දරුවන්ගේ වර්ධනය හා සංවර්ධනයට මූලිකම වූ සාධක ලෙස පෝෂණය, ආරක්‍ෂාව, රැකවරණය, සනීපාරක්‍ෂක පහසුකම් මෙන්ම පංච ඉන්ද්‍රියයන් සඳහා ලබාදෙන උත්තේජනයන් වැදගත් වේ. වර්ධනය ක්‍රියාවලිය වනාහී බොහෝ සේ පෝෂණය මතම රඳා පවතින්නක් වුවද අනෙකුත් සියලු ක්‍රියාවලීන්ගේ බලපෑම පෝෂණයට තදබල ලෙස බලපානු ලබයි. එසේ සිදුවන්නේ අනෙකුත් ක්‍රියාවලි හරහා සුදුසු ආහාර පමණක් ලැබීම ප්‍රමාණවත් නොවී ආදරය, කරුණාව හා රැකවරණය මුසු වූ පරිසරයක් තුල ලබාදෙන ප්‍රතිචාරාත්මක ආහාර ලබාදීමම මීට හේතු වීමයි. එසේ හෙයින් වර්ධන ක්‍රියාවලියේදී දරුවකුගේ සියළු අවශ්‍යතා සැපයීම මඟින් වර්ධනය ප්‍රශස්ත මට්ටමකට ලඟා කරගත හැකියි.
දරුවකුගේ අත්, පා, නිය, දත් ද කෙස් ද ශරීරාංග අතර දක්නට ඇතිවා මෙන්ම මේ සියල්ලද දරුවාගේ ජීවිතයට බලපෑම් එල්ල කල හැකි තත්ත්වයක පවතී. එසේ වන්නේ අත්වල පිරිසිදුකම වගේම පාද මඟින්ද, නියපොතු මෙන්ම දත් වලින් පෝෂණයට බලපෑම් එල්ල කල හැකිවා මෙන්ම ඒවායේ මනා පැවැත්මක් නොතිබුණහොත් එය රෝගී තත්ත්වයකට මඟපාදන කරුණක්ම විය හැකි වීමයි.
ඒ අයුරින් කොණ්ඩය ගත් කළ හිසේ සමට ආරක්‍ෂාව සපයනවා මෙන්ම පෞරුෂයට බලපෑම් එල්ල කල හැකි ලෙසින්ද මෙය හේතුවක් විය හැකියි. එසේ වන්නේ හිසේ පවිත්‍රතාවය මෙන්ම පිළිවෙළ ආදී ගුණාංග මෙන්ම ක්‍රියාශීලී ජීවිතයකදී එය බලපාන අන්දම අනුවයි. එසේ හෙයින් කුඩා කල සිට කොණ්ඩය වැවීම කෙලින්ම වර්ධනයට බලපෑම් එල්ල කරනුයේ එහි සනීපාරක්‍ෂාව මෙන්ම එය අනෙකුත් ක්‍රියාකාරීත්වන්ට දක්වන සම්බන්ධතාවය මතයි.
කුඩා දරුවාට කොණ්ඩය තනිව නඩත්තු කරගත නොහැකියි – කුඩා කලදී කොණ්ඩය වැවීමේදී එය නඩත්තු කිරීම කුඩා දරුවාට කල නොහැකි හෙයින් එය දරුවාට වදයක් කරදරයක් විය හැකියි. එසේම ක්‍රියාශීලී දරුවන්ට නිතර දහදිය දමන හෙයින් කෙස් සමඟ දහදිය රැඳී දුඟද හැමීම, ඉස්හොරි මෙන්ම සත්කාරයේ දුර්වලතා නිසා එය දරුවාට කරදරයක් විය හැකියි. එසේ හෙයින් දිගු කොණ්ඩය දරුවාගේ ක්‍රියාකාරීත්වයන් වලදී මෙන්ම සෞඛ්‍යයේදී ද තර්ජනයක් ඇති කල හැකියි. කුඩා දරුවන්ගේ ක්‍රීඩා ජීවිතයටද එය කරදරයක් විය හැකියි.
දරුවාට තනිව කොණ්ඩය හසුරුවා ගැනීමට අපහසුයි – දහදිය දැමීම, දහදිය රැඳීම මඟින් සහ පිරිසිදු කිරීමේ ක්‍රියාවලියේදී ද කොණ්ඩය දිගට තැබීම දරුවාට කරදරයක් මෙන්ම අපහසුතාවක්ද විය හැකියි. දරුවාට තනිවම කොණ්ඩය හසුරුවා ගැනීමට අපහසුවීම මඟින් ද ඇතිවන නොරිස්සුම හේතු කොටගෙන එය දරුවාගේ වර්ධනයට බාධාවක් විය හැකිය.
උකුණන් බෝවීම – උකුණන් බෝවීම, හිස්සොරි වැනි දිලීර අසාධන වලදී දිගු කොණ්ඩය පවතින දරුවන්ට මේවා සඳහා ප්‍රතිකාර ලබාදීමට මහත් වෙහෙසක් දැරීමට සිදුවෙනවා. ඒවගේම කාලය ගතවීමත් වැඩියි. එසේම නිතර හිස කැසීම නිසාත්, උකුණන් කෑම නිසා මෙන්ම දිලීර ආසාදන තත්ත්ව වැඩි වුවහොත් තුවාල ඇතිවීමට පවා හේතුවක් විය හැකි හෙයින් එය දරුවාගේ සෞඛ්‍යයට මෙන්ම වර්ධනයටද බලපෑමක් එල්ල කල හැකියි. අධ්‍යාපනය ලබන දරුවකු නම් මෙය කරදරකාරී තත්ත්වයක් විය හැකියි. එසේම නිතර ඔළුව කැසීමට සිදුවීම මඟින් අවධානය නිසි පරිදි පවත්වා ගැනීමට අපහසු වීම මඟින් මතක තබාගැනීමට බැරි වීම මෙන්ම ගුරුවරුන්ගේ දෝෂාදර්ෂණයට පවා දරුවන් ලක්විය හැකියි.
