පුංචි දරුවන් මල් වගේ ලස්සනයි. ඒ සංකල්පයේ පිලිගැනීම වචනයටම ගැලපෙන විදිහට විය යුතුයි. දරුවන්ගේ වචනත් ඇත්තටම මිහිරි මී පැනි වගේ වුනොත් එවැනි දරුවන් ගැන කවුරුත් ගරුත්වයෙන් කතා කරනවා.
දරුවන්ගේ වචන නිසාම ඔවුන් සමාජයට අප්‍රිය චරිත වෙනවා නම් ඒ ගැන සෘජුවම චූදිතයන් වෙන්නේ දෙමව්පියන් බැව් අමතක කරන්න එපා.හොඳ දරුවෙක් ගැන සමාජය කථා කරන්නේ ඔවුන්ගේ සෙමව්පියන්ටත් යම් ඇගයීමක් පබා දෙමින් බැව් සහතික ඇත්ත.රහෙමනම් ඔබේ දරුවා සමාජයට ප්‍රිය චරිතයක් විදිහට ගොඩ නගන්නේ කොහොමද…?
දරුවන් සංවරව ගොඩ නගන්න…
දරුවෙකු වෙනුවෙන් කායික වගේම වාචසික සංවර බවත් අවශ්‍ය වෙනවා. නිතරම තවත් කෙනෙකුට බාධාක් නොවන අන්දමින් හැසිරෙන ආකාරය ඔවුන්ට කියා දෙන්න. අද බොහෝ දරුවන් පාසල් අවසාන වී දෙමව්පියන්ගේ කන්තෝරුවට ඇවිත් හවස නිවසට යන තෙක් කාලය ගත කරනවා. එවැනි අවස්ථාවන්හිදී කන්තෝරුවේ නිළධාරීන්ට වගේම උපකරණවලට බාධාවක් කරන්න එපාය යන අවවාදය ලබා දෙන්න.ඇතැම් දරුවන් නිසා කන්තෝරුවේ නිලධාරීන්ට පරිගණකය ඔවුන්ගේ අවශ්‍ය රාජකාරි කටයුතු වෙනුවෙන් පවා වෙන් කර ගැනීමට තරම් අපහසු අවස්ථාවන් තිබෙනවා.ඒ වගේම හැම දෙනාගේ පුටුවල දරුවාට ඉඳගැනීම වලක්වන්න. සේවා ස්ථානයක නිලධාරියාට හිමි ආසනය යනු ගරුත්වයක් ඇති අසුනක්. ඇතැම් විට ඔබේ දරුවා ඔවුන්ගේ ආසනයේ වාඩි වීම නොදත්කමට සිදු වෙන්නක් වුනත් වැඩිහිටියන් විදිහට එය අවිනීත සහ නොකළ යුතු දෙයක් බැව් කියා දෙන්න.
අවස්ථාවට ගැලපෙන අන්දමින් හැසිරෙන්න..
දරුවා යනු අනාගතයේ සමාජයට අනුගත විය යුතු සාමාජිකයෙක්. ඒ නිසා නිවසේ දක්වන හැසිරීම සමාජය අනුමත නොකරන බැව් කියා දෙන්න. විනෝද විය යුතු තැනදි විනෝද වුනත් පන්සල, පල්ලිය, අවමගුල යන විවිධ ස්ථානයන්හිදී අදාල තැනට ගැලපෙන අන්දමින් හැසිරන ආකාරය කියා දෙන්න. සමහර විට ඔබේ දරුවා පන්සලට ගිය විට කෑ කෝ ගසමින් බෝ මලුවේ දුව පැන ඇවිදින්න පුළුවනි. එය ඔවුන්ගේ ළමා වියට ගැලපෙන ළමාකම බව ඇත්ත. ඒ වුනත් එයින් සෙසු අයට ඇති වෙන බාධාව ගැන දෙමව්පියන්ගේ අවධානය යොමු වීම වැදගත්. ඒ නිසා පන්සලේදී වගේම ඔබ යන තැනට ගැලපෙන අන්දමින් හැසිරෙන ආකාරය දරුවාට බාල කාලයේදී පටන්ම් කියා දෙන්න. එසේ නොමැති වුවහොත් ඔවුන් අනාගතයේදී පවා තැනට ගැලපෙන ලෙසින් හැසිරෙන කලාව ඉගෙන ගන්නේ නැත.
