අපේ දරුවන්ගේ සංවර්ධනයේදී දරුවාගේ ගැටළු මුල් අවධියේදීම හඳුනාගෙන ඒවාට නිවැරදි ප‍්‍රතිචාර ක‍්‍රම භාවිත කිරීම ඉතාමත්ම වැදගත් වෙනවා. මෙහිදී පෙනීම සම්බන්ධව විශේෂ අවධානයක් යොමු කළ හොත් පහත කරුණු ඉතාමත් වැදගත් වෙනවා. ඒ ඇතැම් විට දරුවාගේ පෙනීමේ දුර්වලතාවයක් ඇති නිසා ද විය හැකියි. දරුවාගේ පෙනීමේ සම්බන්ධව යම් කිසි ගැටළුකාරී තත්ත්වයක් තියෙනවාද යන්න අවබෝධ කරගත හැකි හොඳම කාලය දරුවාගේ ජීවිතයේ පළවෙනි අවුරුද්දයි. දරුවාගේ පළමු වසර තුළ පහත දැක්වෙන ගැටලු ඔබට ඇති වෙනවා නම් ඒ පිළිබඳව නිසි වෛද්‍ය උපදෙස් වෙත යොමු වීමට ප්‍රමාද නොකළ යුතුයි.
- මාසයක් ඇතුළත දරුවා ආලෝකය දෙස බලනවද?
- අපි මුහුණ විවිධ පැති වලට හරවද්දී ඒ හරවන පැති වලට හැරී දරුවා ප‍්‍රතිචාරත්මකව සිනාසෙනවාද ?
- බාහිර පරිසරයේ තියෙන දේවල් දිහා දරුවා බලන්නේ නැද්ද?
- අතපය දිගු කරලා සෙල්ලම් බඩු අල්ලන්න උත්සහ කරන්නේ නැත්ද?
- අදුරේ සිට එකවර එළියක් වැටුණු විට දරුවා ඒ දිහා බලනවාද?
- පළවෙනි මාසය ඇතුළතදී අම්මා දිහා බලලා අම්මගේ මූණ හඳුනා ගන්න උත්සහ කරනවාද?
මේ ගැටලුවලට ලැබෙන්නේ ඍණාත්මක පිළිතුරු නම් දරුවාට පෙනීමේ දුර්වලතාවයක් ඇති බවට ඔබට සැක කළ හැකියි.
වයස මාස දෙකක් පමණ ගත වෙද්දී දරුවෙක්ට අපි මුහුණ විවිධ පැති වලට හරවද්දී දෑස් ඒ ඒ පැත්තට හරවමින් ප්‍රතිචර දැක්වීම කළ හැකියි. එලෙස ප‍්‍රතිචාරාත්මකව සිනාසෙන්න අපහසු නම් යම් හෙයකින් දරුවාගේ ඇස් දෙකම එකට චලනය වෙන්නේ නැත්නම් වයස මාස දෙකක් විතර කාලය ගතවෙද්දී ඒ පිළිබඳව අපි අනිවාර්යෙන්ම සැලකිලිමත් විය යුතුයි.
වයස මාස හයක් පමණ වන විට සාමාන්‍යයෙන් දරුවෙක් බාහිර පරිසරයේ දේවල් දෙස බලනවා, ඒ වගේම ඒ පිළිබඳව අවධානය යොමු කරනවා ඉතාමත්ම වැඩියි. යම් හෙයිකින් ඔබ සැක පළකරනව නම් ඔබේ දරුවා බාහිර පරිසරයේ තියෙන දේවල් දිහා බලන්නේ නැහැ සහ අත් දිගු කරමින් ඒ දේවල් ඉල්ලන්න සූදානමක් නැහැ හෝ බාහිර පරිසරයේ තියෙන දේවල් එක්ක ප‍්‍රතිචාරාත්මකව ගනුදෙනු නොකරන බව සැලකිලිමත් විය යුතු තත්ත්වයක්.
උදාහරණයක් විදියට තොටිල්ලට උඩින් එල්ලන විවිධ විවිධ සෙල්ලම් බඩු දිහා දරුවා බලන්නේ නැත්නම් ඒ වගේම අතපය දිගු කරලා මේ සෙල්ලම් බඩු අල්ලන්නට උත්සහ කරන්නේ නැත්නම් අනිවාර්යෙන්ම ඔබ ඒ පිළිබඳව ඉතාමත්ම සැලකිලිමත් විය යුතුයි.
ඒ වගේම දරුවා දිහා දැඩි නිරීක්‍ෂණයකින් කල් ගත කරනව නම් දරුවාට වපරයක් තියෙනවාද යන්න ගැනත් මාස හය වන විට හඳුනාගන්න පුළුවන්. ඇතැම් විට වැඩිහිටියෝ ඒක පිං වපරයක්/ලොකු වෙද්දි ඇරිලා යාවී වගේ උපදෙස් ලබා දුන්නත් ඔබ ගත යුතු හොඳම තීරණය වන්නේ ළමා රෝග විශේෂඥ වෛද්‍යවරයෙකුට එහෙමත් නැත්නම් ළමා අක්‍ෂි රෝග විශේෂඥ වෛද්‍යවරයෙක් වෙතට යොමු වෙලා ඒ තත්ත්වය පිළිබඳ සැක හැර දැන ගැනීමයි.
