”චූටි පුතාගේ ඇස් රතු වෙලා..
පන්තියේ කවුරු හරි ළමයෙකුට ඇස් ලෙඩ ඇති. ඉස්කෝලෙ වැඩ පාඩු වෙන නිසා හොඳ වෙන්න කලින්ම අම්මලා ඉස්කෝලෙට දරුවෝ එවනවා. ඒකෙන් හැමෝටම ලෙඩ බෝ වෙනවා.”
- Advertisement -
ප‍්‍රධාන වශයෙන් ස්පර්ෂයෙන් බෝවන එනම් රෝගී අයෙකුගේ කදුළු හෝ කබ නිරෝගී අයෙකුගේ ඇස් මත තැරවීමෙන් ඇති වන ඇස් රෝගයට ප‍්‍රධාන හේතුව වෛරසයක් බව අපි කවුරුත් දන්නවා. ( නමුත් බැක්ටීරියා සහ අනෙකුත් ක්‍ෂුද්‍ර ජීවීන් මගින් ද ඇති විය හැකි අවස්ථා ද තිබිය හැකිය)
ඇස් රෝගයෙන් වැලකෙන්න නම් :
- රෝගය හා බෝවන ආකාරය පිළිබඳ දරුවන් දැනුවත් කරන්න
- අපිරිසිදු දෑත්වලින් දෑස් ඇල්ලීමෙන් වළකින්න
- පොදු ස්ථානයක ගැවසුණු පසු අනිවාර්යෙන්ම දෑත් පිරිසිදු කරන්න
- සැමවිටම හෑන්ඞ් සැනිටයිසර් එකක් අත්බෑගයේ හෝ වාහනයේ තබාගන්න පුරුදුවන්න
- රෝගය සම්පූර්ණයෙන් සුව වනතුරු වැඩිහිටි ඔබ රැුකියාවට යෑමෙන් මෙන්ම දරුවන් පාසැල හෝ ටියුෂන් පන්ති වෙත යැවීමෙන් වළකින්න
- රෝගී අයෙකුගේ පෑන්, පොත් ඇල්ලීමෙන් වලකින්න
- වෙනත් අය පාවිච්චි කළ ටිෂූ කඩාදාසි, ලේන්සු භාවිතයෙන් වළකින්න
- වෙනත් අය භාවිත කළ තුවා, කොට්ට, ඇඳ ඇතිරිලි භාවිතයෙන් වළකින්න
සැළකිය යුතුයි :
- සැමවිටම වෛද්‍ය උපදෙස් අනුව කටයුතු කරන්න
- අත් බෙහෙත් භාවිතයෙන් වළකින්න
- ඇස් රෝගය සාමාන්‍යයෙන් දින 5කින් පමණ සුව වන අතරම සමහරවිට සති දෙකකට වැඩි කාලයක් වුවද පවතින අවස්ථා ද නැතුවාම නොවේ
- රෝගය සම්පූර්ණයෙන් සුවවන තුරු නිවසින් පිටතට නොයන්න
- ඇස්වලට දූවිලි යාම වළක්වා ගන්න
