නත්තල වෙනුවෙන් දරුවන්ට සතුට ගෙනේනේ නත්තල් සීයා බව අමුතුවෙන් කිව යුතු නැහැ. පුලුන් වගේ සුදු රැවුල දිගයි…ලස්සන ඇඳුම හැඩයි කදිමයි…මේ දරුවන් දකින නත්තල් සීයා වුනත් මෙහි ඉතිහාසය ඉතාම අපූරුයි.මව්පියන් විදිහට ඔබ දරුවන් අතරට නත්තල් සීයාගේ උපත අනිවාර්යෙන්ම කියා දිය යුතු වන්නේ ශාන්ත නිකුලස් පියතුමාගේ චරිතාපදානයෙන් ඔබේ දරුවාද පෝෂණය විය යුතු නිසාය.
එහෙත් අද දරුවන් දකින නත්තල් සීයා උත්සව සමයේදී වෙළඳසැල් වෙත පාරිභෝගිකයන්ට ආරාධනා කරන ප්‍රචාරණ මාධ්‍යක් පමණි. එය දරුවන්ගේ උසුළු විසුළු වෙනුවෙන් ලක්විය යුතු චරිතයක් නොවේ. දරුවන්ගේ නොදැනුවත්කමට එසේ සිද්ධ වුනත් නත්තල් සීයා යනු කවුදැයි දරුවාට තේරුම් කර දීම මව් දෙමව්පියන්ගේ යුතුකම වේ.
නත්තල් සියා වශයෙන් හඳුන්වන්නේ ශාන්ත නිකුලස් පියතුමාය.3 වන සියවසේදි ලියාහි අගනුවර වන පතාරාහි සාන්ත නිකුලස්තුමා උපන් බව පිලිගැනේ.එතුමාගේ මව්පියන් වුයේ එෆ්‍ෆෙනියන් හා නොන්නාය.මහත් වු දේපලකට උරුමකම් කිවද ‚බාල වියේදිම මව්පියන්ගේ වියෝවිම නිසා ශාන්ත නිකුලස් ජිවිතයේ අතරමං වුයේය.නමුත් මව්පිය උරුමයෙන් ලද ධනය නිසි කළමනාකරණයකින් පරිහරනය කළ යුතු බව තේරුම් ගත් එතුමා කිතු දහමට අනුව යමින් තමන්ගේ සේවය ලෝකයාට ලබා දිමට තිරණය කලේය.
ඔහු අසරණයන්ට පිහිට විමට වඩාත් අවධානය යොමු කරන ලද්දේ මයිරා නගරයේ බිෂොප් තනතුරට පත් විමෙන් පසුවය.එක්තරා දුගි පියෙකුට තමාගේ දියණියන් විවාහ කර දිමට වත්කමක් නොමැතිව කල් ගෙවද්දි නිකුලස්තුමා රන්කාසි ගෙන ගොස් දුගියාට හොරෙන් නිවසේ ජනේලයෙන් විසි කොට ඇත.මෙම මුදල් ලබා දුන්නේ කවුදැයි ඔවුන් නොදත්හ.දිනක්…ලෝගුවකින් විත් කාසි දමන අමුත්තෙක් දුටුවාය.ඔවුන් මේ අමුත්තා ඔවුන් අල්ලා ගත් අතර ඒ වෙන කිසිවෙකුත් නොව ශාන්ත නිකුලස්තුමා බව දැනගත්හ. මේ ගැන කිසිවෙකුට නොකියන ලෙස ඉල්ලා සිටියද කාලයත් සමගම මෙම පරිත්‍යාගශිලි චරිතය ලෝකයට රහසක් නොවිය.
නත්තල් සැරසිලි අතර රතු මේස් කකුලටත් වැදගත් තැනක් හිමිව ඇත. ශාන්ත නිකොලස් පියතුමා මෙම දියණිවරුන් වෙනුවෙන් මුදල් දමන ලද්දේ දුම් කවුළුව අතරින් වූ මැස්සටය. මෙම මැස්සේ මේස් කකුලක් එල්ලා තිබුනේ ,ලිපේ උණුහුමෙන් වියලා ගැනීමටයි. මුදල මෙම මේස් කකුලට වැටී තිබුණි. එම සිද්ධිය සිහිපත් කිරීම සඳහා රතු මේස් කකුලද නත්තල් සැරසිලි අතරට එක්ව ඇත.
ශාන්ත නිකුලස්තුමා ජෙරුසලමේ වන්දනාවේ යෙදෙද්දි කුනාටුවකට හසු වුන පිරිසක් බේරා ගත් අයෙකු ලෙසින්ද ‚ප්‍රසිද්ධිය ලබා ඇත.ඔහු සැන්ටා ක්ලෝස් යැයි ප්‍රසිද්ධියට පත් වුයේ“ ක්‍රැකරි” සහ “නැෂර්” නම් වු පිනිමුවන් බැඳි රථයකින් රතු ලෝගුවකින් සැරසි රැවුල වවාගෙන වෙස් වලාගෙන දුප්පත් දරුවන් සොයා යන චරිතයක් ලෙසය.නත්තලට සති තුනකට පෙරාතුව ශාන්ත නිකුලස්තුමා විවිධ ගම්මානයන්ට ගොස් දරුවන්ට තෑගි බෝග ලබා දෙනු ඇත.ක්‍රි.ව 345 සිට 352 අතර වු බදාදා දිනක මෙතුමා ස්වර්ගස්ථව ඇති අතර උන්වහන්සේගේ දේහය ඉතාලියේ බාලි නුවර තැන්පත් කර ඇත.
