පොල් පිලිබඳව අපි වඩාත්ම කථා කරන්නේ මේද බහුල ආහාරයක් විදිහට එහි තිබෙන අගුණ පිලිබඳව පමණයි. එහෙත් දැන් සම්ප්‍රදායිකව අපි කථා බහ කළ අගුණට වඩා පොල් වතුරේ ගුණාත්මක බව  පර්යේෂණ මගින් තහවුරු වී තිබෙනවා. මේ නව ප්‍රවනතාවාය පිලිබඳව කරුණු ඉදිරිපත් කරනු ලැබුවේ පේරාදෙණිය විශ්ව විද්‍යාලයේ ආහාර විද්‍යා හා තාක්ෂණ අංශයේ මහාචාර්ය  ටෙරන්ස් මදුජිත් මහතා විසින් 

අපේ පොල් යොදා ගත් අතුරු නිෂ්පාදන කීපයක් තිබෙනවා. දීසදි පොල්, කොප්පරා, වර්ජින් පොල් තෙල් . පොල් කිරි, පොල් පිටි, පොල්තෙල් සහ පොල්වතුර…

පොල්වතුර රසවත් වගේම සම්පූර්නයෙන්ම ස්වභාවික පානයක් බවට වූ පිලිගැනීම නිසා ඇමරිකාව, යුරෝපය, එක්සත් රාජධානිය, ජපානය, දකුණු කොරියාව සහ චීනය වැනි රටවලට අපනයන කිරීම සිද්ධ වුනා. පොල්වතුර අමුද්‍රව්‍යක් විදිහට භාවිතා කරමිින් කොකා  කෝලා (coca cola), Pepsico (පෙප්සිකෝ) වැනි නිෂ්පාදන සමාගම් ඔවුන්ගේ නිෂ්පාදන වෙනුවෙන් පොල්වතුර යොදා ගත්තා. ඒ වගේම අමුද්‍රව්‍යක් විදිහට පොල්වතුර යොදා ගත් නිෂ්පාදන විවිධාංගීකරණය නිසා ප්‍රභේද රාශියක් තිබෙනවා. උදාහරණයක් විදිහට රසය වෙනුවෙන් වැනිලා, කෝපි, ස්ට්‍රෝබෙරි  යොදා ගත්  පොල්වතුර නිෂ්පාදන වගේම ඇලුමිනියම් ඇසුරුම් ,කෑන්, විදිහට වෙනත් විවිධ ඇසුරුම් බිහි වුණා.

දැන් ලංකාවේත් විවිධ වර්ණ යොදා ගෙන රසවත් කළ සහ පැස්චරීකරණය කරන ලද කුඩා ප්‍රමාණයේ පොල්වතුර ඇසුරුම් විදේශ වෙළඳපොලට නිකුත් කරනවා. 2015 වසරේ පොල්වතුර ලීටර් මිලියන පහලොවක්  පමණ අපනයන කරල තිබෙනවා.

පොල්වතුර වෙනුවෙන්  සමාජයේ පිලිගැනීම ඇති වුනේ ….

බෝනොවන රෝග වෙනුවෙන් තිබෙන උනන්දුව නිසාම ආහාරවල සුරක්ෂිතාවය ගැන සමාජය උනන්දු වෙද්දී මේ නිසා හැම දෙනාම රසායනික නැත , අඩු මේද සහිත  සම්පූර්ණයෙන්ම  ස්වභාවික ආහාර වෙනුවෙන් යොමු වෙන්න පටන් ගත්තා. පොල්  වලට රසායනික යෙදීම ඉතාම අවමයි.

ඒ වගේම පොල්වතුර විෂබීජවලින් තොරයි. ස්වභාව ධර්මයෙන්ම ඒ වෙනුවෙන් නිර්මානය සිද්ධ වෙලා තිබෙනවා. ක්ෂුද්‍රජීවින්ගෙන් තොර පරිසරය ගෙඩිය වටා ඇති ආවරනය නිසාම ලැබී තිබෙනවා.

පොල් වතුරවල කැලරි ප්‍රමාණය අඩුයි. ආම්ලිකතාවය අඩුයි. PH අගය 5-6 ක් අතර . ඒත් පැණිබීම වලදී මේ ආම්ලික තාවය වැඩියි. පොල්වතුරවල  මේද ප්‍රතිශතයත් ඉතාම  අඩුයි.

පොල් ගෙඩියක වර්ධනයට වසරක් වැනි කාලයක් ගත වෙන අතර පොල් ගෙඩියක උපරිම  වතුර ධාරිතාවය තිබෙන්නේ මාස අටක කාලයේදී. එයින් පසුව පොල්වතුරේ ප්‍රමාණය අඩු වෙනවා. සාමාන්‍ය ප්‍රමාණයේ පොල්ගෙඩියකින් මිලිලීටර් තුන්සියයක් පමණ ලැබෙනවා. පැණිබීමට සාපේක්ෂව බලද්දී පොල්වතුරේ සීනි ප්‍රමාණය ඉතාම අඩුයි. පැණිබීම බෝතලයක සීනි ප්‍රමාණය ග්‍රෑම් 10-17 ක් පමණ වෙනවා.පොල්වතුර මීලිලීටර් සියයක අඩංගු වෙන්නේ සීනි ග්‍රෑම් හතරක්. පොල් ගෙඩිය මෝරන විට මේ තත්වය ග්‍රෑම් 2. 5 ක් පමණ දක්වා අඩු වෙනවා. 

පොල්වතුරේ ඛනිජ ලවණ, පොටෑසියම්, සෝඩියම් ,ක්ලෝරින්, මැග්නීසියම් වැනි සංඝටක  නිසා පොල්වතුරේ ජල විච්ඡේදක අගය රුධිර ප්ලාස්මාවේ පවතින ජලවිච්ඡේදක අගයට  ඉතාම සමානයි. ඒ නිසා සිරුරේ ලවණතාවය රැක ගැනීමට පුළුවන්. මේ  නිසා පශ්චාත් ලෝක යුධ කාලයේදී සේලයින් වෙනුවට පොල්වතුර නික්ෂේපනය කරනු ලැබුවා.එය විජලන තත්වයට ගුණ ලබා දෙන ඖෂධ නික්ෂේපනයක් විදිහට සාර්ථක වුනා.

පිලිකා රෝග පාලනය කළ හැකියි

පොල්  වතුරේ අඩංගු  Cytokinin සංයෝගය මගින් ඇතැම් පිලිකා රෝග පාලනය කළ හැකියි. ඊට අමතරව පොල් වතුරේ එන්සයිම ගණනාවක් අඩංගුයි. උදාහරණයක් විදිහට Phosphatase  (පොස්පටේස් ), diastase  (ඩයස්ටේස් ) , Reaductase ( රිඩක්ටේස් )මෙම එන්සයිම මගින් ජීරණය පහසු කරනවා. විටමින් C සුලු ප්‍රමාණයක් අඩංගුයි. විටමින් B කාණ්ඩයේ රයිබොප්ලේවින්, නියැසින් සහ Aauxin වැනි ශාඛමය හෝර්මෝනයත් පොල්වතුරේ අඩංගුයි.

පොල්වතුරේ වැඩි වශයෙන් තිබෙන්නේ සුක්රෝස්. ඊට අමතරව Sorbitol ෆ්‍රක්ටෝස්, (Galactose) Xylose, Mannsoe වැනි සීනි වර්ග ඇතුලත් වෙනවා. පොල්ගෙඩිය මෝරන විට සුක්රෝස් වැඩි වෙලා අනිත්  සීනි පහළ වැටෙනවා.

