අපි ආහාර ගැන උනන්දු වුනත් ජලය පානය ගැන නම් ඒ තරම් උනන්දුවක් දක්වන්නේ නැහැ. ඒ නිසා අපි පිපාසය දැනුනොත් මිසක වෙනත් අවස්තාවකදී ජලය පානය කිරීමට යොමු වීමක් නැහැ. ඒ වුනත් අපේ ජීවිතයේ නීරෝගී පැවැත්ම වෙනුවෙන් ජලය පානය කිරීමේ ඇති වැදගත්කම ගැන ඔබ දන්නවාද…?
අපේ රුධිරයේ ප්‍රධාන සංඝටකය ලෙස සැලකෙන ජලය මගින් පෝෂණ ද්‍රව්‍ය සහ ඔක්සිජන් සිරුර පුරා බෙදා හැරීම සිදු වෙනවා.
අපි ගන්නා ආහාර ජීරණයට වගේම මුඛය, ඇස, නාසය වැනි අවයවයන්හි තෙතමනය පවත්වා ගැනීමටත් ජලය ඉතා වැදගත්.
අපේ සිරුරේ අපද්‍රව්‍ය මුත්‍රා සහ දහඩිය ලෙසින් සිරුරෙන් ඉවත් වෙනවා. ඒ නිසා මුත්‍රා පද්ධතියේ ක්‍රියාකාරිත්වයටත් ජලය ඉතා වැදගත්.
අද බොහෝ දෙනෙක් මලබද්ධය රෝග තත්වයෙන් පීඩා විඳින බැව් ඔබ දන්නවා. මෙය දරුවන්ට වගේම පවුලේ වැඩිහිටියන්ටත් පොදු තත්වයක් වී තිබෙනවා. නමුත් ඔබ හොදින් ජලය පානය කරනවා නම් මලබද්ධය වැනි රෝග අපහසුතාවයන්ගෙන් ඉබේටම කිව්වොත් නිවරැදියි.
සාමාන්‍යයෙන් දිනකට ජලය ලීටර් 2. 5 ක් පානය කිරීම සුදුසු බැව් නිර්දේශ වුනත් අපි වැඩිපුර ජලය පානය කළ යුතු අවස්ථාවන් තිබෙනවා.
- හොඳින් දහඩිය දමන උණුසුම් දිනක
- ව්‍යායාමයන්හි නිරත විට
- වැඩියෙන් හිරුරැසට නිරාවරනය වෙන විට
- ඔබ යම් යම් රෝග තත්වයන්ගෙන් පසුවෙනවා නම් වැඩියෙන් ජලය පානය කිරීම වැදගත්. උදාහරණ විදිහට කිව්වොත් වකුගඩු රෝග, මුත්‍රා සහ වකුගඩු පද්ධතිය ආශ්‍රිත රෝග තත්වයන්ගෙන් පසුවෙනවා නම් සාමාන්‍ය පුද්ගලයෙකුට වඩා වැඩි ප්‍රමාණයකින් හෝ වෛද්‍ය උපදෙස් අනුව ජලය පානය කිරීම වැදගත්.
- විදුලි පංකා යට සිටින විට
- වායුසමීකරණ පරිසරයක සිටින විට
- දැඩි සුලං තත්වයකට නිරාවරනය වන විට
- උන රෝග තත්වයකදී
- පාචනය වැනි රෝග තත්වයකදී
ක්‍රිඩා කරන විට ජලය පානය කිරීම…
ක්‍රිඩාවන්හි නිරත වෙන ක්‍රිඩකයෙකු විසින් නියමිත ප්‍රමාණයට ජලය පානය කිරීම ඉතා වැදගත්. ක්‍රියාකාරකම් ආරම්භ කිරීමට පැයකට පෙරාතුව ජලය මිලි ලීටර් 500 ක් පානය කිරීම සහ එ් අතරතුර සෑම ක්‍රියාශීලී මිනිත්තු 15 කට වරක් ජලය මිලි ලීටර් 250 බැගින් පානය කිරීම වැදගත්.
ඔබ පානය කළ යුතු ජලය ගැන මිනුමක් ලබා ගැනීමට නම්…
ජලය පානය ගැන කියන විට එය පුද්ගලයාගෙන් පුද්ගලයාට වෙනස් වෙන්න පුලුවනි. බොහෝ විට එය පුද්ගලයාගේ බර පිලිබඳ සාධකය මත රඳා පවතිනවා. ඒ නිසා ඔබේ ශරීර බර කිලෝග්‍රෑම් වලින් මනින්න. ඒ ලැබෙන අගය 0.003 න් ගුණ කරන්න. දැන් ලැබෙන පිළිතුර මගින් ඔබ දිනකට පානය කළ යුතු ජලය පිලිබඳව මිණුම ඔබටම ලැබේවි.
තවත් සරල ලෙස කිව්වොත්…මේ විදිහටයි.