එහෙත් මෙසේ වන්නේ කුඩා කල සිටම කොණ්ඩය වැවීම පිළිබඳව නිසි අවධානයක් නොමැතිව හා අපිළිවෙලට, අක්‍රමවත් ලෙස කටයුතු කරන අවස්ථාවන් වලදීයි.
කුඩා කල සිට දරුවකුගේ කොණ්ඩය වැවීමට ඔබ තීරණය කරනු ලැබුවහොත් ඒ සඳහා තීරණය ගනු ලැබු දිනයේ සිටම ඒ සඳහා ක්‍රමානුකූල පිළිවෙතක් අනුගමනය කිරීමෙන් මේ වර්ධනය අඩාල වීමේ ක්‍රියාවලිය වළකා ගත හැකියි.
ඒ සඳහා පූර්ව සූදානමක් පැවතීම ඉතා වැදගත් වේ. එසේ හෙයින් කොණ්ඩය වැවීම පිළිබඳව දරුවා දැනුවත් කිරීමත් ඒ අනුව කොණ්ඩයට නිසි පරිදි පෝෂණ සත්කාරයන් කිරීමත් වැදගත්ය.
දිනපතා සුදුසු පරිදි සෝදා පිරිසිදු කිරීම, දරුවාගේ එදිනෙදා ක්‍රියාකාරකම් වෙත බාධා නොවන ලෙසින් කොණ්ඩය සකස් කිරීම මුල සිට සිදු කිරීම තුලින් දරුවාද ඊට හුරු වෙනවා. බෙල්ලට, ඇස් වලට කරදරයක් නොවන ලෙස කොණ්ඩය සකස් කිරීම මඟින් එය දරුවාට පරිහරණය කල හැකි දෙයක් බවට අවබෝධ වෙනවා. එසේම තනිව කරගත නොහැකි හෙයින් සෝදා පිරිසිදු කරගැනීමට උදව් කිරීමත් වියළිව තබාගැනීමේ වැදගත් කමත් දරුවාට කියාදීම වැදගත් වෙනවා.
සතුන් බෝවීමට හෝ ඉස්සොරි ඇති වීමට ඉඩකඩ ඇති නොවන ලෙසින් කොණ්ඩය සඳහා සනීපාරක්‍ෂාව මෙන්ම පෝෂණ සත්කාර සැපයීමත්, එවන් කරදරකාරී තත්ත්වයකට මුහුණදීමට සිදුවුවහොත් එය ඉක්මණින් ප්‍රතිකාර කර යථා තත්ත්වයට පත්වීමට කටයුතු කිරීම මඟින් කරදර අවම කරගත හැකියි.
ඕනෑම කරුණකදී ධනාත්මකව ඇති කරන චින්තනය බාධාවන් ජයගැනීමට හේතුවක් වනවා මෙන්ම එය ප්‍රායෝගිකව ජීවිතයට ලඟා කරගැනීම තුලිනුත් අභියෝග සඳහා ශක්තියක් ලැබෙනවා. ජීවිතයේ බලාපොරොත්තු අධිෂ්ඨාන සඳාහ එය මහත් උපකරායක් වනවා. එසේ හෙයින් ඕනෑම ක්‍රියාවලියකදී ආරම්භයේ සිටම පවතින සැලසුම, පැහැදිලි නිරවුල් ක්‍රමවේද මඟින් කටයුතු පහසු කර ගැනීමට හැකිවෙනවා. ඒ නිසා කුඩා කල සිට කොණ්ඩය වැවීම සිදු කිරීමත් නිවැරදි සෞඛ්‍යාරක්‍ෂක සනීපාරක්‍ෂක ක්‍රමවේද වලට අනුකූලව සිදු කරන්නා සේම එය සකස් කිරීමේදී ප්‍රියමනාප බවට, පෞරුෂයට යහපත් බලපෑම් එල්ල කල හැකි වෙනවා. එසේම ඒ සඳහා ක්‍රියාශීලී දෙමාපිය මැදිහත් වීමත් දරුවාගේ ක්‍රියාවනට පහසුව සැලසෙන සේ පිළිවෙලකට කොණ්ඩය සැකසීමත් තුලින් මේ අභියෝග ජයගත හැකිවා මෙන්ම දරුවා මේ කරුණු කෙරෙහි දැනුවත් කරමින් කරන කටයුතු දරුවාගේ වැඩකටයුතු කිරීමේදී අපහසුවකින් තොරව කරගැනීමට දරුවාට හැකිවෙනවා.
මෙසේ හෙයින් වඩාත් සාර්ථක වන්නේ අවබෝධයකින් සිදු කරන කටයුතුයි. එසේම ඕනෑම කටයුත්තක ඇති සැබෑ උනන්දුව හා පිළිවෙල මඟින් ඇතිවන අතුරු ආබාධ ජයගත හැකිවනවා මෙන්ම කාර්යයකට මැදිහත් වන ස්වභාවය අනුව එහි හොඳ නරක ප්‍රතිඵල අත් විඳීමට හැකිවනවා.
විශේෂඥ මතය, අදහස සහ මූලික සටහන:
අයිරාංගනී ගගලගමුව
පවුල් සෞඛ්‍ය සේවා නිළධාරීනි
සෞඛ්‍ය වෛද්‍ය නිලධාරී කාර්යාලය
බුලත්සිංහල