පොල්වතුරේ තිබෙන  ආවේනික සුගන්ධයට හේතු වෙන්නේ  Aldehyde වාෂ්පශීලී සංයෝගයි.

පොල්වගාකරුවන් නයිට්‍රජන් යොදා ගත්තාට පොල්වතුරේ සංයුතියට බලපෑමක් වෙන්නේ නැහැ.  පොටෑසියම් සහ පොස්පරස් පොහොර නිසා පොල්වතුරේ තිබෙන පොටෑසියම් පොස්පරස් ඉහල යන බව සොයා ගෙන තිබෙනවා. එහෙත් පැහැයට හෝ ගන්ධයට  එයින් වෙනසක් ඇති වෙන්නේ නැහැ. පොල්ගෙඩිය මෝරන විට ප්‍රතිඔක්සිකාරක ගුණය පහළ යන බව දැන් සොයා ගෙන තිබෙනවා. පොල්වතුර රත් කරන විට ලා දුඹුරුපැහැයක් ගන්නේ පොල්වතුරේ තිබෙන polyphenol oxidase එන්සයිම නිසයි.පොල්වතුර සකසන අය කල්තබා ගැනීමට ඇස්කොබික් අම්ලය එක් කරනවා. එයින් නිෂ්පාදනයේ ගුණාත්මක බව ආරක්ෂා වෙනවා.

ලෝකයේ පොල්වතුර නිෂ්පාදනයෙන් ඉහළින් සිටින්නේ බ්‍රසිලයයි.  පොල්වතුර පැසවීමට ලක් කරල නටාඩි කොකෝ  (Nata de coco)වැනි මිළ අධික ආහාර් නිෂ්පාදනය කරනවා. ඉන්දුනීසියාව, මැලේසියාව සහ පිලිපීනය වැනි රටවල මෙය මිළ අධික අතුරුපසක්.

පොල්වතුර සකසන විට ඉහළ උෂ්ණත්වයක රත්කරල වේගයෙන් නැවත සිසිල් කරනවා. මෙය UHT ක්‍රියාවලිය යනුවෙන් හැඳින්වෙනවා. එයින් පසුව සුරක්ෂිත තත්වයක් තුළ කාඩ්බෝඩ් පෙට්ටිවල අසුරලා මුද්‍රා තබා විදේශ වෙළඳපොලට යවනවා. පොල්වතුර වෙනුවෙන් විදේශවෙළඳපොලේ ඇති වටිනාකම කොතෙක්ද කිවහොත් මිලිලීටර් තුන්සියයක පැකැට්ටුවක් ඇමරිකානු ඩොලර් හයක් පමණ වෙනවා. 

විශේෂඥ මතය, අදහස සහ මූලික සටහන:

පේරාදෙණිය විශ්ව විද්‍යාලයේ ආහාර විද්‍යා  හා තාක්ෂණ අංශයේ මහාචාර්ය ටෙරන්ස් මදුජිත් මහතා

ජනක්‍රිඩාවන් කළ එළි දකින සිංහල අලුත් අවුරුද්ද..

සිංහල අලුත් අවුරුද්ද කිව්වාම ජන ක්‍රිඩා කළ එලි බහින යුගයක්. නමුත් අද සමාජ රටාව අනුව ජන ක්‍රිඩා වෙනුවෙන් කාලයටත් වඩා අවස්ථාවත් අඩුයි. බොහෝ දෙනා තුළ ජන ක්‍රිඩා ගැන වැටහීමකුත් නැහැ. ඒ නිසා අද අපේ පුංචි පැටව් ජන ක්‍රිඩාවන් ගැන කිසිදු දැනුමක් වගේම ඇල්මක් දක්වන්නේත් නැහැ. ඉතින්..මේ පුංචි පැටව් හෙට දවසේ අපේ අනාගතය බාර ගත් දිනයකදී ජන ක්‍රිඩා ගැන කිසිදු දැනුමක් නොමැති පිරිසක් බවට පත් වෙන්නත් පුලුවනි.

ජන ක්‍රිඩාවන් කියන්නේ…

යම් ජන කොට්ඨාශයකගේ සංස්කෘතියට ගැලපෙන ලෙස නිර්මානය වී තිබෙන ක්‍රිඩාවන් ජනක්‍රිඩා ලෙසින් හැදින්වෙනවා.ජනක්‍රිඩාවන්ට ආවේනික ලක්ෂණ කීපයකුත් තිබෙනවා.

• සරලයි.
• විනෝදයි.
• සහභාගීත්වය වැඩියි.
• උපකරණ සරලයි.
• තරගකාරිත්වය අඩුයි.
• කණ්ඩායම් හැගීමක් තිබෙනවා.
• ආගමික මුහුණුවර සහිතයි.
• සෞන්දර්යාත්මකයි.
• එකමුතුබව ඇති වෙනවා.
• ශාරිරික මානසික ක්‍රියාකාරිත්වය ඇති වෙනවා.

ඒ වගේම ජන ක්‍රිඩාවන් ගෘහස්ථ සහ එළිමහන් ලෙස කොටස් දෙකක්ට බෙදෙනවා.

• ගෘහස්ථ ක්‍රිඩා
• එළිමහන් ක්‍රිඩා

ගෘහස්ථව සිදු කරන  ක්‍රිඩාවන්…

• ඔළිඳ කෙලිය
• පංච දැමීම.
• චතුරංඟ කෙලිය.
• දාම් ඇදීම.
• ගල් පෙලීම.
• සොනාරු පෙත්ත.
• සීග කෙළිය
• නෙරෙංචි ඇදීම

මේ අතර එලිමහනේ සිදු කරන ක්‍රිඩාවන් කීපයක්ද තිබෙනවා..

• චක්ගුඩු පැනීම
• ඉනිවැට පෙරලීම.‘
• කොප්පර පිපිඤ්ඤා
• බුහු කෙළිය.
• ඔන්චිලි පැදීම.
• රබන් ගැසීම.
• අතක පතක ක්‍රිඩාව
• මේවර කෙළිය
• පොරපොල් ගැසීම.
• අං කෙලිය
• කඹ ඇදීම

ජන ක්‍රිඩාවන්හි යෙදීමෙන් ඇති වෙන වාසි…

• සිරුරට ක්‍රියාකාරිත්වයක් ඇති වෙනවා..

ජන ක්‍රිඩාවන්හි යෙදෙන විට සිදු වෙන ශාරිරික ක්‍රියාකාරිත්වය බෙහෙවින් වටිනවා. අද කාලයේ සිරුරට අවශ්‍ය ව්‍යායාම වෙනුවෙන් ජිම් ආයතන සොයන යුගයක සිංහල අලුත් අවුරුදු කාලයේදී ජන ක්‍රිඩාවක යෙදීමෙන් වඩාත් වාසි ලබන්න පුලුවනි.උදාහරණයක් ලෙස ජන ක්‍රිඩාවක යෙදෙන විට ශාරිරිකව ඇති වෙන දිවිම, පැනීම. උඩ පැනීම වැනි ස්වයංක්‍රියව ඇති වෙන ඉරියව් නිසා කිසිදු වෙහෙසෙක සිතට නොදැනීම ව්‍යායාම ලබා ගන්න පුලුවනි.

• සතුට ඇති වෙනවා…

ජන ක්‍රිඩාවන්හි යෙදන විට බොහොම සතුටක් ඇති වෙනවා.මේ කාලයේදී හැම දෙනෙකුම වාගේ සතුටින් සැහැල්ලුවෙන් කාලය ගෙවන නිසා ජන ක්‍රිඩාවන්හි යෙදීමෙන් සතුටක් ලබන්න පුලුවනි. 