උදාහරණයක් ලෙස ඔබේ සිරුරේ බර කිලෝග්‍රෑම් 70 ක් යැයි සිතන්න. දැන් ඒ අගය 0.003 න් ගුණ කරන්න. ඔබ දිනකට ජලය ලීටර් 2. 31 ක් පානය කිරීමට අවශ්‍ය බැව් දැන් ලැබී ඇති පිලිතුර මගින් ඔබට දැණුම් දෙනවා.
ජලය වෙනුවට ආදේශක නැතිද….?
නමුත් හොඳම පානය ජලය බව අමතක කරන්න එපා. ජලය වෙනුවට තැඹිලි වතුර, සුප් පළතුරු යුෂ, කැඳ වැනි ආදේශක භාවිතා කරන්න පුලුවනි.ඒ වුනත් හැකි හැම විටම පිරිසිදු පානීය ජලය වෙනුවෙන් වැඩි අවධානයක් ලබා දීම වැදගත්.ඒ හැර කාබනීකෘත බීම, පැනි බීම ජලය වෙනුවට ගත හැකි විකල්ප පාන වර්ග නොවන බවත් තරයේ මතක තබා ගන්න.
වතුර ගෙනියන්න බෝතලයක්…
අපට දැන් මේ ගැනත් යම් යම් ගැටලු තිබෙනවා. ගමනක් යන විට බොහෝ අය බෝතල්කළ ජලය පානයට උනන්දු වුනත් එතැනත් පුංචි ගැටලුවක් තිබෙනවා. මේ බෝතල් පානයෙන් පසුව පහසුවෙන් ඉවත දමන්න පුලුවන් වුනත් බෝතල් ගබඩා කර තබන පරිසරයේදී අව් රශ්මියට නිරාවරනය වුනොත් එය අහිතකර අන්දමින් බලපාන්න පුලුවනි.
වානේ බෝතල් ගැන…
වානේ බෝතල්වලත් ජලය ගබඩා කිරීම එතරම් සුදුසු නැහැ. ඊට හේතුව ඇලුමිනියම් ආලේපනය අපේ ශරීර සෞඛ්‍යට යෝග්‍ය නැති බවට විවිධ අධ්‍යනයන් මගින් කරුණු සොයා ගෙන තිබෙනවා.
වීදුරු බෝතල් සුදුසුද..?
ජලය ගබඩා කර ගැනීමට වීදුරු බෝතල් සුදුසුයි. මේ වීදුරු බෝතල්වලින් ලැබෙන වාසි කීපයක්ම තිබෙනවා.
- පිරිසිදු කිරීම පහසුයි.
- නැවත නැවත ජලය අසුරා ගෙන පාවිච්චි කරන්න පුළුවනි.
නමුත්..පුංචි ගැටළු කීපයක් තිබෙනවා..
පුංචි දරුවෙකුට වීදුරු බෝතලය රැගෙන යෑම අපහදුයි. බර දරා ගැනීමට නොහැකි නිසා පුංචි ගැටලුවක් තිබෙනවා. ඒ වගේම උණුසුම් ජලය නිසා බෝතලය පුපුරන්න පුලුවනි.
එහෙමනම් නිර්දේශ කරන බෝතල් මොනවාද…?
ජලය ගබඩා කරන බෝතල් ගැන කිව්වොත් ඇතුලත හා පිටත මල නොබැඳෙන වානේ බෝතල් නැවත නැවත පාවිච්චි කිරීමට පුලුවනි.ඒ වගේම උණුසුම් වතුර වුනත් දැමීමට හැකියාවක් තිබෙන නිසාත්, රැගෙන යෑමේ පහසුව වැනි කරුණු කීපයක් නිසා මිලදී ගැනීමේදී වැඩි මිළක් ගෙව්වත් කාලයක් පාවිච්චි කිරීමට හැකියාවක් තිබෙනවා.
ජලය පානය කිරීමට දවසේ ඕනෑම වේලාවකදී පුළුවනි.
බොහෝ දෙනා රාත්‍රි කාලයේදී විටින් විට මුත්‍රා කිරීමට සිදු වෙන නිසා හවස් කාලයේ වතුර බීමට කැමැති නැහැ. ඒ වුනත් ඔබට දවසේ ඕනෑම වේලාවක ජලය පානය කිරීමට කිසිම බාධාවක් නැහැ. හිස්බඩම ජලය පානය කරන්න. නින්දට පෙරාතුව, ස්නනායට පෙර, පරිගණකය සමග කටයුතු කරන විට වගේම රූපවාහිනිය නරඹන විට ජලය පානය කරන්න.
විශේෂඥ මතය, අදහස සහ මූලික සටහන:
ජ්‍යෙෂ්ඨ වෛද්‍ය නිලධාරී රවින්ද උඩගමගේ මහතා
ගම්පහ දිස්ත්‍රික් රෝහල
