පුංචි බබෙක් ලෙඩ වෙනව කියන එක තරම් හිතට දරාගන්න බැරි තවත් දෙයක් දෙමාපියන්ට නෑ. ඒත් උණක් හෙම්බිරිස්සාවක් කියන දේ උනත් අපිට නොසලකා හරින්න බෑ. ඉතිං අපි කතා කරමු ඒ ගැන.

වැඩිහිටි කෙනෙකුට වඩා ගොඩක් ඉක්මනින් පුංචි බබාල ලෙඩ වෙනව.එත් දෙමව්පියෝ විදියට අපි මේ මම කියන දේවල්  ගැන මීට කලින් හිතල තිබුණද?

මේ දේවල් අපි කවුරුත් දන්න හැබැයි ගොඩක් වෙලාවට මග ඇරෙන දේවල්.

මේව මම අත්දැකීමෙන්ම කරන දේවල් නිසා ඔයාලට කියන්න හිතුවා .මොකද මේ මම කරන දේවල්  නිසා මගේ දරුවා අසනීප වුණ වෙලාවට මට වගේම බබාගෙ ඩොක්ටර් ටත් පහසුවක් වුණා රෝග විනිශ්චය කරන්න.

වැඩිපුර විස්තර නොකරම කියන්නම්කෝ මොනවද මේ කියලා.

• දන්නවද “උණ චාට්” ගැන

  මම ඉස්සර ඉදලම මගෙ දුවට උණ හැදුනම “උණ චාට්” එකක් අදිනවා. බබාට උණ ගත්ත පලවෙනි වතාවෙම මම උණ සටහන් කරනව.වෙලාවත් එක්කම. ඊටප්ස්සෙ පැයෙන් පැයට උණ බලලා ඩොක්ටර් ලගට යනකන් උණ සටහන් කරනව. ඒත් එක්කම පැය හයෙන් හයට පෙනඩෝල් දුන්න වෙලාව මම ඒකෙම ලියනව. ඊටප්ස්සෙ ඩොක්ටර් ලගට යනකොට ඒ ලියපු උණ සටහන් ප්‍රස්ථාරයකට පිටපත් කරගන්නව.

  එතකොට ගිය ගමන්ම ඩොක්ටර් ට ඒක දුන්නම හරිම පැහැදිලියි. උණ නැගීම බැසීම ප්‍රස්ථාරයෙන් බලාගන්න පුලුවන්. ඒකෙන් ඩොක්ටර් ගෙ වටිනා කාලයත් ඉතිරි වෙනව.

  ඒ වගේම තමයි කියන්න ඕන ඩොක්ටර් බෙහෙත් දුන්නත් “උණ චාට්” ලියන එක නතර කරන්න එපා.
  මොකද උණ හොදවෙන්නෙ කොයි වෙලාවෙද කියල අපි දන්නෙ නෑනෙ. අනිත් එක තමයි ඒ සටහනේම කොනක බබාට උණ හැදෙන්න කලින් කන්න දීපු දේවල් බොන්න දීපු දේවල් කෙටියෙන් ලියන්න.

  නැත්තම් ඩොක්ටර් ලගට ගියාම ඔක්කොම අමතක වෙනවනෙ.

• තවත් විශේෂම කාරණයක් තමයි හැම උණක්ම සමාන නෑ.ඒ නිසා ගෙදර රෝග විනිශ්චය නොකර හැකි ඉක්මනින් බබාව ඩොක්ටර් ලගට ගෙනියන්න. ඒක හිතට සහනයක්  වගේම  අවදානම අඩු කරනව.පොඩ්ඩන්ගෙ ජීවිත එක්ක සෙල්ලම් කරන්න අපට බැහැ. ඉතිං අත් බෙහෙත් ,ගොඩ බෙහෙත් නොකර ඩොක්ටර් ලගට යන එක තමයි කල යුතුම දේ.