• සෞන්දර්යාත්මක වින්දනයක්..

ජන ක්‍රිඩාවන් සමග සෞන්දර්ය අනිවාර්යෙන් බැඳී තිබෙනවා. ඔන්චිල්ලාවකදී වාරම් කවි ගයන්න..රබන් ගැසීමේදී ඇති නාද රිද්මය…මේවර කෙළිය…එළුවන් කෑම…වැනි ක්‍රිඩාවන්හිදී සිදු වෙන ගායනීය බව නිසා සෞන්දර්යාත්මකවත් ඇති වෙන ප්‍රබෝධය ජනක්‍රිඩාවකින් ඔබ ලබන තවත් අතිරේක වාසියක් ලෙස පෙන්වා දෙන්න පුලුවනි.

• කණ්ඩායම් හැගීම..

ඕනෑම ජයග්‍රහණයක් වෙනුවෙන් කණ්ඩායමක් ලෙසින් අපේ සංවිධානාත්මක බව වැදගත්.ජන ක්‍රිඩාවක් සමග සම්බන්ධව තිබෙන මෙම ලක්ෂණය නිසා සාමුහිකත්වය නොදැනීම සමාජය තුළ වගා වෙනවා. එකමුතුව ජයග්‍රහනයේ එකම මාර්ගය බැව් දන්නා නිසා ඔවුන් අතර ඇති සාමුහිකත්වය ක්‍රිඩාවේ ජයග්‍රහණයට හේතු වෙන බැව් දන්නා නිසා එකමුතුව කටයුතු කිරීමේ ගති පුරුදු දරුවන් තුළ වුනත් ගා වීමට ජනක්‍රිඩාවන්ට සහභාගී වීම ඉතාම වැදගත්.

ජන ක්‍රිඩා හැමදාමත් නැහැ..

ජනක්‍රිඩා කළ එළි දකින්නේ සිංහල අලුත් අවුරුදු කාලයට නිසා දරුවන්ට ඒ ගැන යම් අවබෝධයක් ලබා දීම ඉතාම වැදගත්.ඔබට ඒ වෙනුවෙන් වටපිටාවක් නැති බව ඇත්ත..එක්රැස්වීමටත් වසංගත කාලයේ නොහැකි බවත් අපි පිලිගන්නවා.එහෙත්..දරුවන්ට ගෘහස්ථව හෝ ක්‍රිඩා කිරීමට පරිසරයක් සාදා දීම ඉතාම වැදගත්. ශක්තිමත් තැනක ඔන්චිල්ලාවක් සාදා දෙන්න…පංච පෙතක් ගෙනැවිත් දී සෙල්ලම් කරන්න අවස්ථාව ලබා දීම…වැනි ක්‍රිඩාවන්ට දරුවන්ට හදුන්වා දීමට මේ කාලය තරම් ගැලපෙන පරිසරයක් තවත් නැහැ.

ජන ක්‍රිඩාවන්ට සම්බන්ධ ඉතිහාසය කියා දෙන්න..

• රබන් ගැසීම
• ඊශ්වර ‍දෙවියන් දුටු සිහිනයකට අනුව රබාන නිර්මාණය කළ බවත් එම නිර්මානය සුවඳ සඳුන් ලීයෙන් සිදු කළ බවත් එක් ජන ප්‍රවාදයක් වේ .රබාන වටා නටමින් මෙන්ම දෑතින් මෙන්ම වැලමිටෙන්ද රබානට පහර දෙමින් අති දක්ෂ ලෙසින් ක්‍රිඩා කරන පිරිස් අප අතර වේ .
• පංච කෙළිය

ජනප්‍රවාදයට අනුව ගජබා රජතුමා සොළී රටට පැහැර ගෙන ගිය සිංහල සේනාවට පොළිය ලෙස සොළී රටෙන් දොළොස් දහසක් සෙනග රැගෙන එන ලදී . මෙම ගමනේදී පත්තිනි දේවියගේ සලඹද රැගෙන එන ලදී . . මේ සමගම පංච කෙළිය වැනි ක්‍රිඩාවන්ද මෙරටට සම්ප්‍රාප්ත වන්නට ඇතැයි අපේක්ෂා කෙරේ . සිංහල අලුත් අවුරුදු කාලයට කල එලි දකින මෙම ක්‍රිඩාවට සම්බන්ධ වීමෙන් පත්තිනි දේවියගේ ආශිර්වාදය තමන් වෙතට ලැබෙනු ඇතැයි අපේක්ෂා කරයි .

• පොර පොල් ගැසීම

පත්තිනි දේවිය  සහ පාලඟ කුමරු සම්බන්ධව ගොඩ නැගී ඇති මෙම ක්‍රිඩාවේදී වැස්ස සහ සශ්‍රිකත්වය බලාපොරොත්තු වේ .උණ රෝග , ගව සහ කුකුළු වසංගත නියඟය වැනි අවස්ථාවන්ගෙන් සහනය අපේක්ෂා කළේ පොර පොල් ක්‍රිඩාවෙන්ය .

• අං කෙළිය

පත්තිනි දේවිය වෙනුවෙන් සිදු කරන මෙම ක්‍රිඩාවේදී පත්තිනි දේවිය  සහ පාලඟ කුමරුගේ කතාව ගායනයෙන් ඉදිරිපත් කරයි .වර්ෂාව බලාපොරොත්තුව සිදු කරණ මෙම ක්‍රිඩාවේ උද්වේගකර අවස්ථාව අනුව ගීයේ ස්වභාවය වෙනස් වේ .

• අං කෙලිය

පත්තිනි දේවිය මුල් කර ගත් ක්‍රිඩාවන් දොලහක් ඇති අතර එයින් මුල්ම ක්‍රිඩාව අං කෙලියයි . සොලි වංශයේ මායා රජුට සිටි පාළභ නම් කුමරු පත්තිනි දේවිය සමග විවාහ විය .දිනක් මේ දෙදෙනා උයනට ගිය විට සපුමල් සුවඳක් දැනෙන්නට විය .අවාරයේ දැනෙන සපුමල් සුවඳඔස්සේ ගිය ඔවුන් මල් පිපි තිබුන ඉසව්ව සොයා ගන්නා ලදී .බිම සිට කඩන්නට බැරි ඉසව්වක තිබුන මල් කඩන්නට කෙකි දෙකක් කපා ගත් අතර එකක් පත්තිනි දේවිය සමග සටි පිරිසද අනෙක් කෙක්ක කුමරුන් සමග සිටි පිරිසද අතරට ලැබුණි  කෙකි දෙක පැටලී අවසානයේදී පිරිමින් අතර වූ කෙක්ක බිඳී ගියෙන් මෙම සිද්ධිය සිහිපත් කරන්නට අංකෙලිය බිහි වූ බව ජනප්‍රවාදයේ සඳඳහන්ය .

• කඹ ඇදීම

සිංහල අළුත් අවුරුදු කාලයේදී දක්නට ලැබෙන කඹ ඇදීම සිංහළ ජන ක්‍රිඩාවන් අතරට ගැනෙන විශේෂිත ක්‍රිඩාවකි . මෙම ක්‍රිඩාව නාවිකයන්ගෙන් ආරම්භ වන්නට ඇතැයි සලකනු ලැබේ . මාස ගණනක් මුළුල්ලේ මුහුදු ගමනෙහි යෙදුන නැවියන් ඔවුන්ගේ විනෝදය සහ ව්‍යායාමය උදෙසා කඹ ඇදීම සිදු කළ බැව් විශ්වාස කෙරේ .