සවන් දීම…
දරුවන් වුනත් හොඳ සවන් දෙන්නෙක් පවට පත් කරන්න. වැඩිහිටියන්ගේ අවවාද ගැන අවධානය ලබා දීමේ වැදගත්කම කියා දෙන්න. බොහෝ දරුවන් හිතන ආකාරයට
වැඩිහිටියන් යනු යල් පැන ගිය පිරිසක් නොව අත්දැකීම්වලින් ශක්තිය ලද පිරිසක් බැව් කියා දෙන්න. ඒ නිසා නිතරම සමාජ හැසිරීමේදී හොඳ සවන්දෙන්නෙක් ලෙසින් කටයුතුකිරීමේ අවශ්‍යතාවයත් දරුවාට කියා දෙන්න.
ඔබ සංවර දරුවෙක් බිහි කළොත් දරුවාට ලැබෙන අනාගත වාසි..
- සමාජයේ ගෞරවය ලැබෙනවා…
ගරුත්වය ලැබීමට අපි කවුරුත් කැමැතියි. පුංචි දරුවන් වුනත් ගරුත්වය ගබන්න කැමැතියි. නමුත් ඔබේ දරුවාට සමාජය ගරු කරන්නේ එවැනි ගරුත්වයක් ලැබීමට සුදුසු ගති පැවුතුම් දරුවා වෙතින් ප්‍රදර්ශනය වුනොත් පමනි. සමහර දරුවන් සමග කථා කිරීමට පවා බොහෝ දෙනා අකමැති වෙන අවස්ථා තිබෙනවා.අනේ දරුවෙක් වගේ නොවෙයි.. කතා කරන්නේ මම නම් කැමැති නැහැ කථා කරන්නවත්..මේ අන්දමින් දරුවා ගැන නරක ප්‍රතිරූපයක් ගොඩ නැතුනොත් ඔවුන් සමාජයේ ගරුත්වය නොලබන පිරිසක් ලෙසින් ලියාපදිංචිය ලබනු ඇත.
- නායකත්වයට පෙර සූදානමක්..
අද දරුවා යනු හෙට රටේ නායකයා බව අමතක කරන්න එපා. ඒ නිසා බලා කාලයේදී පටන් අනාගත නායකත්වය වෙනුවෙන් සුදුසු පසුබිම ලබා ගැනීම ඔවුන්ගේ යහපත් හැසිරීම නිසාම ලැබෙන අතිරේක වාසියක් බවත් මතකයේ තබා ගන්න. නායකත්වය යනු න්‍යායින පුහුනුවක් නොව තමන්ගේ සංව චරිතය තුළින්ම ගොඩ නගා ගත යුතු වටිනාකමක් නිසා දරුවා තුළ ඔබ විසින් ගොඩ නගන සංවර බව දරුවා අනාගත නායකත්වට පුහුණු කරන අත්තිවාරමත් නොදැනීම ගොඩ නැගුනා විය හැක.
- සමාජයේ ප්‍රසාදය ලැබෙනවා..
සංවර දරුවාට සමාජයේ ප්‍රසාදය ලැබීම රහසක් නොවේ. අනේ හරිම හොඳ දරුවෙක් යැයි හැම දෙනාම ඔබේ දරුවා මුල් කර ගෙන කිසිදු ලෝබ කමක් නැතුවම ඇගයීමක් ලැබෙනවා.
- පුද්ගල සම්බන්ධතාවයන් ගොඩ නැගෙනවා..
යහපත් දරුවාට සමාජයේ අන්තර් සම්බන්ධතාවයන් ගොඩ නගා ගැනීම ඉතාම පහසුයි. ඒ වගේම ඔවුන් ගොඩ නගා ගන්නා අන්තර් පුද්ගල සම්බන්ධතාවයන්ද ඉතා යහපත් බැව් අමතක කරනන් එපා. එක වර්ගයේ කුරුල්ලන් එක අත්තක එකතු වෙන පරිද්දෙන්ම හොඳ දරුවා සමග එකට පෑහෙන්නේද හොඳ දරුවන් වීමත් විශේෂයක්.ඉතින් අපේ දරුවන් මල් වගේ කියන වචනයටම ගැලපෙන අන්දමින් දරුවන් සමාජගත කරමු. එය අද ඔබේ කාර්යක්. එවිට දරුවන් හෙට දවසේදී සමාජය සමග ඔවුන්ගේ ගනු දෙනු ඉතාම හොදින් පවත්වා ගෙන යන බව සැකැයක් නැහැ.
