සිඟිත්තාව රැගෙන ගෙදරට එන තෙක් පියා ඇඟිලි ගනිමින් සිටින අතර සිඟිත්තා ගෙදර රැගෙන ආ පසු පියා ඉතා ආසාවෙන් සහ උනන්දුවෙන් තම සිඟිත්තා වෙනුවෙන් ඕනෑම වගකීමක් භාර ගැනීමට ඉතා කැමැත්තෙන් සිටී. එහෙත්, ඒ සෑම සිහිනයක් බොඳ කරමින් බොහෝ සිඟිත්තන් තම මවට වැඩි ඇල්මක් දැක්වීමට පටන් ගනී. ඉතා උනන්දුවෙන් සහ කැමැත්තෙන් සිටින පියා කුමක් කල යුතුද? ඒ ගැන අපි සොයා බලමු.
ඔබ පලමුවෙන්ම දැනගත යුතු කාරණයක් නම්, අලුත උපන් සිඟිත්තා ස්වභාවිකවම තම මවට වැඩි ඇල්මක් දක්වයි. එයට මූලිකම හේතුව වන්නේ මවුකිරි. මුල් මාස 6දී සිඟිත්තන් මවුකිරි වලට වැඩිවශයෙන් කැමැත්තක් දක්වන නිසා තම මව සමඟ පමණක් හොඳ සම්බන්ධතාවක් ගොඩනඟා ගැනීමට ක්‍රියා කරයි.
මව සහ දරුවා අතර ඇති සම්බන්ධතාවය වැඩි වන විට, පියාට කුඩා දුකක් ඇතිවීමට පටන් ගනී. එහෙත් පියෙකු ලෙස ඔබ මෙය බරපතළ ලෙස සිතට ගන්න එපා. සායනික මනෝවිද්‍යඥ සහ මා පිය කටයුතු පුහුණුකරු, දොස්තර ලෝරා මාර්කම් සඳහන් කරන ආකාරයට, ඔහු ගැන නොව තම සිඟිත්තා ගැන පමණක් සිතිය යුතු බව ඔවුන්ටම මතක් කර දිය හැක. එවිට එම හැඟීම් ඇති නොවීමට ඉඩ තිබේ. පියා සන්සුන්ව සිට, මව දරුවා ලඟ නැති අවස්ථා වලදී, දරුවා සමඟ කාලය ගත කල හැකිය. එවිට දරුවාට, මව ලඟ නැති අවස්ථා වලදී, පියා සමඟ කාලය ගත කල හැකියැයි දැනීමට පටන් ගනී. එවිට දරුවා සහ පියා අතර බැඳීමක් ඇතිවීමට පටන් ගනී.
පියා සහ සිඟිත්තා අතර ඇති බැඳීම් වර්ධනය කරගන්නේ කෙසේද?
පියා සහ සිඟිත්තා අතර ඇති බැඳීමක් ඇතිවීම අත්‍යවශ්‍ය වේ. එයට හේතුව මව සිඟිත්තා ලඟ නැති අවස්ථාවදී පියාට දරුවාගේ සාංකාව මකා ගැනීමට උපකාරී වේ. පියාට දරුවා සමඟ හැංගි මුත්තන් සහ වෙනත් කුඩා සෙල්ලම් කල හැකිය. එවිට දරුවාගේ සාංකාව නැතිවී තම පියා සමඟ සිනහවෙන් සහ විනෝදයෙන් කාලය ගත කරයි.
දරුවාට පියාගේ සෙනහස පෙන්වීමෙන් හඬන දරුවා නලවා ගැනීමට හොඳ ක්‍රමයකි. පියාට සිඟිත්තාව රෙදි වලින් හොඳින් එතීමට, හඬන දරුවා නැලවීමට සහ නිහඬ කරගැනීමට හොඳ හැකියාවක් ඇත. මේ නිස දරුවාට හොඳ නින්දක් ගැනීමට උපකාරී වේ.
ඒ කුමන දේ කලත්, අවසානයේ සිඟිත්තා තම මවට වැඩි ඇල්මක් දක්වයි. එසේ වූවද පියාගේ උත්සහය අත් නොහැරිය යුතුය. දරුවාගේ වයස අවුරුදු 1ත් 2ත් අතරදී අලුත් දෙවල් වලට සහ අලුත් පුද්ගලයන්ට කැමැත්තක් දැක්වීමට පටන් ගනී. එවිට පියාට බොහෝ දුරට, දරුවාගේ විශේෂ පුද්ගලයෙකු වීමේ හැකියාව ඇත.