අපේ සංස්කෘතික වටිනාකම් හඳුනා ගැනීම..

පුද්ගලයෙකුගේ පැවැත්ම ඔවුන්ගේ අතීතය සමග බොහොම සම්බන්ධයි.රටක වුනත් ඉතිහාසය මගින් ජාතියක අබිමානය ගොඩ නගනවා. ජන ක්‍රිඩාවන්ට සම්බන්ධ වීම සමග දරුවන් තුළත් අපේය..අපේම ක්‍රිඩාවන්..කියන සංකල්පය නොදැනීම ගොඩ නැගෙනවා. අද හැම තැනින්ම ඇසෙන්නේ අපේ රට.. අපේ ජාතිය.. අපේ දරුවන් පිරිහෙන අන්දම ගැන දුක් ගායනා වුනත් මේ එකම රටාව කියමින් සිටිමට වඩා අපේය අපේ රට..ජාතිය යන සංකල්පය ගොඩ නගා ගැනීම ඉතාම වැදගත්.

නිරෝගී දරුවෙක් මව්පියන්ගේ එකම පැතුම වුවත් යම් යම් හේතු මත දරුවෙකු රෝගී තත්ත්වයට පත් වීම සැබවින්ම දුක්ඛිත තත්ත්වකි. විශේෂයෙන්ම තමන්ගේ දරු පැටියා දියවැඩියා වැනි රෝග තත්ත්වයකට ගොදුරු වීම මව්පියන් ලෙස දරා ගැනීමට අපහසු තත්ත්වයක්. එය එසේ වුවත් අතරමග හැරීමට නොහැකි මව්පියන් වන ඔබේත් මගේත් වගකීම් සමුදායේ කිසිවක් අත්හැරිය නොහැකි බවයි. අන්න ඒ නිසා දියවැඩියාව නොව ඊට වඩා දරුණු තත්ත්වයකට මුහුණ දීමට සිදුවුවත් ධෛර්යවන්තව දරුවාද කැටුව ඉදිරියට යාමට මාපියන් වශයෙන් අපි ශක්තිමත් විය යුතුමය. 

දියවැඩියා තත්ත්වය හේතුවෙන් දරුවෙකුට මුහුණ දීමට සිදු විය හැකි සංකූලතා පිළිබඳව අපි දැනුවත් වෙමු.

කීටෝ ඇසිඩෝසියාව

මෙහිදී මේදය බිඳ හෙලීම නිසා රසායනිකයක් වන කීටෝන දේහ ඇති වන අතරම එමගින් රුධිරයේ ආම්ලිකතාවය වැඩි වීම සිදු වේ. මේ තත්ත්වයේදී රෝහල් ගත වී ප‍්‍රතිකාර ගත යුතුය. බොහෝ විට දැඩි සත්කාර ඒකකයේදී සාත්තුව ලබාදේ. ප‍්‍රතිකාර නොකළහොත් දියවැඩියා කෝමා තත්ත්වයට පත්වන අතරම මේ තත්ත්වයේදී දරුවා අසිහිය තත්ත්වයට පත්වේ. මෙසේ වන්නේ රුධිරයේ ඇති අධික සීනි ප‍්‍රමාණය නිසා මොළය ඉදිමීම හේතුවෙනි.

මෙය ඇති වීමට හේතු වන්නේ,

• නිසි ලෙස ප‍්‍රතිකාර නොගැනීම
• නිසි ඉන්සියුලින් මාත‍්‍රාව ලබා නොගැනීම
• නිසි උපදෙස් පිළිපදිමින් ආහාර නොගැනීම
• ආසාධන පැවතීම

මන්ද මධුරක්තිය (Hypoglycemia)

එනම් ඉන්සියුලින් ලබාදෙන විට හෝ වෙනත් ප‍්‍රතිකාරයකදී රුධිර ගත සීනි ප‍්‍රමාණය අඩුවීමය. 

• වකුගඩුවලට හානි වීම. – Nephropathy
• ස්නායුවලට හානි වීම – Neuropathy
• අන්ධභාවය – Retinopathy
• සම හා පාදයේ ගැටලු
• හෘද රෝග හා රුධිරවාහිනී රෝග
• දත් හා විදුරුමස්වල ගැටලු
• පද කපා ඉවත් කිරීම

දරුවෙකු දියවැඩියා රෝග තත්ත්වයට ගොදුරු වීමට ඇති අවධානම් සාධක

• බර/තරබාරු බව (Obesity/over weight) – සාමාන්‍යයෙන් දරුවන්ගේ මේද පටක වැඩිපුර පිහිටන්නේ උදරය වටා, පේශී හා සම අතරයි. 

• අක‍්‍රීයභාවය (Inactivity) – ක‍්‍රියාකාරී වන විට බර පාලනය වේ. ග්ලූකෝස් ශක්තිය ලෙස ප‍්‍රයෝජනයට ගනී. 

• පවුල් ඉතිහාසය – මව්පියන් හා කිරි අම්මා/ කිරි අත්තා දියවැඩියා රෝගීන් වීම

• • ජාතිය – අප‍්‍රිකානු, ආසියානු, ඇමෙරිකානු ජාතිකයන් සාමාන්‍යයෙන් දියවැඩියා රෝගයට ගොදුරු වීමේ අවදානම ඉහළ බව පැවසේ‍‍

• වයස හා ස්ත‍්‍රී/පුරුෂ භාවය -ඇතැම් විට දරුවන්ගේ දියවැඩියා තත්ත්වය හඳුනා ගැනීමට අවස්ථාව සැලසෙන්නේ වැඩිවියට පත්වීමට ආසන්නයේදීයි 
• උපත් බර අඩු වූ විට හා ගර්භනීභාවයේදී දියවැඩියාව ඇති වීමේ අවදානමක් ඇත

දියවැඩියා තත්ත්වයට ගොදුරු වූ දරුවෙකුට ලබා දිය යුතු ප‍්‍රතිකාර හා සාත්තුව

ඉන්සියුලින් ප‍්‍රතිකාරය 

මෙම ප්‍රතිකාරය Type I ආකාරයේ රෝග තත්ත්වයේදී ලබාදේ. මෙහිදී උදෑසන ආහාරය පැය ½ ට පෙර ඉන්සියුලින් ලබාදීම (වර්තමානයේ ඇති ඉන්සියුලින් වර්ග සමහරක් ආහාර ලබාදෙන විට ලබාදිය හැක) සිදු කෙරේ. 

මෙහිදී,

• ක‍්‍රමානුකූලව එන්නත ලබාදෙන ස්ථාන මාරු (එවිට පළමුවරට දුන් ස්ථානයට නැවත දීමට සිදුවන්නේ සති කිහිපයකිනි) කරයි. 
• එන්නත සීත දාමය නොකැඩෙන ලෙස ශීතකරණයේ 20C- 80C උෂ්ණත්වයක තැබිය යුතු අතරම එය ලබා දීමට පෙර කාමර උෂ්ණත්වයට පත් විය යුතුය.
• සිරින්ජරයට මාත‍්‍රාව ගැනීමට පෙර කුප්පිය දෑත් අතර සෙමින් කරකැවීමෙන් හොඳන් මිශ‍්‍ර කළ යුතුය
• එන්නත සමට යටින් ඇති පේශී පටලයට (උපත්වචීය පටකය – subcutaneous – S/C) ලබාදෙයි. 