• අපේ පොඩ්ඩො ගැන වගේම අනිත් පොඩ්ඩො ගැනත් හිතන්න. ඩොක්ටර් ලගට ගියත්,ගෙදර හිටියත් තවත් පොඩ්ඩෙකුට ලෙඩේ බෝ නොවන විදියට කටයුතු කරන්න.අපේ පොඩ්ඩන්ට ලෙඩ වුණා ම අපි කොයිතරම් දුක් වෙනවද. අනිත් දෙමව්පියෝ ත් එහෙමයි. ඒ නිසා අසනීප දවස් වලට පාක් වලට, මොන්ට්සෝරි වලට, බබාලා ගැවසෙන තැන්වලට බබාව එක්කගෙන යන්න එපා.ඒකෙන් වෙන්නෙ අපේ බබාව අනිත් අම්මල මග අරිනව වගේම, ලෙඩක් නැති බබාලට අපි ලෙඩ බෝ කරනව. ඉතිං මින් ඉදිරියට අපි ඒ ගැනත් හිතමු.

• අනිත් දේ තමයි ලෙඩ උණාම බබාල කෑම කන්න හොර වෙනව.ඉතිං අම්මලට දුකයි. මටත් එහෙමමයි. එහෙම කියල බලෙන් කැව්වට වැඩක් නෑ. ඒ නිසා ඒ දවස් වලට බබා ආස දේවල් දෙන්න. බබා කැද බොන්න ආස නැත්තම් කැද පොවන්න එපා. බබා ආස පලතුරු වලට නම් පලතුරු දෙන්න. ඒකෙන් කායිකව දුර්වල බබාගෙ හිත සතුටින් තියන්න පුලුවන් අපට.

• අපි හැමෝටම අමතක වෙන ඒත් හැමෝම ගොඩක් වෙලාවට මූහුණපාන දෙයක් ගැනයි මේ මතක් කිරීම. අසනීප බබෙක් ඩොක්ටර් ලගට යනකොට වුණත් වමනෙ දාන්න පුලුවන්. ඒ නිසා අම්මල විදියට අපි ඒ හැමදේටම පෙර සූදනමක් තියෙන්න ඕන. යන්නෙ බස් එකේ හෝ කාර් එකේ හෝ වේවා අදින් පස්සෙ මේ ටිකත් මතක තියාගන්න පුලුවන්නම් හොදයි.

• මම නිතරම ගමනක් යනකොට විශේෂ බෑග් දෙකක් ගෙනියනව. ඒ ගැන ආයෙත් දවසක කියන්නම්කෝ. ඉතිං මේ එක බෑග් එකක තියනව බබාට අමතර ඇදුමකුයි, උණ කටුවයි, පැම්පර් එකකුයි, නැප්කින් එකකුයි, සැනිටයිසර් බෝතලයකුයි, වෙට් ටිෂූ පැකට් එකකුයි, සිලි සිලි බෑග් එකකුයි.

• ඒක මගෙ ලගමයි තියෙන්නෙ. මේ ලගදි උණ හැදිල බෙහෙත් ගන්න බබාව ඩොක්ටර් ලගට ගෙනියන අතරමග වාහනේ ඇතුලෙම බබා වමනෙ දැම්ම. ඒ වෙලාවෙ මට පිහිට වුණේ මේ බෑග් එක. මම ඉක්මනට සිලි සිලි බෑග් එක අරගෙන ඒකට වමනෙ දැම්මුවා. හැබයි පොඩ්ඩක් ඇදුමෙත් ගෑවුනා.ප්‍රශ්නයක් නෑ.අමතර ඇදුම අරගෙන අන්දවගෙන ගියා. වතුරෙන් බබාගෙ අතපය ,මගෙ අත පය සෝදගෙන වෙට් ටිෂු වලින් වැඩිදුර පිහදගෙන,නැප්කින් එකෙන් තෙත මාත්තු කරල ,සැනිටයිසර් එකෙන් අත පය පිරිසිදු කරල ගමන පිටත් වුණා. යන අතරමග උණ කටුවෙන් උණ පවා බල බල ගියෙ.ඉතිං හිතන්න මේ බෑග් එක මගෙ ළග නොතිබුණා නම්.

දැන් පේනව නේද අපි නොහිතන ඒත් අපිට හරිම වැදගත් දේවල් කොයිතරම් අපිට හිතන්න තියනවද කියල.

මේ වගේ විශේෂ දෙවල් අපි ඉදිරියටත් කතා කරමු.

