ආහාරයක් පුංචි පැටවුන්ට දැක්ක ගමන් කන්න හිතෙන විදිහට පිලියෙළ කරන්න පුලුවන් නම් අම්මලා දිණුම්. අපි ගුණය ගැන හිතුවත් පුංචි පැටවුන්ට ඒ ගැන කිසිම දැනීමක් නැහැ. ඒ නිසා නිතරම අම්මලා සමග ඇති කර ගන්නේ ගැටුම්. ජපන් ජාතිකයන්ගේ සංකල්පයට අනුව ආහාර දිවට නොව ඇසටයි… එයින් ඔවුන් අදහස් කරන්නේ ආහාරයක පැවැතිය යුතු ප්‍රියමනාප බවයි.
ඉතින් අපිටත් මේ ගැන ටිකක් අවධානය දක්වන්න පුලුවනි. ඒ විතරක් නොවෙයි, මේ විදිහට වර්ණවත්ව ආහාර පිළියෙළ වුනොත් ඔබටත් නොදැනීම බොහෝ ගුණදායක විදිහට දරුවාගේ ආහාර පිලියෙල කර දෙන්නත් පුලුවනි.
ස්වභාව ධර්මය හරිම අපුරුයි. අපිට නොපෙනෙන සහ අපි නොසලකා හැරියත් ස්වභාව ධර්මයෙන් දුරස්ව අපිට ජීවිතය පවත්වා ගැනීම එතරම් පහසු නැහැ. එලවලු සහ පළතුරු වෙනුවෙන් වර්ණ ලැබී තිබෙන්නෙත් ස්වභාව ධර්මයේ අපුරු හාස්කමක් විදිහටයි. මේ වර්ණවල අන්තර්ගත “ෆයිටෝ කෙමිකල්ස්” අපේ ජීවිතයේ නීරෝගී පැවැත්මට අවශ්‍ය බොහෝ ගුණ උපයා ගැනීමට පුලුවන්. ඒ නිසා දැන් පෝෂණ විද්‍යාඥයින්ගේ අලුත්ම සංකල්පයකට අනුව ආහාර දේදුනු පැහැයෙන් සකස් කර ගැනීමට උපදෙස් ලැබෙනවා. ඉති පුංචි පැටියාගේ ආහාරයට දේදුන්නක් පායන විදිහට ආහාර සකස් කරන්න අම්මලාට එතරම් අපහසුවක් නැහැ.
රතු පැහැය…
රතු පැහැය කී සැනින් ඔබේ මතකයට නැගෙන්නේ තක්කාලි ගෙඩියක් ගැනයි. එය ඇත්ත. මේ රතුපැහැයේ අන්තර්ගතව තිබෙන්නේ “ලයිකොපෙන්” ( Lycopine ) රසායනයයයි. මේ රසායනය මගින් අපේ සිරුරේ සෛල විකාති වීමට නොදී ආරක්ෂා කරනවා. සෛල විකාති වීම නිසා පිලකා ඇති වීමට තිබෙන අවදානම ඉතා ඉහලයි. ඒ නිසා දරුවන්ගේ ආහාරයට තක්කාලි, බීට්, දෙලුම්, ලොවි, රතු පේර, කොමඩු වැනි ආහාර වැඩි පංගුවක් එක් කරන්න. පැටියාට විතරක් නොවෙයි, පවුලේ අයටත් මේ රතු පැහති එළවලු සහ පළතුරු බොහෝ සේ ගුණ දෙනවා. වැඩිහිටි වියේදී රුධිර කැටිති නිසා දමණීන් ආශ්‍රිත අවහිර වීම් ඇති වෙන්න පුලුවනි. ඒ තත්වය වලක්වන්න වගේම අවුරුදු වලින් වයස ගෙවුනත් පෙනුමෙන් තරුණයි වගේ ඉන්නත් මේ ආහාරවලින් ගුණ ලැබෙනවා.