ඉන්සියුලින් ලබාදීමේදී ඉන්සියුලින් සන්‍යාසය (කෝමා) ඇතිවිය හැක. ඇතැම්විට මෙහිදී රුධිරයේ සීනි මට්ටම ක්‍ෂණිකව අඩුවිය හැකි අතරම ඒ තත්ත්වයේ ලක්‍ෂණ ලෙස,

• හදිසි කුසගින්න
• ශරීරයේ දුර්වල බව
• නොසන්සුන් බව
• සුදුමැලි වීම
• අධික ලෙස දහදිය දැමීම
• වෙව්ලීම
• කරකැවිල්ල
• ශරීර උෂ්ණත්වය අඩුවීම
• පෙනීමේ වෙනස්කම්
• ඇසේ කණීනිකාව විස්තාරණය
• සිහි නැති වීම 

මේ තත්තවයට හදිසියේම නිවසේදී මුහුණ දීමට සිදු වුවහොත් සීනි සහිත පානයක්/ග්ලූකෝස් වැනි යමක් බීමට දිය යුතුය. 

දරුවාගේ වර්ධනය හා විකසනය නිසි තත්ත්වයේ පවත්වා ගැනීමට,

• ව්‍යායාම, ක‍්‍රියාකාරීත්වයට, ශරීර බරට හා පවුලේ ආර්ථිකයට ගැලපෙන ආහාර වේලක් ලබා දිය  යුතුය
• කොලෙස්ටෙරෝල් මට්ටම (Serum cholesterol level) සාමාන්‍ය අගයෙහි තබාගත යුතුය 
• ශරීර බර ප‍්‍රශස්ත මට්ටමක තබා ගත යුතුය
• පෝෂණ අවශ්‍යතා සපිරි මේද එනම් කාබෝහයිඩ්‍රේට් (55%), මේදය (25%-30%), ප්‍රෝටීන (20%) නිසි මට්ටමෙන් ලබාදිය යුතුය
• ආහාර දවස පුරාම ලැබෙන පරිදි සැලසුම් කළ යුතු අතර ක‍්‍රියාකාරීත්වය අනුව වෙනස් කළ යුතුය. 
• ආහාර පාලනයේ වැදගත්කම පැහැදිලි දරුවාට වැටහෙන අයුරින් පැහැදිලි කළ යුතුය
• දරුවාට ස්වාධීනව වර්ධනයට ඉඩ සැලසිය යුතුය 
• දරුවා රෝගියෙකු ලෙස සැලකීම නොකළ යුතුය 

• දරුවාගේ හැකියාවන් වැඩි දියුණු කර ගැනීමට සහය දිය යුතුය
• රෝගය සමග ජීවත් වීමට දරුවා හැඩගැස්විය යුතුය 
• දියවැඩියා තත්ත්වයට ගොදුරු වූ දරුවාට සම වයසේ දරුවන් සමග කාලය ගත කිරීමටත් ඔවුන් සමග අදහස් ප‍්‍රකාශ කිරීමට අවස්ථාව සලසා දිය යුතුය 

දියවැඩියා තත්ත්වය ඇති දරුවා වෙනුවෙන් දෙමාපියන් දැනුවත් විය යුතු වැදගත් කරුණු

දියවැඩියා තත්ත්වයට ගොදුරු වූ දරුවෙකු සිටී නම් දරුවා මෙන්ම මාපියන්ද පහත කරුණු පිළිබඳව වැඩි අවධානය යොමු කිරීම වැදගත් වේ. 

1.ව්‍යායාම, චිත්තවේගීය ආතතිය හා ආසාධන තත්ත්ව සමගින් ඉන්සියුලින් අවශ්‍යතාව වෙනස් වන ආකරය දරුවාට පැහැදිලි කිරීම මගින් ක්‍රියාශීලී දින චර්යාවකට දරුවා යොමු කිරීම. 

2.මධුමේහ ආම්ලිකතාවය (Diabetic Reto Acidosis) ඉන්සියුලින් කෝමා තත්ත්වය හඳුනාගන්නා ආකාරය මෙන්ම එය වැළැක්වීමට සහ ප‍්‍රතිකාර පිළිබඳව දැනුවත් විය යුතුය.

3.ආසාධන වැළැක්වීමට ගත යුතු පියවර ක්‍රියාත්මක කළ යුතුය 

• නැහැවා පිරිසිදුව දරුවා තබා ගැනීෂ
• පාද සාත්තුව හා සමේ සාත්තුව
• සමේ තුවාල සඳහා ඉක්මන් ප‍්‍රතිකාර

ආසාධන සඳහා ඉක්මන් ප‍්‍රතිකාර

4.ගැලපෙන සුවපහසු පාවහන් තෝරාදීම

5.කාලගුණයට ගැලපෙන ඇඳුම් තෝරාදීම

6.වයසට නියමිත ප‍්‍රතිශක්තීකකරණය ලබා දීම

7.මුත‍්‍රා පරීක්‍ෂාව සිදු කිරීම පිළිබඳව දැනුවත් කිරීම.

8.ආහාර පාලනය උනන්දු කරවීම සහ උදව් වීම

9.ඉන්සියුලින් ලබා දීම පිළිබඳව දරුවා දැනුවත් කිරීම

10.නිරීක්‍ෂණය යටතේ දරුවාට නිවැරදිව එන්නත් මාත‍්‍රාව ගැනීමටත් එන්නත ලබාගැනීමටත් (වයස් සීමාව අනුව හැකියාව නම්) සැලැස්වීම

11.විෂබීජ ඇතුළු නොවන සේ ආරක්ෂිතව එන්නත ලබාගන්නා ආකාරය පැහැදිලි කිරීම 

12.තම ආරක්‍ෂාවට ගතයුතු පියවර පිළිබඳව දරුවාට පැහැදිලි කිරීම

13.නිතර රෝග විනිශ්චය කාඩ්පත ළඟ තබාගැනීම

14.හදිසි අවස්ථාවට ප‍්‍රයෝජනයට ගැනීමට ග්ලූකෝස් ස්වල්පයක් දරුවා ළඟ තබාගැනීමට දැනුවත් කිරීම

මෙවැනි තත්ත්වයකදී වෛද්‍ය උපදෙස් අනුව යමින් දරුවාගේ ආහාර වේල සකස් කිරීමත් සැමවිටම ක්‍රියාශීලී දිවිපෙවෙතකට දරුවා හුරු කිරීමත් ඉතා වැදගත් වන බව දෙමාපියන් වශයෙන් ඔබ සිහිතබා ගත යුතුමය. 

විශේෂඥ මතය, අදහස සහ මූලික සටහන:

 ක්‍රිෂාන්ති ගංගා කුමාරිහාමි මහත්මිය   

නවජ සූති දැඩි සත්කාර ඒකකයේ සූතිකා පුහුණු හෙද නිලධාරිනි (1 ශ්‍රේණිය)
පළාත් මහා රෝහල, කුරුණෑගල

දරුවෙකු ලෝකයට බරක් නොවන යහපත් චරිතයක් ලෙසින් දායාද කිරීමට නම් මව්පිය භුමිකාවත් කාලයෙන් කාලයට වෙනස් විය යුතුයි. පුංචි දරුවෙකු මෙල්ල කර ගැනීම පහසු වුනත් දරුවන් වැඩෙන විට සමාජය සමග සම්බන්ධතාවයන් ගොඩ නගා ගන්නා විට මව්පියන් ලෙස ඔබේ  භුමිකාවත් වෙනදාට වඩා වෙනස් විය යුතුයි.

