නිවසක අලංකාරය එහි තිබෙන විවිධ වටිනාකම් එක්රැස් කරන භාණ්ඩවලින්ම තක්සේරු කරන්න බැහැ. මොනතරම් වටිනාකම් ප්රදර්ශනය වුනත් දූවිලි වලින් පිරුන පරිසරයක් වුනොත් එයින් ඔබට පමණක් නොව නිවසේ නිවැසියන්ටත්, දරුවන්ටත් ඇති විය හැකි ආසාත්මිකතා රෝග ගැන දෙමව්පියන් විදිහට ඔබත් දැනුවත්ව සිටියොත් වඩාත් අගෙයි.
දූවිලි නැති නිවසක් ගැන ප්රායෝගිකව හිතන්න නම් ටිකක් අපහසුයි. ඒත් දූවිලි නිසා ඇති වෙන අවදානම ගැන දැන හිටියොත් අපහසුවෙන් වුනත් නිවසේ ජීවත්වෙන අයගේ සුව පහසුව ගැන දෙමව්පියන් විදිහට ඔබ වඩාත් උනන්දු වේවි.
දණගාන, හිටවැටෙන පුංචි පැටව් සිටින නිවසක නම් මේ තත්වය බොහොම බරපතලයි. හැමතැනම දණගාන, බඩගාන ඔවුන් දූවිල්ලට නිරාවරණය වීම වැඩියි. ඒ නිසා නිතරම පුංචි පැටවුන්ට ආසාත්මික රෝග වැලඳෙන්න තිබෙන අවදානමත් ඉහලයි.
ආසාත්මිකතාවයන් කියන්නේ මොනවාද..?
දූවිලි තුළ අපට නොපෙනෙන අපිරිසිදු ද්රව්ය අන්තර්ගතයි. ඒවා ඉතාම සියුම් නිසා ශ්වසනය ඔස්සේ නාසය , පෙනහලු කරා ඇතුලු වෙනවා. පුංචි පැටියා නිතරම කැස්ස, හෙම්බිරිස්සාව, සොටු දියර ගැලීම වගේම උගුරේ අපහසුතාවයන්ගෙන් පසු වෙනවා නම් අම්මලා නිවසේ දූවිලි තත්වය ගැනත් දැනටත් වඩා උනන්දු වුනොත් හොදයි.
පුංචි අයට විතරක් නොවෙයි…වැඩිහිටියන්ටත් දූවිලි අපලයි.
ලෙඩරෝග වලට ලොකු පුංචි වෙනසට වඩා බලපාන්නේ ශරීර ප්රතිශක්තියයි. ඒ කියන්නේ සමහර අයගේ සිරුර රෝගාබාධයන්ගෙන් වැලකී සිටින හැකියාව එහෙම නැත්නම් ප්රතිශක්තියෙන් යුක්ත නිසා ඔරොත්තු දීගෙන සිටියත් සමහර වැඩිහිටියන්ටත් මේ වාසනාව නැහැ. ඒ වගේ උදවිය බොහොම ඉක්මනින් දූවිලි නිසා විවිධ ආසාත්මිකතාවයන්ට ගොදුරු වීමේ ඉඩ කඩ යහමින් තිබෙනවා.
ලක්ෂ බාගයක් දීලා ගත්තේ..
දූවිලි නිසා ඔබේ වටිනා ගෘහ භාණ්ඩ වගේම වෙනත් විද්්යුත් උපාංගත් අපිරිසිදු වීම, ක්රියාවිරහිත වීම වගේම පාවිච්චියට නොගැලපෙන විදිහට නිරපරාදේ නාස්ති වෙන්න පුලුවනි. ලක්ෂ බාගයක් දීලා සොෆා සැටියක් ගත්තත් දූවිලි වලින් අපිරිසිදු වුනොත් එය සාලයට නොගැලපෙන තත්වයට පත් වෙන්න පුලුවන්. ඒ නිසා නිතරම දූවිලි ගැනත් විමසිලි ඇසින් සිටීම වැදගත්.