සම යනු අපේ සිරුරේ විශාලතම ඉන්ද්‍රිය ලෙස හැඳින්වේ. ඉතාමත් සංවේදී ඉන්ද්‍රියයක් වන සම මගින් අභ්‍යන්තර පටකවලට රැකවරණය සලසන අතරම ශරීරයේ උණුසුම පාලනය කිරීමත් සිරුරේ නිපදවෙන අපද්‍රව්‍ය ඉවත් කිරීමත් සිදුවේ. මේ හේතුව මත සිරුරේ වෙනත් ඉන්ද්‍රියයන් සමග මනා සමායෝජනයක් ඇතිව සම ක්‍රියාත්මක වේ. ඒ නිසාම සම පිළිබඳව විශේෂ අවධානයක් යොමු කිරීම අපගේ වගකීමක් ලෙස දැක්විය හැකියි.

අපි අපේ සම පිළිබඳව සැලකිලිමත් විය යුතු වන්නේ මෙලොවට බිහි වූ දින පටන්මය. තම බිලිදාගේ සම කෙරේ වැඩි අවධානයක් යොමු කර වැඩිවියට පත් වන ඔබේ දරුවාට පෝෂණීය පැහැපත් සමක් හිමිකරදීමේ වගකීම පැවරෙන්නේ මව්වරුන්ටය. අන්න ඒ නිසාම  අපි කවුරුත් මේ පිළිබඳව දැනුවත් වීම වඩාත් වැදගත් වේ.

අලුත උපන් ළදරුවෙකුගේ සම මත Vernix නමින් හැඳින්වෙන ඉටි වැනි ආවරණයක් ඇති අතරම එය සමේ ආරක්ෂාව වෙනුවෙන් ස්වාභාවිකවම හටගන්නකි. ළදරුවා ඉපිද සතියක් පමණ ගත වන විට ඉබේම එය ඉවත් වී යයි. ළදරුවෙකුගේ සම පිඩාවට පත්විය හැකි ආකාර දෙකක් ඇති අතරම එකක් රුධිරය හරහාද අනෙක බාහිර පාරිසරික හේතු නිසාද වේ. එසේම ප්‍රතිශක්තිකරණ පද්ධතියේ ඇති විය හැකි දුර්වලතා ළදරු සමේ එක් එක් අසාධන තත්ත්වයන් ඇති වීමට හේතු විය හැකිය. මෙවැනි එක් එක් හේතු මත කැසිම්, ඉරිතැලීම් මෙන්ම සම අවපැහැ ගැන්වීම වැනි තත්ත්ව ළදරු සමේද දැකිය හැකිය. අන්න ඒ නිසාම ඔබේ ළදරුවාගේ සමට බාහිර පරිසරයේ හේතු සාධක මත සිදුවන හානිදායක තත්වයන් වලක්වාගැනීම මවකගේ වගකීමයි.

ඈත අතීතයේ සිට මව්වරුන් ස්වභාවික දේ යොදාගෙන ළදරුවන්ගේ සම පෝෂණය කරන්නට හේතු වී ඇත්තේ ස්වභාවික අමුද්‍රව්‍ය කිසිදු විටෙක සුසුනිඳු බිලිඳු සමට හානිකර නොවන නිසාය. ඊට අමතරව ස්වභාවික අමුද්‍රව්‍ය හරහා ළදරු සම පෝෂණය වීමයි. තවද බිලිඳු සමේ තෙතමනය ආරක්ෂා වීමද ඉතා වැදගත් වේ.

අපේ මෙන්ම අපේ දරුවන්ගේ සමේ නිරෝගී බව රැකගන්න අපි නිරන්තර උනන්දු විය යුත්තේ මේ නිසයි. ශරීර අභ්‍යන්තරයට වගේම බාහිරවත් විශාල ප්‍රතිලාභ රැසකින් සමන්විත ආමන්ඩ් ගැන ඔබ දැනුවත් විය යුතු වන්නේ සුන්දර සමකට අවශ්‍ය නිසි පෝෂණය ආමන්ඩ් ඔබට හිමි කරදෙන නිසාමයි. මන්ද ආමන්ඩ් නිරෝගී සමකට අත්‍යවශ්‍ය වන විටමින් A, B2, B6 හා E වලින්ද අනූන වන අතරම විටමින් E වැඩි ප්‍රමාණයක් අන්තර්ගත නිසා සම පෝෂණයට ද විශාල සහයක් ලබාදේ.