නයෙක් වුනත් පෙනය පෙන්වන්න ඕන..

සාමාන්‍ය ජනවහරට අනුව කතාවක් තියෙනවා. නයෙක් වුනත් පෙනය පෙන්නුවේ නැත්නම් දර මිටියක් බදින්න වුනත් යොදා ගන්න පුලුවනිලු. එයින් කියැවෙන්නේ ”නයා ” කියන බලගතු පෞරෂය පවත්වා ගත යුතු  බවයි. දෙමව්පියන් වුනත් තමන්ගේ භුමිකාව පවත්වා ගැනීම වැදගත්. ඔබ දරුවන්ගේ හොදම මිතුරා විය යුතු බැව් ඇත්ත. ඒ මිත්‍රත්වයේදීත් යම් සීමාවක් අවශ්‍ය වෙනවා. ඔබ දරුවාගේ සමීපතමයා  වීම ඊට වඩා වැදගත්.එවිට දරුවාට ඔබ සමග ඒනෑස දෙයක් කතා කරන්න පුලුවනි. ඔබ හොඳම සවන්දෙන්නා වීමත් අවශ්‍ය වෙනවා.අන්න එතැනදී මිතුරාට වඩා සමීපතයාගේ භුමිකාව වැදගත්.

අවශ්‍ය තැනදී මව්පියන්ගේ පෞරෂයත් අවශ්‍ය වෙනවා

අම්මා,තාත්තා විදිහට ඔබ දරුවාට මිත්‍රත්වයේ දෑත දිගු කරන අතරවාරයේදීම ඇතැම් අවස්ථාවලදී දරුවන් වෙනුවෙන් යම් නීති රීති සහ සීමාවන් පැනවීමටත් සිදු වෙනවා. එවැනි අවස්ථාවකදී ඔබේ මව්පිය භුමිකාව වඩාත් වැදගත්.මිතුරෙකුට වඩා ඔබ්බට ගිය දෙමව්පියන්ගේ තීන්දු තීරණ දරුවාගේ ජීවිතය යහපත් අතට යොමු කරවන බවත් අමතක කරන්න එපා. ඒ වගේම දරුවා ඔබේ අවවාද පිලිගන්නා තැනට පත් වෙන්නේ ඔබ විසින් දරුවාගේ ලෝකයේ දෙමව්පියන් ලෙස ඔබ මුල් කර ගෙන ගොඩ නගා ඇති චිත්‍රයට අනුවයි.

හොඳම සවන්දෙන්නා වෙන්න

දරුවාගේ ප්‍රශ්නවලදී දෙමව්පියන් ලෙස ඔබ හොඳ සවන්දෙන්නෙක් බව ඇත්ත. බොහෝ විට දරුවාගේ දවසේ සියලු ප්‍රශ්න ඔබ සමග කතා කිරීමට කාලය එලැඹෙන තුරු බලා සිටිනු ඇත. ඒ නිසා දරුවා ඔබ සමග කතා බහට සූදානම් අවස්ථාවලදී ඔවුන් මග හරින්න එපා.

කාලය නැති බව ඇත්ත..

උදේ පටන් රාත්‍රිය වන තුරු ජීවිතයේ විවිධ ගැටලු සහ ගැටුම් දෙමව්පියන් විදිහට ඔබටත් ඇති.ඒ වුනත් කිසිම දිනක දරුවා දවසේ කාලය ගෙවූ අන්දම කතා බහ කිරීම මග අරින්න එපා.දරුවන්ට ඔබ සමග කතා බහට කාලයක් නොවුන තැන ඔවුන්ගේ ප්‍රශ්න හිතේ සිරගතව තිබෙන නිසා එය පුපුරා යන තෙක් දෙමව්පියන් හෝ නොදන්නා තැනට පත් විය හැකියි. ඒ නිසා දරුවාගේ මිතුරාට වඩා හොදම සමීප හිතවතා වුන තැනදී දරුවන් ඔබ සමග ඔවුන්ගේ හිතේ ඇති සියල්ල නොවලහා කීමට මැලි වෙන්නේ නැහැ.ඒ සමගම දරුවාගේ ගැටලුවලට නිසි මාර්ගයක්ද කියා දෙන්න. කළ යුතු දෙය සහ නොකළ යුතු දේ ගැන දැණුවත් බව දෙමව්පියන් විදිහට ඔබේ අත්දැකීමෙන් ලබා ඇති දැණුමෙන් දරුවන්ට යා යුතු මග නොමග කියා දෙන්න.

 දරුවන්ට ආදර්ශමත් වෙන්න

ඔබේ දරුවා උස් මහත් වෙන විට දෙමව්පියන් ලෙස ඔබ පුර්වාදර්ශ චරිතයක් විය යුතුයි. දරුවන් බොහෝ විට ආදර්ශය ලබන්නේ දෙමව්පියන්ගෙන්. එය වචන ලක්ෂ ගණනින් වැය වෙන අවවාදයන්ට වඩා වැදගත්

ඔවා දෙනු පරහට- තමා සම්මතෙහි පිහිටා සිට

දුසිරිත දනන් දෙන- ඔවා වැද්දන් දෙසන බණ මෙන

මෙය ඔබ මුල් කර ගෙන හිතන්න. දරුවන් මෙතැනදී ඔබට ඇඟිල්ල දිගු කිරීමට ඉඩ තබන්න එපා. ඔබ දරුවාට එක් ඇඟිල්ලක් දිතු කරන විට තවත් ඇඟිලි හතරක් ඔබ වෙතට එල්ල වී තිබෙනවා. ඔබ සැබෑම ආදර්ශමත් දෙමව්පියෙකු නොවුනේ නම් දරුවා විසින්ම ඔබේ වැරදි ගැන පාරාවළල් ඔබ වෙතට එල්ල කිරීමට පුලුවනි. ඒ නිසා නිතරම අවවාදයට වඩා ආදර්ශය උතුම්. විශේෂයෙන් හය හතර තේරෙන විට දරුවා දෙමව්පියන්ගේ චරිතය පාදක කර ගෙන මවා ගන්නා ප්‍රතිරූපය ඔවුන්ගේ ජීවිතය සැලසුම් කර ගැනීමට ප්‍රබල අන්දමින් බලපාන්න පුලුවනි.

පවුලක් වුනොත් රහස් නැහැ.

පවුලක් වුනොත් අම්මා මුළුතැන්ගෙයි..තාත්තා කන්තෝරුවේ…දුවයි පුතයි ඔන්ලයින්..මෙන්න මේ හැසිරීම ඔබේ පවුලෙන් දුරස් වීම වැදගත්. පවුලේ සාමාජිකයන් විවිධ හේතු මත විවිධ අවස්ථාවල වෙන් වෙන් කාර්යන්හි නිරත වෙන්න පුලුවනි. එය සාමාන්‍යයි. ඒත් පවුලක තිබිය යුතු සහජිවනය මේ කාර්යන් සමග පවා සම්බන්ධ කර ගැනීම වැදගත්. දරුවන් කරන දේ අම්මා වගේම තාත්තා දැන ගෙන සිටිම වැදගත්. අම්මා,තාත්තාගේ කටයුතු දුව වගේම පුතාද දැන ගෙන සිටීම අවශ්‍යයි.පවුලක අම්මා නොදන්නා රහස් වගේම දරුවන් නොදන්නා රහස් තිබිම එතරම් සුදුසු නැහැ.ඒ නිසා පවුලේ හැම දෙනාම එකට එක්ව එකම මාවතක ගමන් ගැනීම ඉතාම වැදගත්.පවුලක පැවැත්ම ඇත්තේ එතැනයි.