කහ සහ තැඹිලි…
කහ සහ තැඹිලි වර්ණය විටමින් “ඒ” බහුල බැව් අපේ පුංචි උදවිය වුනත් දන්නවා. මේ කහ පැහැයෙන් “බිටා කැරටින්” අපේ සිරුරට ලැබෙනවා. ඇස්වල පෙනුම වගේම සමේ පෙනුම සහ පිලිකා වැනි මාරාන්තික රෝගවලින් අපිව ආරක්ෂා කර ගැනීමේ හැකියාව කහ , තැඹිලි පළතුරු සහ එළවලුවල අන්තර්ගත බිටා කැරටින් සංයෝගයෙන් අපිට ඉතා පහසුවෙන්ම ලබා ගන්න පුලුවනි. ඒ නිසා වට්ටක්කා, දොඩම්, පැපොල් වැනි පළතුරු සහ එළවලු දරුවාගේ ආහාරයට එක් කිරීමට අමතක කරන්න එපා.
කොළ පැහැය…
කොළ කී සැනම අපේ මතකයට එන්නේ පලා වර්ගයි. ඒ වගේම දරුවන්ට පලා කවන්න ගියාම පුදුම යුද්ධයක්. ශාඛවලට ආවේනික මේ chlorapy කොළ පැහැයේ අඩංගුව තිබෙනවා. ඉතින් පලා වර්ග වගේම අලිගැට පේර, කොළ ඇපැල්, වෙරලු වැනි කොළ පැහැයෙන් යුකත් එලවලු සහ පළතුරු දරුවාගේ ආහාරයට එකතු කිරීමට පසුබට වෙන්න එපා. මේවායේ අන්තර්ගතව තිබෙන කැරටොනොයිඩ්, ( carotenoids ) indoles සහ saponies රසායනයන් මගින් පිලිකාවන්ගෙන් ආරක්ෂාව ලබා ගැනීමට පුලුවනි. අස්ථි සහ දත්වල ශක්තිමත් පැවැත්ම වෙනුවෙනුත් කොළ පැහැති එලවළු සහ පළතුරු පංගු දරුවන්ගේ ආහාර වෙනුවෙන් එකතු කරන්න.
නිල් සහ දම්…
නිල් සහ දම් වර්ණවල ශාඛ රසායනයන් බහුලයි. වම්බටු, මිදි, රාජාල , බෙරි වර්ග, නිල් වෙරළු වැනි එළවලු සහ පළතුරු ඉතා පහසුවෙන් ආහාරයට එකතු කිරීමට අම්මලාට පුලුවනි. මේ එළවලු සහ පළතුරු අධි රුධිර පීඩනය, දියවැඩියාව, වගේම පිලිකාවට එරෙහිව වැට බදින්න තරම් හැකියාවක් තිබෙනවා. ඒ වගේම ප්‍රතිශක්තිය වර්ධනය වෙන නිසා විවිධ ආසාදන සහ ආසාත්මිකතාවයන්ගෙනුත් ආරක්ෂාව ලබා ගැනීමට පුලුවනි. මේ නිල් දම් පැහැයේ ලැබෙන්නේ මේ එළවලු සහ පළතුරුවල ආවේණික Anthocyoni රසායනය නිසයි. ඒත් සමග මේ ආරංචියට නම් දෙමව්පියන්ගේ ආකර්ශනය ඇති වෙන්න පුලුවනි. නිල් දම් වර්නයේ ආහාර දරුවන්ගේ මතකය සහ ධාරණයට හිතකර බවටත් පෝෂණ විද්‍යාඥයින් විසින් දැන් හදුනාගෙන තිබෙනවා.
සුදු…
සුදු කී සැනින් හිතේ ඇති වෙන්නේ විවිධ වර්ගයේ ළූණු…. එය රහසක් නොවේ… ඒ වගේම මේ සුදු පැහැයේ තිබෙන ශාඛ රසායනයන් මගින් ආසාදන හා බෝ නොවන රෝග වලින් ආරක්ෂාව ලබා දෙනවා. විශේෂයෙන් සුදුළෑණු අහිතකර කොලස්ටරෝල් වලින් වගේම පිලිකාවන්ගෙනුත් ආරක්ෂාව ලබා දෙනවා. ඒ නිසා ආහාර පිසින විට මේ ගැන අම්මාගේ උනන්දුව වැඩි වශයෙන් දැන් ලබා දෙන්න පුලුවන් නේද…?
– web med හි පළවූ Eat a Food Rainbow ලිපිය ඇසුරින් –
