ලෝකය පුංචි ගම්මානයක් බවට පත් වීමත් සමග එදා දෙමව්පියන්ට වඩා දරුවන්ගේ දෙනෙතට ලෝකය පෙනෙන්න වුණා. ඒ නිසාම ඔවුන් අධ්යාපනය, රැකියාව එහෙම නැත්නම් පදිංචිය වෙනුවෙන් විදේශගත වෙද්දී දෙමව්පියන් අපේ රටේ තනිවීමේ ශෝකාකූල තත්වය අද පොදු ගැටලුවක් බවට පත්ව තිබෙනවා. ඒ වුනත් කවා පොවා ඇති දැඩි කල මේ කුරුලු පැටවු රටෙත් නැතුව විදේශගත වුනාම මව්පියන් අසරණ වෙනවා. ඒ කියල දරුවන් තමන්ගේ තීරණ වෙනස් කරන්නෙත් නැහැ. දෙමව්පියන්ට ඔවුන්ගේ තීරණ වෙනස් කිරීමට හැකියාවක් ඇත්තෙත් නැහැ. ඒ වුනත් අපේ දුව..පුතා අහවල් රටේ කියල තවත් කෙනෙක් සමග කියල සතුටු වීම හැර වෙනත් කිසිම තෘප්තියක් අද කාලයේ දෙමව්පියන්ට නැහැ.
ඒ අතරම අතීතයේ දරුවන් සමග ගත කළ මිහිරි අතීතය ගැන හිත හිතා ආත්මීය ශෝකයට පත් වෙන අතරම සුන්දර අනාගතයක් නොමැතිවීම නිසා පසුතැවෙන්න පටන් ගන්නවා. මේ නිසාම අද බොහෝ වැඩිහිටි දෙමව්පියන් මානසිකව ඩිමෙන්සියා අැල්සයිමර් වැනි රෝග තත්වයනගේ ගොදුරු බවට පත්ව සිටිනවා. නමුත් වැඩිහිටියන්බවට පත් වෙන විට ජීවිතය මේ විදිහට සැලසුම් කළොත් අපහසුවෙන් වුනත් මානසිකව නීරෝගීව සිටින්නට හැකියාව ඔවුන් උපයා ගනීවි.
වයසට යන බව සිතන්න
ජෛව විද්යාත්මකව වියපත්වීම මට පමණක් නොව හැම දෙනාටම සිදු වෙන පොදු ධර්මතාවයක් බව සිතන්න. දරුවන් වියපත් වීම සමග ඔවුන් කැදැල්ල හැර පියා යෑමේ සාමාන්ය තත්වය නොවලැක්විය හැකි හේතුවක් නිසා ඒ වෙනුවෙන් කල් තබාම හිත සූදානම් කර ගන්න.
ගැටළුවක් ඇත්නම් කා සමග හෝ කතා කරන්න
බොහෝ දෙනෙක් තමන්ට ඇති ප්රශ්න දරා ගෙන සිටිනවා විනා කිසිම කෙනෙකුට ඒ ගැන කීමට මැලියි. මේ දරා ගැනීම එතරම් සුදුසු නැහැ. දරා ගැනීමට අපහසු ගැටළුවක් ඇත්තේ නම් ඒය කා සමග හෝ කියා හිත නිදහස් කර ගන්න. දරුවන් අසල නොමැති නම් ඔබට හිතවත් පවුලේ කවුරු හෝ හිතවතෙක් සමග මේ ගැටලුව කියා ඒ වෙනුවෙන් කිසියම් සහනයක් ලබා ගන්න.
උදව් ඉල්ලා සිටින්න
වියපත්වීම සමග හව්හරන පිලිබඳව ඇති වෙන අවශ්යතා බොහෝ තිබෙනවා. එවන් අවස්ථාවන්හිදී තමාට ලැදි කෙනෙකුගෙන් උදව්වක් ඉල්ලා සිටීමට පසුබට වෙන්න එපා. අවශ්ය අවස්ථාවකදී අවශ්ය පුද්ගලයෙකුගෙන් උදව්වක් ඉල්ලා සිටීම එතරම් ගැටලුවක් නොවේ. එහෙත් උදව් නොඉල්ලා සිටීමෙන් මේ ගැටලුව බරපතල ගැටලුවක් බවට පත් වීම තිබෙන ඉඩ කඩ විශාලය.
තවත් අයට සලකන්න
අනුන්ට උදව් කිරීම වියපත්බව අමතක කරන ක්රියාවක්. ඔබ තවත් කෙනෙකුට උදව් කිරීම නිසා ලබන සතුට ඔබේ ජීවිතයට බොහෝ සේ ආශිර්වාදයක් විය හැකියි. ඒ නිසා හැකි හැම විටම සුලුවෙන් හෝ තවත් කෙනෙකුට උදව්වක් උපකාරයක් කරනන්. එයින් ඔබේ ජීවිතයට විශාල ආලෝකයක් ලැබෙනු ඇති.
