නදිනිට ගෙවී ගිය රාත්‍රිය පුරාවට නින්ද හරි ලැබුණේ නැත. හිමිදිරියේම අවදි වූ ඇය ගර්භණීත්ව පරික්ෂණ තීරුවත් ගෙන ලහි ලහියේම නාන කාමරය වෙත පිය නැගුවාය. ඇගේ හදවත වේගයෙන් ස්පන්ධනය වෙයි.ගතම සීතලව ගොස්ය. ඇයගේ සිහිනය ඉටු කරමින් ගර්භණීත්ව පරික්ෂණ තීරුවේ දක්වා ඇති ඉරි දෙකම රතු පැහැගැන්විනි. කියාගත නොහැකි ප්‍රීතියකින් ඇය කවිශ්ක වෙත දිව ගියාය.
“නැගිටින්න, නැගිටින්න”
“ඇයි නදිනි මොකද මේ පාන්දරම ?”
“මේ බලන්න මේ , පුංචි පැටියෙක් ඇවිත් අපි ළඟට”
සතුටින් වෙව්ලමින් නදිනි වදන් ගොනු කලාය.කවිශ්ක ආදරයෙන් නදිනිගේ නළලත උණුසුම් හාදුවක් තැවරීය.
ජීවිතේ මෙතරම් සුන්දරදැයි යැයි නදිනිට සිතුනි. ලොව දැරිය හැකි වටිනාම කිරුළට උරුම කම් කියන්නට කවිශ්කටත් තමන්ටත් හැකිවීම පිළිබඳ නදිනි දෙනෙත් පියාගෙන්ම සතුටු වූවාය. නදිනිත් කවිශ්කත් දෙදෙනාම රැකියා වල නිරත විය.
“ගුඩ් මෝනිග් නයෝමී”
“මෝනිග් ”
“ඇයි අනේ මොකද්ද ප්‍රශ්නේ ඔයා මේ දවස් ටිකේම හිතේ කරදරෙන් වගේ නේද ඉන්නේ?”
“ඔව් අනේ මට තේරෙන්නේ නැහැ නදී කොච්චර හම්බ කරත් මදි. පුතා හම්බ වෙන්න ගියේ ප්‍රයිවට් හොස්පිට්ල් එකකටනේ ඉතින් වියදම් සේරම ගෙව්වේ ක්‍රෙඩිට් කාඩ් එකෙන්. නොහිතපු වියදමුත් ගියානේ. කොහොම හරි වෙලාවට ගෙවා ගන්න බැරිව පොළියත් එකතු වෙලා. ඒ මදිවට ලබන මාසේ ඉන්න ගෙදර කුලිය අලුත් කරන්නත් ඕනී. බබා බලාගන්න එක්කෙනාටත් ගෙවන්න ඕනී. මන්දා නදී මොනවා කරන්නද කියලා.”
“ඇයි ඉතින් ඔයා ප්‍රයිවට් හොස්පිට්ල් එකකටම ගියේ. යන්න කලින් යන වියදම් එහෙම බැලුවෙ නැද්ද? ”
” කලින් යන වියදම් ගැන බැලුවෙ නැහැනේ, අනවශ්‍ය වියදම් හරියට වුණා”
“ඒ කියන්නේ?”
“ඇයි අනේ අපි කුලියට ඉන්න ගෙදර ඒ තරම් ඉඩ කඩක් නැති නිසා සෑහෙන්න ගානක් දීලා ගත්තට කොට් එක අරගෙන මාස තුන හතරකින් ගලවලා දැම්මා. ඒකට විදයම් වුන සල්ලි ගේ මුල්ලක. අනික ආසාවටත් එක්ක මම බබාට ඇඳුම් ,සපත්තු ගත්තා. බාගෙට බාගයක් අන්දන්න කලින් පැටියා ලොකු වෙලා. ඔයා නම් අනවශ්‍ය වියදම් කරන්න එපා.”
“ඒක නම් ඇත්ත නදිනි. වියදම් කරන තරම් ලේසී නැහැ හම්බ කරන්න. අනික අපි මාස් පඩිකාරයෝ. ඔයා සේරටම ඉස්සර වෙලා තීරණය කරන්න බබා ලැබෙන්න යන්නේ පෞද්ගලික රෝහලකද රජයේ රෝහලකද කියලා. “රන්දිමත් ඔවුන්ගේ කතා බහට එක් වුණා.