ඇමරිකානු ජනප්‍රවාදයන්ට අනුව නත්තල්සියා වාසය කරන්නේ උත්තරධ්‍රැවයේ වෙන අතර ඔහු ලැප්ලන්තයේ ජිවත් වේ.තවත් අදහසකට අනුව ඔහුගේ බිරිඳ ක්ලෝස්ය.නත්තල්සියාගේ කාර්යය වෙන්නේ දරුවන් තෝරා ගෙන ඔවුන්ගේ හොඳ නරක අනුව තෑගි බෙදා දිමයි.නරක දරුවන්ට ගල් අගුරු කැට සහ කෝටු කැබලි ලබාදෙන අතර හොඳ දරුවන්ට සෙල්ලම් බඩු සහ රසකැවිලි ලබා දෙයි.නත්තල්සියා ලොව වටා යන්නේ පිනිමුවන් බඳින ලද කරත්තයකින්ය.මෙම කරත්තය හිම මතින් ලිස්සා යන ආකාරයට නිර්මානය කර ඇති අතර නත්තල් දිනයේ ලොව පුරා සිටින දරුවන්ට තෑගි බෝග ලබා දෙමින් එල්ව්ස් නම් මායාකාරියගෙන් මේ සඳහා සහය ලැබෙයි.
19 වන ශතවර්ෂයේදි නෝරවේ රටේ ෆින්මාක්හි සිටඇලස්කාවට සාමිවරයෙක්පැමිනි අතර ඔහු පැමිනියේ පිනිමුවන් පන්සියයක් සමගය.ඔහු පැමිනියේ ඇලස්කාවේ වෙසෙන ඉනියුට් නම් වු ස්වදේශිකයන්ට පිනිමුවන් ඇති කරන සැටි ඉගැන්විමටය.
නත්තල් සීයාගේ චරිතයට මේ විදිහට පණ දුන්නේ තෝමස් නෙස්ට් යන චිත්‍ර ශිල්පියා විසිනුයි. 1863 වසරේදී මේ චිත්‍ර ශිල්පියා විසින් හාපර්ස් වීක්ලි සඟරාවට නත්තල් සීයා මේ විදිහට සිතුවම් කරනු ලැබුවා. රැසියාවේදී නත්තල් සීයා ගමන් කරන්නේ අශ්වයන් තුන්දෙනෙක් බැඳි හිම කරත්තයකිනුයි. හිමකුමාරි නම් තරුණියක් සහය වෙනුවෙන් ගමන්ගන්නා අතර ලොම් සහිත සපත්තු පැළඳ ඇති අතර දණහිස තෙක් වූ බූට්ස් දෙකකි.
ලිබේරියාව නත්තල් සීයා හිඟන්නෙක් ලෙසින් නෞකාව බිඳී අතරමං චරිතයක් විදිහට පෙන්වා ඇත. ඔහු අපි දකින නත්තල් සීයා මෙන් දරුවන්ට තෑගි බෝග දෙන්නෙක් නොව විශාල උදරයක් සහිතව වැරහැලි හැඳ සිඟමන් යදින චරිතයකි.
පන් තොප්පියක් පැළඳ සිටින නයිජීරියාවේ නත්තල් සීයා ගැමියෙකි.පන් ඇඳුමකින් සැරසුන ඔහු බූරුවෙක් පිට ගමන් ගනී.ග්‍රිසියට නත්තල් සීයා පැමිණෙන්නේ ජනවාරි මාසයේ පළමු වැනි දිනයි. එදින ශාන්ත බැසිල් තුමන්ගේ දිනය ලෙසින් සැලකේ.මෙක්සිකෝවට ජනවාරි මාසයේ පස් වැනි දින පැමිණෙන නත්තල් සීයා ගැන ඔවුන් අතර පවතින අදහස අනුව ඒ බයිබලයේ සඳහන් වෙන මෙලචියෝර්, ගුස්පර් සහ බල්තසාර් යන තිදෙනාය.
ඉතාලියේ දෙසතියක් පුරා නත්තල් සීීවානරැන් තුන්දෙනෙක් පැමිණෙන අතර එයින් එක් අයෙක් ජේසු බිලිඳා ලෙස සැලකෙන ”ගේසු බැම්බිනෝ ” වේ. දරුවන්ට තෑගි බෝග රැගෙන එන්නේ ඔහුය.” බැම්බු නටාලේ ” ට සුදු රැවුලක් ඇත.දරුවන්ගේ හොඳ නරක අනුව තෑගි බෝග ලබා දෙන කාන්තා චරිතය වූ ” බෙෆානා ” ඉතාලියට පැමිණෙන්නේ ජනවාරි හය වැනි දිනයි.බ්‍රිතාන්‍ය සහ යුරෝපයේදී නත්තල් සීයා හැඳින්වෙන්නේ ෆාදර් ක්‍රිස්මස් නමිනුයි. ස්පාඤ්ඤයේදී පපා නොයෙල් යන නමින්ද, මොරොක්කොවේදී බ්ලැක් පීටර් නමින්ද,ප්‍රංශයේදී පිරේ නොයෙල් නමින්ද, රුසියාවේදී ග්‍රෑන්ඩ් ෆාදර් නමින්ද,චීනයේදී ෂෙන්දාන් ලා ඕ නමින්ද, නෙදර්ලන්තයේදී සැන්ටර් ක්ලෝස් නමින්ද, මොරොක්කෝවේදී බ්ලැක් පීටර් නමින්ද,ග්‍රිසියේදී හේජියෝ නිකලොස් නමින්ද,ඉතාලියේදී බේබෝ නටාලේ නමින්ද, ජපානයේදී සැන්ටා නෝ එජිසාන් නමින් සහ නෝර්වේදිහි පා නොක්ස් යන නමින් නත්තල් සීයා හඳුන්වනු ලැබේ.