සමාජ සේවාවන්ට යොමු වෙන්න
දැන් ඔබේ කැදැල්ල හිස් බව ඇත්ත. ඒත් මේ හිස් වුන කැදැල්ල ගැන නොසිතා සමාජ සේවාවන්ට යොමු වෙන්න. එතැනින් ඔබට තවත් සමාජයක් ගොඩ නගා ගත හැකියි. සමාජ සත්කාර නිසා ලබන සතුට මනසේ නිරෝගීතාවයටත් හේතු විය හැකියි. අද විවිධ අධ්යනයන් මගින් පවා හඳුනාගෙන ඇති අන්දමට වියපත් පුද්ගලයන් සමාජ සත්කාර කටයුතුවල යෙදීම ඔවුන්ගේ මානසික නීරෝගීතාවයට හේතු වෙන අතර එහි අතුරු ප්රතිඵලයක් වශයෙන් ආයුෂ පවා දිගු විය හැකි බව දැන් තහවුරුව තිබෙනවා.
ක්රියාශීලි වෙන්න
“මට මහලු වයසේ කිසිම දෙයක් පෙර සේ…” බැරි බවට මානසිකත්වයක් ගොඩ නගා ගෙන අලසව ජීවිතය ගත කිරීම ඔබ රෝගී පුද්ගලයෙක් බවට පත් කරන ඇති. ශාරිරිකව රෝගී වීමට වඩා මානසිකව රෝගී තත්වයට පත් වීම බරපතල ගැටලුවලට මුල පුරන බැවින් හැම විටම ක්රියාශීලී වෙන්න. නිවස අතුගෑම, මිදුල ඇමදීම, මල්පැල සිටුවීම වැනි ව්යායාම ලැබෙන කටයුතුවල යෙදීමෙන් සිරුරේ විවිධ රෝගාබාධයන් ඇති විය හැකි අවදානමෙන් ඔබ නිදහස් වෙනු ඇති. අක්රියශීලී ජීවිතය නිසා රුධිරගත අහිතකර කොලස්ටරෝල් වැඩි වෙන අතර රැදිරගත සීනි වෙනුවෙන්ද බලපානු ඇත. සිරුරේ ගොඩ නැගෙන මේ තත්වය නිසා හදවත් රෝග සංකුලතාවයන්,දියවැඩියාව, තරබාරුව, අක්මාරෝග, වකුගුඩු ආබාධ වැනි රෝග තත්වයන්ගේ ගොදුරක් නොවීමටත් වග බලා ගන්න.
තමන්ගේ ආරක්ෂාව තමන් සලසා ගන්න
වියපත් වීම සමග පුංචි අනතුරකින් පවා ජීවිතය එක්තැන් වෙන්න පුලුවනි. මේ නිසා තමන්ගේ ආරක්ෂාව ගැන වැඩියෙන් හිතන්න. කෙසල් පොතු වැනි ලිස්සන දේ ගැන අවධානය දක්වනන්. පඩිපෙලක නගින විට අත්වැල අල්ලා ගෙන යන්න. අදුරේ අතපාත ගානවාට වඩා විදුලි පන්දමක් හෝ වැනි දරුණු තත්වයන්ට මුහුණ දීමට සිදු වෙනු ඇති.
සැහැල්ලුවෙන් ඉන්න
හිත ලෙඩ වුනොත් එයින් ඇති වෙන අතුරු ආන්තරාවන් අවසානයක් නැත මේ නිසා නිතරම හිත සැහැල්ලුවෙන් සිටීමට නම් ආගමික වතාවත්, භාවනා වැනි ආධ්යාත්මික ශාන්තිය ගෙනෙන කටයුතුවල නිරත වෙන්න.
සතුට ලැබෙන දේ කරන්න
සතුට ලැබෙන දේ මේ යැයි කිසිම කෙනෙකුට ලැයිස්තුවක් ඉදිරපත් කිරීමට බැහැ. ඒ වුනත් ඔබට සතුට ලැබෙන්නේ කුමකින්ද යන්න ඔබට තේරෙනවා ඇති. ඇතැමෙක් පොත් පත් කියවීමෙන් සතුට ලබන අතර තවත් කෙනෙක් ඇදුමක් මැසීම, ඉවුම් පිහුම්, පත්තර බැලීම, ගෘහස්ථ ක්රිඩාවක යෙදීම වැනි විවිධ කටයුතු වලින් සතුට ලබනු ඇත. එසේ ඔබට හිතට සතුටක් ලැබෙන දෙයක් වේ නම් ඒ වෙනුවෙන් යොමු වෙන්න. සතුට ඇත්තේ එතැනය.
මේ අන්දමින් අනේ අපේ නිවස හිස් වුන හැටි කියමින් ලතනොවි නිවස හිස් වුනත් ඔබ පිරුණ මනසකින් යුක්ත පුද්ගලයෙකු ලෙසින් ජීවිතයට මුහුණ දෙන්න.
උමන්දා මුතුකුඩආරච්චි මොරටු විශ්ව විද්යාලයේ ඉංජිනේරු උපාධිධාරිනියක්. බහුජාතික සමාගම් දෙකකම ඉහල රැකියාවන් වල නිරතව අත්දැකීම් පරිපූර්ණව සිටි ඈ, ඊටත් වඩා උතුම් වූ රාජකාරියක් සඳහා ඇගේ වෘතියෙන් සමුගත්තා. ඒ නම්, පූර්ණකාලීන මවක් වීමේ අරමුණෙන්. දැන් ඇය පුතුන් දෙදෙනෙකුගේ මවක්. ඊට අමතරව ඇය නිවසේ සිට පවත්වාගෙන යන ඇගේම ව්යාපාරයක හිමිකාරිනියක්. ඇගේ ව්යාපාරයේ Facebook පිටුවට මෙතනින් පිවිසෙන්න www.facebook.com/aumjewellery .