දූවිලි නැති පරිසරයක් ගැන…
- නිවසට ආලෝකය වගේම වාතාශ්රය ඕන. ඒක් ඇත්ත. ඒත් පාරට විවෘතව තිබෙන ජනේල මගින් නිවස ඇතුලතට දූවිලි ඇතුලු වෙන වේගය වැඩියි. ඉතින් මේ ගැන තීරණය කිරීමත් අවශ්ය වෙනවා.
- අපිට විදුලි පංකාව දැන් අත්යවශ්යම භාණ්ඩයක් බවට පත්ව තිබුනත් ඔන්න මෙයා තමයි නිවසට දූවිලි අරගෙන එන වාහකයා බවට පත්ව ඉන්නේ. ඒ නිසා නිතරම විදුලි පංකාවේ පෙතිවල රැඳී තිබෙන දූවිලි පිසදා පිරිසිදු කරන්න අවශ්යයි.
- නිවසේ වායු සමීකරණයක් තිබෙනවා නම් දූවිලි අංශු වායුසමීකරනයේ පෙරණයේ රැදී නැවත අපිටම හිරිහැර කරන්න ඉඩ තිබෙනවා. ඔන්න ඒ නිසා මාස තුන හතරකට වතාවක් කාර්මික හිල්පියෙකු ලවා මේ දූවිලි ඉවත් කර ගෙන සුද්ධ පවිත්ර කර ගැනීමටත් දෙමව්පියන් විදිහට වගකීමක් තිබෙනවා.
- දැන් කාලයේ දොර ජනේල රෙදි බොහොම බරපතලයි. අලංකාර කිරීමටත් නිවසේ හැටියට ලක්ෂ ගනනක වැය බරක්. හැබැයි ම්වා පිරිසිදු නොකලොත් එහි රැදී තිබෙන දූවිලි අංශු වාතය ඔස්සේ අපේම ශ්වසනයට ඇවිත ගෙදර සියලු දෙනාම නිතර නිතර ලෙඩ කරන්න පුලුවනි.
- නිවස අතුගානවා වගේම මොප් කිරීමෙන් දූවිලි කරදරයෙන් දුරස් වෙන්න පුලුවනි. දූවිලි වාතයේ සැරිසරලා අන්තිමට තැන්පත් වෙන්නේ බිම. අපි ඉතින් වැඩියෙන්ම ගෙබිමත් සමග සම්බන්ධ නිසා නිරන්තර අතු ගා පිරිසුදු කිරීමට අමතරව දින දෙකක්ට වරක් හෝ මොප් කිරීමත් අවශ්යයි.
- ඒ වගේම වැකුම් ක්ලිනරයක ආධාරයෙන් දූවිලි ඉවත් කිරීම ඉතාම පහසුයි.
- පාපිස්ස නිසි තැන ස්ථානගත කලොත් දූවිලි වලක්වා ගන්න පුලුවනි. පාපිස්ස වැකුම් කිරීම වගේම උස තැනක තබා හොදින් ගසා ගැනීමෙන් දූවිලි ඉවත් කර ගන්න පුලුවනි දෙසතියකට වතාවක් හෝ සෝදා පිරිසිදු කර ගැනීමත් වැදගත්.
- හැබැයි කාපට් එකේ නම් දූවිලි නවාතැන් ගන්නවා. බොහොම ගාම්භීර වුනත් කාපට් එකේ දූවිලි හරි විදිහට ඉවත් නොකලොත් ලෙඩ රෝග ඉල්ලා වැළඳ ගැනීමට සමානයි.
එහෙමනම් පුංචි පැටියයි, පවුලේ උදවියයි විතරක් නොවෙයි, නිවසේ බඩු භාන්ඩවලටත් කරදර පමුණුවන දූවිලි නැති පරසරයක් ගොඩ නගා ගැනීම ගැන උනන්දුවෙන් කටයුතු කළොත් කවදාවත් වරදින්නේ නැහැ.
විශේෂඥ වෛද්ය මියුරු චන්ද්රදාස
