ඉර, හඳ, තරු ගැන දරුවන්ගේ හිතේ නැගෙන සිතුවිලි උපන්ගෙයිම මරා දැමීමටහෝ , ඒ ඔස්සේ ඔවුන්ගේ චින්තනය අවදි කිරීමටත් හැකියාව ඇත්තේ දෙමව්පියන්ටයි.මේඝ මහිම විජේසේකර නැමැති පුංචි දරුවාගේ හිතේ බයිබලයේ මැවුම්කාර චිත්‍රය තදින්ම හිතේ සනිටුහන් වුනා. ඔහු ඒ ගැන විවිධ ප්‍රශ්න අහන්න පටන් ගත්තා. අහසේ විශාලත්වය, තරුවල විවිධ ලක්ෂණ වැනි තාර්තික සංකල්පවලට අම්මා , තාත්තාටත් පිලිතුරු තිබුනේ නැහැ.
මේ වෙන විට ඔවුන් පදිංචිව සිටියේ ඔස්ට්‍රේලියාවේ. මේඝගේ මව දොෂාන්ති විජේවර්ධන සන්නිවේදන උපාධිධාරිනියක්.පුතා නගන ප්‍රශ්නවලට පිලිතුරු දීමට ඇගේ දැණුම ප්‍රමාණවත් නොවුන නිසා ලංකාවේ සිටි ඇගේ පියා සමග ස්කයිප් ඔස්සේ පුතුගේ ප්‍රහ්නවලට විද්‍යාත්මකව ගැලපෙන පිළිතුරු සොයා ගත්තා.
යාන්තම් අකුරු ගලපා ගැනීමට හැකියාව ලද තැන පටන් මේඝ පොත් පත් කියවන්න පටන් ගත්තා. නමුත් ඒ රටාව ඔහුගේ වයසේ දරුවන්ට සාපේක්ෂව වෙනස්. මේඝ නිතරම කියවනු ලැබුවේ ප්‍රබන්ධ නොවන සාහිත්‍ය පමණයි. ඔහුගේ කියැවීමේ වේගය කොතරම්ද කිවහොත් පාසල් පුස්තකාලයේ සියලුම පොත් ඔහු කියවා අවසාන කලා. වරක් පාසල් පුස්තකාලය ඔහුට ප්‍රබන්ධ නොවන පොත් කියැවීම නවත්වන ලෙසට තහංචි පවා පනවා තිබුණා.මේඝ නිතරම ඇසුරු කලේ ඔහුගේ සමවයස් කණ්ඩායම් නොවෙයි. එහුගේ මිතුරන් වුනේ වැඩිහිටි සිසුන්, ගුරුවරුන්.අම්මා තාත්තාගේ දැනීමේ හැටියට තම පුතුගේ හැසිරීමේ වෙනසක් දුටු නිසා ඔවුන් දරුවා මනෝ වෛද්‍යවරුයෙකුට පවා පෙන්නුවා.
එහිදී වෛද්‍යවරයා කියා සිටියේ මේඝගේ මොලයේ වර්ධනය ඔහුට වඩා වයසින් අවුරුදු පහක් පමණ වැඩි අයෙකුගේ මොළයට සමාන බවයි. මේඝගේ දෙමව්පියන් ඔහු අධ්‍යාපනය ලබන පාසලෙන් වෙනස් කරල ‘‘ඇඩිලේඩ් හි වෙස්ට්මිනිස්ටර් “ පාසලට ඇතුලත් කලා.එහිදී මේ පාසලේ ගුරුවරුන් මේඝට ගැලපෙන විදිහට ඉගෙණුම් ඉගැන්වීම් ක්‍රම පවා වෙනස් කරනු ලැබුවා.
මේඝ විද්‍යාවට විතරක් ඇබ්බැහි වුන චරිතයක් නොවෙයි. බාලකාලයේ පටන් ඔහු අත්තම්මා සමග එක්ව ගීත ගායනය, පියානෝ වාදනය වැනි සංගීතයට යොමු වුණා. වයස අවුරුදු තුනක් වෙද්දී මේඝට හොදන් පියානෝ වාදනය කිරීමේ හැකියාව ලැබුණා.පාසලේ professional drum set වාදනය කිරීමටත් ඔහු ඉදිරිපත් වුණා.පාසලේ චෙස්, ක්‍රිකට් සහ පිහිනුම් කටයුතුවලදීත් ඔහු සිටියේ ඉදිරියෙන්.
මේඝ මොනතරම් වෙනස් දරුවෙක්ද කිව්වොත් රාත්‍රි කාලයේ නිදා ගැනීම ඔහු දැක්කේ කාලය අපතේ හැරීමක් විදිහටයි.උදෙන්ම අවදි වෙන ඔහු පොතක් කියැවීම හෝ වෙනත් ඵලදායී දෙයක් වෙනුවෙන් යොමු වුනා.
පුතාගේ අභ්‍යවකාශ උණ කවදාවත්ම සුව නොවන බව පෙනී ගිය නිසා දෙමව්පියන් විසින් ඔහු Future Problem-solving club ආයතනයට ඇතුලත් කලා. ඒ වෙන විට ඔහුගේ වයස අවුරුදු හතරක්.මේ පාඨමාලාවහදාරන කාලයේ ඔහු විශ්වවිද්‍යාල සිසුන් සමග කරිට කර ගැටුනා.අභ්‍යවකාශ භෞතික විද්‍යාඥයින් විසින් රාත්‍රි කාලයේ පවත්වන දේශනවලටත් නොපැකිලව සම්බන්ධ වුනා.