අලුත උපන් ළදරුවෙකුගේ සම තරම් මුදු මොලොක් අන් දෙයක් මතකයට නැගෙන්නේද නැති තරම්ය. ඒ සුසිනිදු බව ඒ ආකාරයෙන්ම රඳවා ගැනීමට හැකි නම් සෑම මවක්ම ඒ වෙනුවෙන් ඉදිරිපත් වනු නිසැකය. ආමන්ඩ් බිලිඳු සමේ සුසිනිඳු බව එලෙසින්ම රැක ගන්නා බව ඔබ දන්නවද? බොහෝ ආසියානු රටවල ළදරුවන් නැවීමට පෙර/පසු ආමන්ඩ් ඔයිල් යොදා මුදු සම්භාහනයක් සිදු කරන අතරම ඒ හරහා සමේ මෘදු බව වැඩි කරමින් පෝෂණය කරයි. සමේ තෙතමනය ආරක්ෂා කරයි. එසේම මාංශ පේශීන් මෘදුව සැහැල්ලු කරන නිසා ළදරුවා සුව නින්දකට වැටේ.

ඔබේ දරුවාගේ උපතේ සිටම පැහැපත් සමකට අවැසි අඩිතාලම යෙදීමේ වගකිම පැවරෙන්නේ මව්පියන්ට නිසාම ආමන්ඩ් පිළිබඳව දැනුවත් වීම ඉතාම වැදගත් වේ.

අද වන විට සම නිරෝගී සහ පැහැපත් කර ගැනීමට සිදු කරන බොහොමයක් සත්කාර අතරින් ඉහළ පෙලේ සත්කාර අතරට එක්වෙන ආමන්ඩ් හා සම්බන්ධ සත්කාර පිළිබඳව ඔබ දැනුවත්ද යන්න සැක සහිතය.

ආමන්ඩ් මගින් අපේ සමට මෙන්ම සිරුරටද වාසි රැසක් සලසයි.

ආමන්ඩ් සිරුරට ලබාදෙන ප්‍රතිලාභ

• සිරුරේ මේද ප්‍රමාණය පාලනය කරයි.
• මොළයේ සංවර්ධනයට සහය වේ.
• දියවැඩියා තත්ත්වය ඇතිවීමේ අවධානම අවම කරයි
• ප්‍රෝටීන් සපිරි නිසා සම පෝෂණයට ඉවහල් වෙයි
• විටමින් E/A අනූනයි.
• කැල්සියම් සපිරි නිසා සෛල වෙත පෝෂක උරා ගැනීමට සහය වෙයි.
• අස්ථි සෞඛ්‍ය වර්ධනය කරයි
• ප්‍රතිශක්තිකරණ හැකියාව සවිමත් කරයි
• පිළිකා අවධානම අවම කරයි

ආමන්ඩ් සමට ලබාදෙන ප්‍රතිලාභ

• සම පැහැපත් කරයි. ප්‍රතිඔක්සිකාරක ගුණය නිසා සම හොඳින් පිරිසිදු කිරීමේ හැකියාව පවති
• විටමින් E අනූන බැවින් සමට මනා පෝෂණයක් එක්කරන ආමන්ඩ් සම පෝෂණය කර තෙතමනය රැකගැනීමට සහය වෙයි.
• ආමන්ඩ් ඔයිල් මොයිස්චර්රයිසරයක් ලෙස භාවිත කළ හැකිය
• මුහුණේ මේකප් ඉවත් කිරීමට යොදා ගත හැකිය
• සිරුරේ ඕනෑම තැනක ආලේප කිරීමට හැකියාව ඇත
• සමේ තෙතමනය රැකදෙමින් වියලි බව දුරලයි

ඕනෑම සමකට සුදුසු මේ පහසු ආමන්ඩ් සත්කාරය ඔබත් අත්හදා බලන්න

රැයක් පොගවා ගත් ආමන්ඩ් ඇට අඹරා කිරි සමග මිශ්‍ර කර සම මත ආලේප කරන්න. වියලුණු පසු සිසිල් ජලයෙන් සෝදා හරින්න. දිනෙන් දින ඔබේ සම පැහැපත් වන ආකාරය ඔබම අත්දකින්න.