 විශ්වාසය පෙන්වන්න හැබැයි විපරමින් ඉන්න..

ඔබ දරුවන් අවිහ්වාස නොකරන බව පෙන්වුවත් ඒ අතර විපරමින් සිටීම වැදගත්. දරුවන් වුනත් අපට සියයට සියයෙන්ම විහ්වාස කරන්න බැහැ. ඇතැම් විට ඔවුන් බොරු කියන්න පුලුවනි. පාසල අවසානයේදී මිතුරෙකු සමග වෙනත් ගමනක් යා හැකියි. ඒ නිසා පාසල අවසානයේ සහ නිවසට පැමිනෙන වේලාව අතර කාලය ගලපා ගෙන ඔබට යම් බොරුවක් කියනවා නම් ඒ ගැන සොයා ගන්න. මුලින්ම දරුවාගේ යම් වැරැදි මගක යනවා නම් එය හසු කර ගැනීමට ඔබේ උකුසු ඇස වැදගත්.

අපේ පුතා එහෙම නැහැ.

ඇතැම් දෙමව්පියන් තමන්ගේ දරුවන් ගැන උපරිම විශ්වාස තබනවා. අද සමාජය බොහොම විෂමයි. දරුවන් ගිල ගන්නා අකටයුතු දරුනුයි. විෂ මත් ද්‍රව්‍යන්ට දරුවන් ගොදුරු වෙන වාතාවරණයකදී ඔබේ දරුවා ගැන යම් පනිවිඩයක් ලැබුනොත් එය කියන ලද තැනැත්තට ස්තුතිවන්ත වෙන්න. එතැනින් පසුව ඒ ගැන සොයන්න. අනවශ්‍ය අන්දමින් දරුවන් විශ්වාස කරන්නත් එපා.

තොරතුරු දුන් අය ආරක්ෂා කරන්න

ඇතැම් දෙමව්පියන්ට මෙවැනි තොරතුරක් ලද විට එය ලබා දුන් තැනැත්තා ගැනත් දරුවා කියනවා.මේ අන්දමින් තොරතුරු දුන් අය ගැන දරුවාට කියන්න එපා. එය තවත් ප්‍රහ්නයටක මුල පිරීමක්. නව යොවුන් දරුවන්ගේ ඉවසීම අඩුයි. ඔවුන් මේ තොරතුරු ලබා දුන් පුද්ගලයන් සමග අනවශ්‍ය අන්දමින් පැටලෙන්න පුලුවනි. ඒ නිසා මේ තොරතුරු වටිනා බව පමණක් සිතන්න.සමහර විට තොරතුරු අසත්‍ය නම් දරුවාගේ ආවේග තවත් දරුණු විය හැකියි. ඒ නිසා කියන්නා කෙසේ කිව්වත් අසන්නා සිහි බුද්ධියෙන් ඇසිය යුතු බව සිතා ඒ අනුව කටයුතු කරන්න. එය හොඳම විසඳුමක්.

එහෙමනම්…දරුවන් විශ්වාස කරන බව කියන්න. දෙමව්පියන්ගේ විශ්වාසය බිඳ වැටුන විට එය ගොඩ නැගීමත් පහසු කාර්යක් නොවන බවත් කියා දෙන්න.ඒ නිසා ඔබ නිතරම දරුවාගේ මිතුරා නොව විශ්වාසවන්තයා වෙන්න. එවිට දරුවාගේ ලෝකයේ  ඔබ තරම් විශ්වාසවන්ත තවත් පුද්ගලයෙකු නොමැති බව රහසක් නොවේ.

අපේ අත්තම්මාටවත් නොතිබුන ලෙඩ රෝග දැන් කාලයේ තරුණ දරුවන්ට..ඔන්න හැම තැනින්ම ඇහෙන ප්‍රශ්න. මේ අතර එක් වෛද්‍යවරයෙකු විසින් මේ අන්දමේ ඉතාම කනගාටුදායක සටහනක් තබා තිබුනා.

අනාගතයේදී බොහෝ දෙමව්පියන්ට ඔවුන්ගේ දරුවන්ගේ අවමංගල්‍යයන්ට සම්බන්ධ වීමට තරම් අවාසනාවන්ත තත්වයක් ඇති වෙනවා. ඉතින් මේ තරම් ඛේදනීය තත්වයක් වෙනුවෙන් අපේ දරුවන් යොමු වීමේ අවාසනාව දෙමව්පියන්ගේද…එහෙම නැත්නම් දරුවන්ගේද..?

අකමැත්තෙන් වුනත් කියන්න වෙන්නේ…” මේ දෙගොල්ලන්ගේම ” කියන පිලිතුරයි.

ඉතින් ඇයි එහෙම වෙන්නේ..?

මෙවැනි අනතුරක් ඉදිරියේ අප සිටිනවා නම් එතැනින් මිදෙන්න අපි උනන්දු වීම වැදගත් නේද…? මෙහෙම වේවි.. අනේ අපොයි කියවනවාට වඩා විසඳුමක් සොයා බලද්දී මේ ගැන අපි හිතුවොත් නරකද..?

රජෙක් වගේ ගත යුතු උදේ ආහාරය…

අපේ උදේ ආහාරය රජෙක් වගේ ගත යුතු වුනත් අද කාලයේ දරුවන්ගෙන් වැඩියෙන්ම මග හැරෙන්නේ උදේ ආහාරය කිව්වොත් ඔබත් එකඟ ඇති..දරුවන් පාසල් යවන්න…සැමියා කන්තෝරු පිටත් වෙන්න..දවල් ආහාරය පිලියෙළ කරන්න.. මේ සියළු වැඩ රාජකාරි සමග උදේට බත්, ව්‍යංජන සකස් කරන්නේ කොහොමදෑ…කියල ඔබ සිතුවත් අනිවාර්යෙන්ම පවුලේ සාමාජිකයින් වෙනුවෙන් උදේ ආහාර මග හරින්න නම් ඉඩ දෙන්න එපා.

• අපි පේස්ට්‍රි ෂොප් එකෙන් උදේට මොනවා හරි ගන්නවා..

ඔබ එහෙම සිතුවත් ”මොනවා හරි ” කියන්නේ විසඳුමක් නොවෙයි. ඇත්ත…. ඔබ යන අතරමග තිබෙන පේස්ට්‍රි ෂොප් එකකින් සොසේජස් බනිස් එකක්,කේක් එකක්, එහෙම නැත්නම් බයිට් පැකැට් එකක් මිලට ගන්නවා වෙන්නැති. ඒත් මේ ආහාරවලින් ඔබේ සිරුරට එකතු වෙන්නේ තෙල්, සීනි සහ ලුණු විතරයි.

උදේට බීම එකකුත් ගන්නවා..

ඇත්ත..ඒත් මේ සකස් කළ බීම කියන්නේ සීනි ගබඩාවක් පමණයි. වර්ණ වලින් සීනි ප්‍රතිශතය දක්වලා තිබුනත් ස්වභාවික පළතුරකින් හෝ බත් කැඳ කෝප්පයකින් සිරුරට ලැබෙන පෝෂණය නම් ඔය කියන පැණි බීම පැකට්ටුවකින් ලබා ගැනීම බොරුවක්.

