ෆේස්බුක් කියන්නේ අද කෙල්ලෝ කොල්ලෝ අතර ජනප්‍රිය Social Media එකක්. ඒ හරහා ආදරය, දුක සතුට බෙදා ගන්න ගත වෙන්නේ විනාඩි කිහිපයක් පමණි. කෙල්ලෝ කොල්ලන්ගේ Love එක Upset වුනාම දුක හෝ හෝ ගාලා post හරහා share කරනවා. ඒ කොහොම උනත් ෆේස්බුක් කියන්නේ නම් නරක දෙයක් නෙමේ. නමුත් මේ පිලිබදව හරි අවබෝධයක් නොමැතිව පාවිච්චි කරන්න ගියොත් නම් වැඩේ අවුල්. ඒක නිසාම තමා මේක ලියන්න හිතුවේ. බොහෝ කෙල්ලෝ කොල්ලන්ට ෆේස්බුක් පිලිබදව හරි හැටි අවබෝධයක් නැති නිසා අද වන ගොඩක් ගැටළු හට ගෙන තියෙනවා. විශේෂයෙන් පාසල් ළමුන්. ඒ නිසාම ඔබේ පාසල් යන දරුවා දැනටමත් ෆේස්බුක් භාවිතා කරනවා ඇති. එසේ නම් දරුවා පිලිබදව ඔබ දැඩිව සැලකිලිමත් විය යුතුයි.
ෆේස්බුක් හරහා තමන් නොදන්නා ඇය සමග මිතුරු කම් පවත්වන්නට ගොස් බොහෝ පාසල් දරුවෝ අසරණ වන අවස්ථා අපි අනන්තවත් දැකලා තියෙනවා. විවිධ කායික රෝග වලින් පෙලෙන වැඩිහිටි පුද්ගලයන්ගේ පහත් ආශා ඉටු කර ගන්නට මේ කුඩා පාසල් යන දරුවන් යොදා ගන්නවා. ඔවුන්ට ජිවිතේ එතරම් අත්දැකීම් නොමැති නිසාම දරුවන් මෙවැනි උගුල් වලට හසු වන්නේ නොදැනුවත්වමය.
මේ වන කල ඇති පර්යේෂණ හරහා සොයා ගෙන ඇත්තේ ෆේස්බුක් හරහා පෞද්ගලික තොරතුරු ලෝකයට නිරාවරණය කරන්න ගොස් බොහෝ දරු දැරියන් අමාරුවේ වැටෙන බවයි. විශේෂයෙන්ම අසරනකම්, ලිංගික දුබලකම් , ලිංගික අවශ්‍යතා ෆේස්බුක් හරහා කියන්නට යෑමෙන් තමන්ට බරපතල හානි සිදු වන බව ඔවුන්ට වැටහෙන්නේ නැත. අද ලෝකයේ පර්යේෂණ හරහා පෙන්වා දෙන්නේ ෆේස්බුක් හරහා පාසල් ළමුන්ට වසරකට සිදු වන හානිය ලක්ෂ 03කටත් වඩා වැඩි බවයි. මේ නිසාම ඇතැම් දරුවන් පාසල් ජිවිතයෙන් සදහටම සමු ගනී.
පාසැල් දරුවන්ගේ පෙම් සබදකම් වලට පමණක් නොවේ ඔවුන්ගේ හැසිරීම් රටාවන්ටද ෆේස්බුක් බලපානු ලැබේ. මේ වන විට පර්යේෂණ හරහා හෙළි වී ඇති අපුරුම කරුණක් වන්නේ දරු දැරියන්ගේ ආහාර පුරුදු පවා ෆේස්බුක් හරහා වෙනස් වී ඇති බවයි. එනම් මේ හරහා හමු වන මිතුරු මිතුරියන්ගේ අදහස් අනුව ඔවුන් තම ආහාර පුරුදු රටාව වෙනස් කර ගෙන ඇති බවයි.
බොහෝ පිරිස් තම ෆේස්බුක් account එකට දමන්නේ තම සැබෑ ප්‍රතිරූපය නොවේ. බොහෝ ලස්සනට කැපී පෙනෙන හින් සිරුරක් ඇති ආකාරයට ජායාරූපය සකස් කරයි. ඉන් පසු තම දැමු ජායාරූපයේ හොද නරක මොනවාදැයි සොයා බලයි. ෆේස්බුක් හරහා ලැබෙන comments පිලිබදව පිරිමි ළමුන්ටත් වඩා ගැහැණු ළමයි ගොඩාක් ලොකුවට ගන්නවා. ඔයා හරිම හොට් කියලා කෙනෙක් කිව්වොත් ඇය ඇග වෙනස් කරගන්න හදන්නේ නෑ. නමුත් තව ටිකක් කෙට්ටු උනා නම් නියමයි කියලා කිව්වොත් එදා ඉදන්ම මේ ළමුන් ඩයට් කරන්න පටන් ගන්නවා කියලා තමා මේ වන විට පර්යේෂණ හරහා පෙන්වා දෙන්නේ.
තවත් මෙහි බරපතලම කරුණක් වන්නේ වයස අවුරුදු 15 පමණ වන දරුවන් නිරුවත් ජායාරූප පවා මේ හරහා හුවමාරු කර ගැනීමයි. සමහරු දරුවන්ගේ මේ නිරුවත් ජායාරූප ගෙන ඔවුන් වැරදි වලට පොළඹවා ගන්නවා. මේ නිසාම ෆේස්බුක් භාවිතා කරන පාසල් දරුවන් විෂාදයෙන් පෙලෙන ප්‍රමාණය වැඩියි.
ෆේස්බුක් යනු නරක දෙයක් නොවේ. ඒ හරහා දරුවන්ට බොහෝ දැනුම එකතු කර ගන්න පුළුවන්. නමුත් මෙය නිවැරදිව භාවිතා කල යුතුයි. එහිදී ඔබේ දරුවාගේ පරිගණකය ඔබට පෙනෙන ස්ථානයක තබන්න. ඔහු එය භාවිතා කරන අවස්ථා වල ඔහුට පුර්ණ අවධානය යොමු කරන්න. එසේම මෙය නිවැරදිව භාවිතා කරන අකාරය දරුවාට කියා දෙන්න. මෙහි පවතින භායනක පැතිකඩ පිළිබදවත් ඔහුට පවසන්න.