වයස මාස දහය වගේ වෙද්දී අපේ දරුවෝ දණ ගානවා, බඩ ගානවා. ඉතින් මෙහෙම ඇවිදිද්දී කරද්දී අපේ දරුවෝ දබර ඇඟිල්ල සහ මහපට ඇඟිල්ල යොමු කර බිම වැටිලා තියෙන ඒවා අල්ලන්නේ නැත්නම්, එහෙම නැත්නම් cot එකේ තියෙන පොඩි පොඩි දේවල් අල්ලන්න උත්සහ කරන්නේ නැත්නම් එයත් දරුවගේ පෙනීම ගැන සැලකිලිමත් විය යුතු තවත් එක් අවස්ථාවක්. යම් හෙයකින් මාස 10 විතර වෙද්දිත් ඔබේ දරුවට දබර ඇඟිල්ල සහ මහපට අඟිල්ල එකතු කරලා කුඩා දේ ඇල්ලීම දරුවාට අපහසු නම් අනිවාර්යෙන්ම සැලකිලිමත් විය යුතු බව අමතක කරන්න එපා.
වයස මාස දොළහා එහෙම නැත්නම් අවුරුද්දක් විතර වෙද්දී යම් හෙයකින් ඔබේ දරුවට අත දිගු කරලා ඔහු කැමති ද්‍රව්‍යයකට ප‍්‍රතිචාරයක් දක්වන්නට නොහැකි නම් ඒ වගේම ඔහු කැමති දෙයක් තිබෙනව නම් යම් හෙයකින් අතපය දිගු කරලා එය ඉල්ලීමට අපහසුතාවක් තිබෙනව නම් ඒ වගේම ළ`ගම පවුලේ ඥාතීන් කතා කරන විට මුහුණ දිහා බලලා ඔවුන්ව අ`දුරගන්නේ නැත්නම් අනිවාර්්‍යයනේම එයත් අවධානය යොමු කළ යුතු කාරණාවක් වෙනවා.
ඉහත සඳහන් වූ යම් යම් ගැටළුකාරී තත්ත්වයන් ඔබේ දරුවාගේ පළමු වසර තුළ දැකගන්න ලැබෙනවා නම් ඒ පිළිබඳව සැලකිලිමත් වීම නුවණට හුරුයි.
දරුවාගේ පළමු වසර තුළ මව්පියන් විශේෂ අවධානයක් යෙමු කළ යුතු කරුණු
- ඉපදී පළමු මාසයේ සිට දරුවා ආලෝකය දෙසට ඇස් යොමු කරනවාද?
- දරුවා ඔබේ මුහුණ දෙස හොඳින් බලනාවද?
- මාස දෙක වන විට ඔබ මුහුණ දෙපසට හැරවීමේදී ඔබ දෙසම බලා දරුවා ප‍්‍රතිචාරාත්මකව සිනාසෙනවාද? එවිට දරුවාගේ ඇස් දෙකම එකවර චලනය වේද?
- මාස 6 පමණ වන විට දරුවා විමසිල්ලෙන් අවට බලනවාද? දරුවා අත දිගු කර යමක් ඇල්ලීමට උත්සහ කරනවාද?
- මාස 6 වන විට දරුවාට වපරයක් ඇතැයි ඔබ සැක කරනවාද?
- මාස 10 දී දරුවාට මහපටඟිල්ල හා දබරඟිල්ල ආධාරයෙන් කුඩා ද්‍රව්‍ය අහුලාගැනීමට හැකියාවක් ඇත්ද?
- මාස 12 දී ඔබේ දරුවා නොයෙක් දේවල් දෙසට අත දිගු කොට ඒවා ඉල්ලනවාද? හඳුනන පුද්ගලයෙක් දුටු විට ඔවුන් දරුවාට කතා කිරීමට පෙර දරුවා ඔවුන්ව හඳුනා ගන්නවාද?
අපේ දරුවන් සංවර්ධනයේදී දරුවන්ගේ ගැටලු මුල් අවධියේදිම හඳුනාගෙන ඒවාට නිවැරදි ප‍්‍රතිකාර ක‍්‍රම භාවිත කිරීම ඉතාමත්ම වැදගත් වන බව දෙමාපියන් වන ඔබ සිහියේ රඳවා ගන්න.
විශේෂඥ මතය, අදහස සහ මූලික සටහන:
ආචාර්ය නිමීර වීරරත්න මහතා
භාෂා හා කථන ව්‍යාධිවේදී
පාත් ටු වොයිස් යූ ටියුබ් නාලිකාවේ නිර්මාතෘ