ඔහු ලබා ගත් දැණුම නිසාම 2017 වසරේදී NASA Space App Challenge වෙනුවෙන් ලියාපදිංචියටත් හැකියාව ලැබුනා.මේ් ලියාපදිංචිය ලබා ගත් පුංචිම දරුවා ඔහු. එහිදී ඉංජිනේරුවන් සහ විශ්ව විදයාල සිසුන් සමග අභියෝගයට මේඝ සිටියා කිව්වොත් නිවරැදියි. ඒ නිසාම වායුගෝලය පිළිබඳ අභියෝග ජයගත් මේඝ එහි ලාබාලම කණ්ඩායම් නායකයා වීමටත් ශක්තිය ලබා ගත්තා.
ඒ විතරක් නොවෙයි, Airbus සමාගම සහ ප්‍රංශ රජය ඒකාබද්ධව දියත් කර තිබෙන Acting Space ව්‍යාපෘතිය මගින් මහමුහුදේ නෞකා අතුරුදහන් වීම සඳහා චන්ද්‍රිකා තාක්ෂණය ජයගැනීමට හැකි බව අධ්‍යනය කිරීමේ මෙහෙයුමටත් සාර්ථකව මුහුණ දුන්නා.2018 වසරේදී වසර දෙසියයකින් පමණ පෘථිවිය හා‘‘බෙනු“ ග්‍රාහකය වැලැක්වීමේ මෙහෙයුමටත් සම්බන්ධ වුනා. මේ නිසාම මේඝට NASA Space App Challenge මෙහෙයුමේ ඔස්ට්‍රේලියානු තානාපතිවරයා විදිහට කටයුතු කිරීමේ හැකියාව ලැබී තිබෙනවා.
මේ තානාපතිත්වය සාමාන්‍යෙයන් ලැබෙන්නේ ඇමරිකාව හෝ කැනඩාවට වුනත් මේඝ විසින් සපුරා තිබෙන ආරක්ෂක, සමාජ සම්බන්ධතාවයන් සහ සෞඛ්‍යමය හේතූන්ගේ සම්පූර්ණත්වය නිසා ඔහුට මේ තානාන්තරය පිරි නැමීම කිසිසේත්ම ප්‍රතික්සෙප කිරීමට නාසා ආයතනයටත් බැහැ.නාසා ආයතනයේ මහජන සම්බන්ධතාවයන් පිලිබඳව කටයුතු කරන ඇරිසෝනා විහ්ව විද්‍යාලය විසින් මේගට මේ පිලිබඳව පුහුනුවක් ලබා දීමට නියමිතයි. ඒ අනුව ග්‍රාහකයක සිට සාම්පල පෘතිවියට ගෙනෙන මුල්ම OSIRIS-Rex මෙහෙයුම අනුව 2023 වසරේදී ‘‘බෙනු “ සිට මුල්ම සාම්පලය පෘථිවියට ගෙනෙන මෙහෙයුමේ තානාපති විදහට මේඝ කටයුතු කරනවා. ඒ අනුව ඔහුට වගකීම් රාශියක් පැවරී තිබෙනවා.
මෙහෙයුමේ යාවත්කාලීන තොරතුරු ඔස්ට්‍රේලියාවට ලබා දීම
ඉදිරි සමුලු වෙනුවෙන් තානාපතිවරයා ලෙසින් සහ පුහුනු වැඩසටහන් සඳහාසහභාගි වීම
ව්‍යාපෘතියේ ගැටළු සදහා නාසා ආයතනය නියෝජනය කරමින් ඔස්ට්‍රේලියාවට පිළිතුරු ලබා දීම
ඔහුගේ වයස ඇහුවොත් ඔබ පුදුම වේවි. අවුරුදු නවයක දරුවෙක් ගිය දුරක් ගැන පුදුමයට පත් වේවි. ඒත්.. ඒ සියලල් පිටුපස තිබෙන්නේ මේ පුංචි දරුවා ඇසු විමසු සහ කුතුහලයෙන් දුටු හැම දෙයක් සඳහාම දෙමව්පියන්ගේ සාර්ථක මග පෙන්වීමයි. ඒ වගේම ඔහු අධ්‍යාපන ලත් පාසල මේඝට ගැලපෙන විදිහට ඉගෙණුම් රටාව පවා හැඩ ගසා ගැනීම නිසා මේ තරම් දුරක් ඔහුට යෑමේ වාසනාව ලැබුනා.
මාධ්‍ය සාකච්ඡාවකදී අදහස් ඉදිරපත් කරමින් මේඝ කියා සිටියේ අවස්තාව කිසිම දිනක අප සොයා එන්නේ නැහැ. නමුත් අපි අවස්ථාව සොයා යා යුතුයි.ඔහුගේ සිහින තවත් අවසාන නැත. මේඝගේ ඉදිරි අනාගත සිහිනය වයස අවුරුදු පහලොව වෙන විට රොකට් විද්‍යාඥයෙකු වීමයි.අපිත් මේ පුංචි ලංකාපුත්‍රයාට හදවතින්ම ආහිර්වාද කරමු.
බිබිසි ඇසුරිනි
පුන්‍යා චාන්දනී ද සිල්වා