උදේ ආහාරය මග හැරීමෙන් සිදු වෙන දේ මෙන්න…

ඔබ සහ දරුවන් විසින් උදේ ආාහරය මග හැර වෙනත් විවිධ තෙල්, ලුණු සහ සීනි අධික නිසරු ආහාර වෙනුවෙන් යොමු වු‍නොත් එයින් සිදු වෙන අහිතකර ප්‍රතිඵල බොහොමයක් තිබෙනවා.

අනවශ්‍ය අන්දමින් කැලරි ගබඩා වීම- 

නිසරු ආහාරවල පෝෂණීය තත්වය කෙසේ වෙතත් තෙල් සහ පිටි නිසා ඔබේ සිරුරට අනවශ්‍ය අන්දමින් කැලරි ගබඩා වෙනවා. ඒ වගේම දරුවන් වාහනයෙන් පාසලට…පාසලෙන් වාහනයට නිසා මේ කැලරි දහනය වීමකුත් නැහැ. ඒ නිසාම දරුවන් බෝ නොවන රෝගවල ගොදුරක් වීමත් ඉතාම පහසුයි.

පෝෂණය පිලිබඳ ගැටළු

උදේ ආහාරය පමණක් නොවෙයි, අද දරුවන්ට ගුණාත්මක බවෙන් යුක්ත ආහාර වෙනුවෙන් ඉඩක් ඇත්තේම නැහැ.ඒ නිසා අද දරුවන් අතර පහත දැක්වෙන රෝග තත්වයන්ද බහුලයි.

• තරබාරුව
• යකඩ ඌනතාවය
• පෝෂණ ඌනතා
• අඩු වයසේදී මල්වර වීම
• මල්වර වෙන වයසේදී මල්වර නොවීම
• ඔසප් චක්‍රය අක්‍රමවත් වීම
• වැඩිහිටි අවධියේදී බෝ නොවන රෝගවලට ගොදුරු වීම

දරුවන් කියල නිදහස් කරන්න බැහැ..

අපි ගන්න ආහාර රටාව නිසාම අපේ දරුවන් බෝ නොවන රෝගවල ගොදුරක් බවට පහසුවෙන්ම පත් වෙනවා.

ලෝක සෞඛ්‍ය සංවිධානය සඳහන් කරන අන්දමට බෝ නොවන රෝග

• දියවැඩියාව
• කොලස්ටරෝල් ගබඩා වීම සහ එහි අතුරු ප්‍රතිඵලයක් ලෙස හදවත් රෝග ආශ්‍රිත සංකුලතා.
• පිළිකා
• රුධිරපීඩනය
• ආඝාතය
• වකුගඩු ආබාධ

පංතියේ ක්ලාන්ත වීම

ඉස්සර දරුවෙක් පංතියේ ක්ලාන්ත වුනොත් බොහෝ දෙනා ඒ ගැන අනුකම්පාවෙන් කතා කළා. ගෙදර මිළ මුදල් ප්‍රශ්න ඇති. බඩගින්නේ ඇවිත්…එදා එහෙම වුනත් අද දවසේ නම් දරුවන් නිරාහාරව පාසල් යන්නේ නැති බැරිකමට නොව උදේ ආහාරය ගැන ඕනෑ නැති කම නිසයි.නමුත් උදේ ආහාරය මග හැර නිරාහාරව පාසල් ගියොත් සිදු වෙන විපාකත් තිබෙනවා.

• කුසගින්න නිසා ඉගෙනුම් කටයුතු වෙනුවෙන් ශක්තිය නැහැ.
• ධාරණය කර ගැනීම අපහසුයි.
• දැනෙන අපහසුතාවයන් නිසා ඇති වෙන පීඩනය
• දිගින් දිගටම කුසගින්නේ සිටීම සමග ඇති වෙන පෝෂණ ඌනතාවයන් නිසා අධ්‍යාපනයේදී පසුගාමී වීම.

කිව්වට කන්නේ නැහැ කියල නිහඩ වෙන්නත් එපා

දරුවන්ගේ ආහාර රටාව අපට අවශ්‍ය අන්දමින් ගලපන්න බැහැ. ඒක ඇත්ත. නමුත් එහෙම කියල දරුවන්ගේ ආහාර පිලිවෙත ඔවුන්ගේ නිරෝගිතාවයට නුසුදුසු අන්දමින් සිදු වෙනවා නම් ඒ භයානක තත්වයෙන් දරුවන් මුදවා ගැනීම දෙමව්පියන්ගේ වගකීමක් විය යුතුයි.

දරුවන්ගේ ආහාර ගැන සැලකිලිමත් වෙන්නේ කොහොමද..?

දරුවන්ගේ ආහාර ගැන කිව්වොත් අම්මා..තාත්තා ගැන කතා නොකරම බැහැ. ඒ නිසා දරුවන්ගේ ආහාරවේල පෝෂණීය අන්දමින් සකස් කිරීමට දෙමව්පියන්ගේ දායකත්වය  අවශ්‍යයි. එහෙමනම් මේ දාහක් වැඩ කටයුතු සමග අපි දරුවන්ගේ ආහාර ගැනත් අවධානයක් දෙන්නේ කොහොමද…?

පෙර සූදානම..

ඔබට කලබල උදෑසන සමග දරුවන්ගේ ආහාර සකස් කිරීම පහසු කාර්යක් නොවෙනවා නම් ඒවා කල් තබා සූදානම් කරන්න. උදේට පලා වර්ග තෝරන්න අපහසු නම් පෙරදා ඒවා තෝරා පිරිසිදු කරන්න.

කාලය වැය වෙන ආහාර උදේට අවශ්‍ය නැහැ. නිතරම කාලය අඩුවෙන් වැය වෙන නමුදු පෝෂණයෙන් යුක්ත ආහාර ගැන අවධානය දක්වන්න.

බත් පමණක් නොවෙයි..

ඔබේ දරුවාට උදේට බත් පිලියෙල කිරීම අපහසු විය හැකියි. සමහර විට ඒ වෙනුවෙන් ව්‍යංජනත් අවශ්‍ය නිසා කඩල, මුංඇට, කව්පි වැනි දේවල් වුනත්උදේ ආහාරයට යෝග්‍යයි. ඒ වගේම එලවලු බතක්, බිත්තර බතක්, ඕට්ස් එහෙම නැත්නම් එළවලු පෑන් කේක් එකක් ,හබල පෙති ආදියෙන් විවිධ දේ වෙනුවෙන් යොමු වෙන්න. ඒ හැම අවස්ථාවකදීම දරුවාගේ කුස පිරෙන, අනවශ්‍ය තෙල්,ලුණු සහ සීනි නොමැතිව සකස් කර ගත හැකි දේවල් වෙනුවෙන් යොමු වෙන්න.

නිවාඩු දවසුත් තියෙනවානේ…

ඔබට රටාවක් ලෙසින් හැම උදේකම යම් අන්දමකින් පෝෂණීය ආහරයක් ලබා දීමට අපහසු විය හැකියි.ඒ වගේම දරුවාට උදේ කාලයේ ඇති සීමිත කාලයේදී  මේ සියල්ල ආහාරයට ගැනීමත් අපහසුයි. විශේෂයෙන් කෝප්පයක් බිව්වොත් එදාට නැවත පරිපූර්ණ උදේ ආහාරයක් ගැනීම අපහසුයි. ඒ නිසා නිවාඩු දිනයන්හිදී විරාමයක් තබා දරුවාට ආහාර ගත හැකි නිසා එදිනට ඔබ පවුලේ ආහාර ගැන වැඩි අවධානයක් ලබා දෙන්න.