරුවෙකුගේ  කායික බුද්ධිය ^Bodily Kineasthetic Intelligence)

දරුවන් කියන්නේ බෙහෙවින් ක්‍රියාශීලි කණ්ඩායමකි. ඒ නිසාම ඔවුන් ගස් නැගීම. බයිසිකල් පැදිම, පිහිනීමට වැඩි කැමත්තක් දක්වයි. වාහනයන ගමන් ගනන්ා අතර වාරයේ පවා රියදුරු සමීපයේ ගමන් කරමින් රිය පදවන ශිල්පීය දැණුම ගැන විමසනන්ට යොමු වේ. යම් කාර්යක නිරත වන විට දක්වන පිළිවෙළ සහ ක්‍රමනුකූල බව කායික බුද්ධියෙන් යුක්ත දරුවෙකුගේ සුවිශේෂී ගති ලක්ෂනයකි. අවදානම් ක්‍රිඩාවක පවා නිරත වීමට සූදානමින් සිටිති. මෙම ක්‍රියාශීලී ගති පැවැතුම් නිසාම දරුවා ස්වයංක්‍රිය ලෙසින්ම ව්‍යායාම සඳහා යොමු වෙන කායික බුද්ධියෙන් සමන්විත දරුවෙකුගේ ගති පැවැතුම් පෙන්නුම් කරනු ඇත.

දරුවෙකුගේ අවකාශීය බුද්ධිය ^ Spatial Intelligence)

දරුවන්ගේ බුද්ධිය අප නොදකින ලෙසින් සැඟව තිබුනත් ඒවා අවදි වෙන අවස්ථාවන් හඳාුනා ගැනීමට නම් මව්පියන් දැනුවත් වීම මෙන්ම දරුවන් දෙස අවදියෙන් බැලීම වැදගත් වෙනවා. වෘත්තීය කැමරා ශිල්පියෙකු නොවුනත් නැමරා කාචය සෞන්දර්යාත්මක ලෙසින් හැසිරවීමේ හැකියාවක් දරුවෙකු තුළ  ඇති අවකාශිය බුද්ධිය පෙන්නුම් කරන අවස්ථාවකි. නුපුරුදු වුනත් දරුවන් ආගන්තුක පරිසරයට ඉතා ඉක්මනින් අනුගත වෙනු ඇත. දිසාවන් ගැන මනා වැටහීමක් මෙන්ම පරිසරයේ විවිධ හඳ රටාවන් වෙන් වෙන් වශයෙන් හඳුනා  ගැනීමට දක්ෂ වෙති. උදාහරණ ලෙස බසයක, බයිසිකලයක..ත්‍රිරෝද රථයක හඬ වෙන්ව තෝරා ගැනීමට හපනුන්ය. ප්‍රහෙලිකා ක්‍රිඩාවන්ට මෙන්ම චෙස් වැනි ක්‍රිඩාවන්ට සමත්කම් දක්වති.

සන්නිවේදන තාක්ෂනය සමග ගලපන විට මාර්ග සිතියම් කියැවීමේදී වැඩිහිටියන්ට වඩා බාල පරම්පරාව ඉදිරියෙන් සිටිති. සිතියම් කියැවීමට, සිතියම් භාවිතයට මෙන්ම සැලසුම් රූප ගත කිරීම අවකාශීය බුද්ධියෙන් යුක්ත දරුවන්ට ඉතාම සරල කටයුත්තක් වනු ඇත.

දරුවෙකුගේ  ස්වභාවික බුද්ධිය  (Naturalist Intelligence)

සමහර දරුවන් කුඩා කාලයේ  පටන්ම පරිසරයට බෙහෙවින් ඇලුම් කරති. මලක් පිපෙන හැටි. වලාකුලක් යන්නේ කොහාටද වැනි ප්‍රශ්න රාශියක් ඔවුන්ට ඇත. එවැනි දරුවන් බාල කාලයේ පටන්ම සොබා දහම හොඳින් හඳාුනන අතර වගා කටයුතු වෙත වැඩි නැඹුරුතාවයක් ඇත. සතුන්ට ආදරය කරන අතර  පරිසරයේ ඇවිදින්නට කුරුල්ලන් සහ වෙනත් සතුන් ගැන නිරීක්ෂනය කිරීමට කැමැත්තක් වැඩි උනන්දුවක් දක්වනු ලැබේ. උදාහරණ ලෙස බල්ලන්ට ක්‍රිඩාවන් සහ විිවධ ඉරියව් පුහුණු කිරීමට උනන්දුවක් දක්වති, ඔබේ දරුවා වෙතින්ද මෙවැනි ගති පැවැතුම් පෙන්නුම් කරනවා නම් ඔහු සොබා දහමට ආදරය කරන චරිතයකි.

දරුවෙකුගේ  අන්තර් පුද්ගල බුද්ධිය ^ Interpersonel Intelligence)

සමාජ ජීවින් වශයෙන් අපට කිසිම දිනක හුදෙකලාව ජීවත් වීම අපහසුය. නමුත් සමහර දරුවන් මව් පියන් හැර වෙනත් කිසිදු කෙනෙකු සමග සම්බන්ධතාවයක් පැවැත්වීමට පවා අකමැති දරුවන් සිටිති. නමුත් අන්තර් පුද්ගල සම්බන්ධතාවයන් පවත්වා ගැනීමට කැමැත්තක් දක්වන දරුවෙකුගේ ගති පැවැතුම් ඔබත් හඳුනා ගන්න. මෙවැනි දරුවන් සමාජය ප්‍රිය කරන අතර කණ්ඩායම් වශයෙන් ක්‍රිඩාවන්ට කැමැත්තක් දක්වති. එම කණ්ඩායමේ නායකත්වයට යොමු වෙන අතරම පුද්ගලයන් වෙත බැලීමේදි පටු වාද භේද නැත. තවත් අයෙකුට උපදෙස් දීම පමණක් නොව ඔවුන්ගේ හැඟීම් තේරුම් ගෙන කටයුතු කරන උපේක්ෂා සහගත සහ සංවේදී ගති පැවැතුම් වලින් යුක්ත වේ.

. ඒ නිසා හැදෙන ගහට නිදහසේ හැදෙන්න ඉඩ දෙන්න. නමුත් අවශ්‍ය මග සලසා දෙන්න. 

විශේෂඥ මතය, අදහස සහ මූලික සටහන:

ළමා රෝග පිළිබඳ විශේෂඥ වෛද්‍ය රෝෂිනී කරුණානායක මහත්මිය

 ශ්‍රි ජයවර්ධනපුර රෝහල