“ඔව්, මොකද දන්නවද රජයේ රෝහලක නම් හැම දේම නොමිලේ වුණාට පෞද්ගලික රෝහලක පැනඩෝල් පෙත්තේ ඉඳලා හැමදේටම සල්ලි ඕනී. සමහර වෙලාවට හදිසියෙවත් බබා ලැබෙන්න ඉන්න කාලේ රෝහල්ගත වෙන්න වුණොත් කොච්චර මුදලක් යනවද කියලත් බලන්න ඕනී. මට මාස හතේදී බබා දඟලන්නෙනැතිව ඇඩ්මිඩ් වුණ වෙලාවෙත් සෑහෙන්න ගානක් ගියා. ”
“ඒක නම් ඇත්ත අපේ අක්කා කෙනෙකුත් සාමාන්‍ය දරු ප්‍රසූතියක් කියලා අවසාන මොහොතේ බබා හිරවෙලා කියලා සිසේරියන් සැත්කමක් කරලා තමයි බබා ගත්තේ. එයාලා සල්ලි ලෑස්ති කරගෙන තිබිලා තියෙන්නෙත් සාමාන්‍ය දරු ප්‍රසූතියකට නිසා අවසානේ හිතුවට වඩා වියදමක් ගියා. ඒක නිසා කොයිකටත් වැඩිපුර ගානක් අතේ තියාගෙනම තමයි ඉන්න ඕනී.”
කොහොම හරි නයෝමීගෙ මුල්‍ය අර්බුද නිසා නදිනිටත් තම දරු ප්‍රසූතියේදී ගත යුතු වැදගත් තීරණ කිහිපයකටම නිරායාසයෙන්ම පිළිතුරු ලැබුණා.
“නදී ”
“හ්ම් ”
“ඩොක්ටර් කෙනෙක් ළඟට යන්න ඕනී නේද?”
“ඔව් අපි රජයේ රෝහලකට යමු.”
“ඇයි ? අපි බබා ලැබෙන්න ප්‍රයිවට් හොස්පිටල් එකකට යමු.”
“ඒත් අපිට ලොකු වියදමක් දරන්න බැහැනේ කවී.”
“ඇයි මගේ ඔෆිස් එකෙන් ඉන්ෂුවරන්ස් කරලනේ තියෙන්නේ. එතකොට ඒකෙන් වියදම ගෙවනවා.”
“එකත් එහෙමද එහෙනම් කමක් නැහැ, දන්නෙම නැහැ ඔෆිස් එක ළඟටම ඇවිත්. මම යනවා පරිස්සමින් යන්න කවී. බුදුසරණයි.”
“බුදුසරණයි නදී”
කවිශ්කගෙන් සමුගත් නදිනි කාර්්‍යාගය වෙත පිය නැගුවාය.
“ආ නයෝමී අද උදේම ඇවිත් ”
“ඔව් අනේ අද ටිකක් වේල පහ ආවා. ආ ඔයාට මම බඩුවක් හදාගෙන ආවා.”
“ම්… ම් සුවඳේ බැහැ, පොළොස් නේද?”
‘ඔව් ,රොටිත් එක්ක”
“යමුද කන්න. අන්න රන්දිත් එනවා”
තිදෙනාම කාර්්‍යාලයේ කෑම කාමරය වෙත පියනැගුවෝය.
“කොහෙටද නදී බබා ලැබෙන්න යන්නේ?”
“තවම ගියේ නැහැ . කවිශ්ක නම් කියනවා ඉන්ෂුවරන්ස් එක තියෙන නිසා ප්‍රයිවට් යමු කියලා”
“ආ මම හිතන්නෙ සාමාන්‍ය දරු ප්‍රසුතී වලට ගෙවන්නෙ නැහැ, සමහර ඒවයේ සියයට ගානක් ගෙවන්නේ එක නිසා ඒක නිසා ඉන්ෂුවරන්ස් කවරේජ් එක කොහොමද කියලා බලලම තීරණය කරන්න.”
“ඔව් සමහර ඉන්ෂුවරන් කවරේජ් වලදී වෛද්‍ය ගාස්තු ස්කෑන් පරික්ෂණ ලේ පරික්ෂණ මුත්‍රා පරික්ෂණ වලට යන මුදලත් ගන්න පුලුවන්.”
“ඔයා ඒක කියපු එක හොඳයි මම දැනගෙන හිටියේ නැහැ ඒ බවක්”
“බබාට බඩු ගනිද්දි එකම තරමේ ඇඳුම් ගන්නත් එපා. එක එක සයිස් වලින් ගන්න. අනික බඩු ගන්න යන්න කලින් අවශ්ය බඩු ලැයිස්තුවක් හදාගෙනම යන්න. නැත්නම් ඔය ලස්සන ලස්සන දේවල් දැක්කම ගන්න හිතෙනවා. ඒවා ගත්තට පස්සේ ඒවයෙන් ප්‍රයෝජනයකුත් නැහැ.”
“දැන් අනේ හැම එකටම ඉන්ටනෙට් තියෙන්නේ. පොඩි සර්ච් පාරක් දැම්මම පුලුවන් ගණන් ගැන දැන ගන්න. දැන් ඇණවුම් කරලා බඩු ටික ගෙදරටම ගෙන්න ගන්නත් පුලුවන්නේ.”
“ආ… කටිටිය වැඩ පටන් ගන්න අදහසක් නැහැ වගේ.”
“ආනේ ඇත්තමයි කතාවෙන් කතාව අටත් වෙලා යමු ,යමු”
